Titusa 2:2 - KNTP

² Wibambile banabalume bakulumpe bekale bashing'ama, ba kwikanya, balumbuluka mu lwitabilo, ne mu butemwe, ne mu butekanye.

Titusa 2:2 Iomraidhean Croise

Mako 5:15

Kabiji baishile kwi Yesu ne kumona awa muntu wanonkelwe kala na nzhita ya bademona. Kasa aikala konka kasa avwala, ne muchima wanji kasa alubuluka bulongo, kabiji abo baubile moyo.

Luka 8:35

Ne bantu bavula bayile na kumona kyamwekele, ne kwiya baishile kwi Yesu ne kumumona awa muntu mwafumine bademona, kasa aikala ku maulu a Yesu, wavwala ne muchima wanji kasa alubuluka bulongo, kabiji abo baubile moyo.

Byubilo 24:25

Kabiji byo a ambilenga naabo mambo a bololoke, ne a butekanye, ne a kije kikeya, Felikisa ke moyo mukatampe amba, “Pano aki yanga; kabiji kana namona kimye kyafwainwa nkakwita konji.”

Loma 12:3

Mambo amiwa naambila monka mwayila bupe bonapewa ku bonse ba mwi anweba. Namba kechi mwilanguluke kukilapo pomwafwainwa kwilangulukila ne. Poso mulangulukenga byonka byafwainwa kulanguluka, monka mo emupimina Lesa pa muntu pa muntu kipimo kya lwitabilo.

1 Kolinda 15:34

Buukai mwikale batekanya ne baoloka. Mambo bamo kechi bamuyuka Lesa ne, naamba bino namba nemulengeshe bumvu.

1 Kolinda 9:25

Kabiji bonse basaka kushindang'ana mu bisela, bekanya mu bintu byonse, amba bakatambule munchinya ubola, pakuba atweba tukatambula ubula kubola.

2 kolinda 5:13

Mambo atweba nangwa twakonya, twakonya na mambo a Lesa, kabiji nangwa twi batekanya, twi batekanya na mambo a anweba.

Ngalatiya 5:23

ne bukimote ne kwikanya. Ku bya byonka bino kechi kuji muzhilo ne.

Filipai 4:8

Kyapelaako, balongo bami, langulukai byonse bya kine, ne byonse bya mushingi, ne byonse byaoloka ne byonse byawamisha, ne byonse bya buuya, ne byonse bya lusa, kabiji umvwe kobuji buwame ne lutotelo, bilangulukai bino bintu.

Tesalonika 5:6

Onkao mambo kechi tulaale tulo byo balaala bakwabo ne, nanchi tulabenga ne kukenkenta kasa twatekanya.

Tesalonika 5:8

Kabiji atweba byotuji bamute, twikale batekanya, tuvwale kyela kya pa kyaji kya lwitabilo ne butemwe, ne kya ku mutwe kya luketekelo lwa lupulukilo.

1 Timoti 1:10

ne ba bulalelale, ne bekuna banabalume na banabalume bakwabo, ne babombola bantu, ne ba bubela, ne bachipa bya bubela, nangwa kintu kikwabo kyapusana na luno lufunjisho lwalumbuluka.

1 Timoti 1:14

Kabiji aye Nkambo wampele bupe bwavula ne lwitabilo ne butemwe bwa mwi Kilishitu Yesu.

1 Timoti 1:2

Kwi Timoti, mwanami wa kine mu lwitabilo. Bupe, ne lusa, ne mutende, bifuma kwi Lesa Taata ne kwi Kilishitu Yesu, Nkambo yetu, bikale ne obewa.

1 Timoti 1:5

Uno mukambizho wayila mu butemwe bufuma mu muchima watoka, ne mu muchima ubula kwizhachisha, ne mu lwitabilo lwabula bujimbijimbi.

1 Timoti 3:11

Banabakazhi nabo pamo, bekale bashing'ama kechi bababang'ana ne, belama bulongo, bakishinka mu bintu byonse,

1 Timoti 3:2

Byonkabyo mukulumpe ulama kipwilo wafwainwa kwikala wabula kaneneno, mwanamulume uji na mukazhi umo, wilama bulongo, wa muchima watekanya, wa bwikalo bwalumbuluka, watemwa kutambwila benyi, wakonsha kufunjisha,

1 Timoti 3:4

Ulama bulongo bamunzubo yanji mwine, waikala na baana banji kasa bamunekenena na mushingi yense.

1 Timoti 3:8

Pamo byonkabyo ne bankwasho ba kipwilo nabo bekale bashing'ama, kechi ba njimi ibiji ne, nangwa batomatoma binyu ne, nangwa ba lwiso lwa mali ne.

1 Timoti 5:1

Kechi ukalukile muntu mukulumpe ne, poso kumusashijila nobe shobe. Ne bansongwalume nabo nobe bakolojobe,

Titusa 1:13

Kuno kushimuna ko kwa kine. Na onka ano mambo wibalengulule na lupata amba, bekale ke balumbuluka mu lwitabilo,

Titusa 1:8

Kana watemwa kutambwila benyi, watemwa byawama, watekanya, waoloka, wazhila, wikanya mu byonse.

Titusa 2:7

Mu bintu byonse wimweshe obewa mwine ke wa kumwenako mu mingilo yawama. Wikale wakishinka ne wasumininwa mu lufunjisho lobe.

Filemonyi 1:9

kechi nasaka kwikyuba ne, kana na mambo a butemwe nasaka kwi musashijila byonji mukote, amiwa Paulo, kabiji ne pano ne kaili wa Kilishitu Yesu pamo.

1 Petelo 1:13

Onkao mambo, nengezhai michima yenu mutekanye, mwilulanguluke bulongo luketekelo lwenu lwa bupe bukemuletelwa pa lumwekesho lwa Yesu Kilishitu.

1 Petelo 4:7

Kabiji mpelo ya byonse iji kwipi. Onkao mambo ikalai na michima ya kwikanya, ne kutekanya, mwikale ba milombelo.

1 Petelo 5:8

Tekanyai, mulabenga ne kukenkenta, mulwanyi wenu Diabola nobe bokwe ubuluma, upitang'ana na kusaka wa kuja.

2 Petelo 1:6

ne mu maana enu namo mu mwenemo kwikanya, ne mu kwikanya kwenu namo mu mwenemo butekanye, ne mu butekanye bwenu namo mu mwenemo ku nemeka Lesa,