Titusa 2:12 - KNTP

¹² Bwitufunjisha atweba amba, tukaane bumbulwa kwakamwa Lesa ne bya lwiso lwa pano pantanda, twikale ba kwikanya, baoloka, ne ba kunemeka Lesa pano pantanda.

Titusa 2:12 Iomraidhean Croise

Mateo 12:32

Kabiji awa umunena bibi Mwana Muntu, ukalekelwao, pakuba awa umunena bibi Mupashi Wazhila, kechi ukalekelwao ne, nangwa muyino myaka, nangwa mu myaka ikeya.

Mateo 16:24

Ponkapo Yesu wibambijile baana banji babwanga amba “Umvwe muntu usaka kundondela, ekane mwine, ashikule musalabu wanji ne kundondela.

Mateo 28:20

ne kwibafunjisha balamenga byonse byo nemukambizhizhe. Kabiji talai, amiwa nji nenu moba onse, kufika ne ku juba jikapelaako.”

Luka 1:6

Bubiji bwabo bajinga baoloka ku meso a Lesa, ba endelenga kwakubula mambo monka mu mikambizho ne mu mizhilo ya Nkambo.

Luka 1:75

monka mu buzhile ne mu bololoke ku meso anji moba a bumi bwetu bonse.”

Yoano 14:30

Pano kechi ng'ambe nenu byavula ne, mambo mfumu wa pano pantanda kaiye. Aye kechi uji na luusa pe amiwa ne,

Yoano 6:25

Kabiji byo bamutaine ku bushiya bwa kizhiba, bamwipwizhe amba, “Laabi, ng'anyi kimye kyo mwaji kwiya kuno?”

Byubilo 24:16

Byonkabyo nateshako bingi muchima namba ngikale na muchima wabula mambo kwi Lesa ne ku bantu moba onse.

Byubilo 24:25

Kabiji byo a ambilenga naabo mambo a bololoke, ne a butekanye, ne a kije kikeya, Felikisa ke moyo mukatampe amba, “Pano aki yanga; kabiji kana namona kimye kyafwainwa nkakwita konji.”

Loma 12:2

Kabiji kechi mwipashang'anyenga na ba pano pantanda ne, poso mwalulukenga ke bangi na kusangulwa kwa michima yenu, namba mukayukenga kyaswa muchima wa Lesa, akya kyawama ne kyaitabilwa ne kyalumbuluka.

Loma 6:12

Byonkabyo kechi muleke bundengamambo bwikale na bunkambo mu mibiji yenu ya lufu ne, mwakakookela lwiso lwayo.

Loma 6:19

(Naambatu mwambila bantu na mambo a kunekena kwa buntunshi bwenu.) Mambo byo mwapaine bya mibiji yenu nobe bazha ku bubipisho ne ku bubi mukuuba bubi. Byonkabyo pano panai bya mibiji yenu nobe bazha ku bololoke mu kuzhijikwa.

Loma 8:13

Mambo umvwe mwalonda bya buntunshi mukafwa. Pakuba umvwe mwaipaya na Mupashi byubilo bya mubiji, mukekala na bumi.

2 kolinda 1:12

Mambo kwitota kwetu ko ko kuno, ko kushimuna kwa jiwi ja mu michima yetu, amba mo mu buzhile ne mu bumuchima wa bukine bwa Lesa, momo twaikela pano pantanda, pakuba kwi anweba ko kwine, kechi mu maana a buntunshi ne, poso mu bupe bwa Lesa.

2 kolinda 7:1

Onkao mambo anweba batemwe, byo tuji na ino milaye, twitokeshe atweba bene ku bubipisho bonse bwa mubiji ne bwa mupashi, kasa tulumbulula buzhile bwetu na moyo wa kwakamwa Lesa.

Ngalatiya 1:4

Ye wipaine mwine na mambo a bubi bwetu, mu kwitupokolola ku bya pano pantanda pa katataka pabiipa, monka mwayila muchima wa Lesa Taata wetu.

Ngalatiya 5:24

Kabiji abo bakwa Kilishitu Yesu bapopa kala pa musalabu buntunshi bwabo ne bya kusakasaka kwabo ne bya lwiso lwabo byonse pamo.

Efisesa 1:4

Monka mo etusalulwijile mwi aye pano pantanda kasa pakyangye kulengwa, amba twikale bazhila, babula bulema ku meso anji, mu butemwe bwanji.

Efisesa 2:2

Mo mwaendelenga kala monka mwayila musango wa pano pantanda, monka mo asakila mfumu wa baluusa lwa mu mwela, ye mupashi wingila ne pano mu baana bamilengulwila.

Kolose 1:22

Pakuba pano Aye Lesa wimupwanya na lufu lwa mu mubiji wa bumuntu bwa Mwananji, mu kukemumwesha ku meso anji kasa mwazhila, babula bulema ne babula mambo.

Tesalonika 4:7

Mambo Lesa kechi witwichile ku bubipisho ne, kana mu kuzhijikwa.

Tesalonika 4:9

Pano na mambo a butemwe bwa kutemwa balongo kechi musake muntu emunembele ne. Mambo anweba bene mwafunjishiwa kwi Lesa kwitemwa anweba bene na bene.

1 Timoti 4:12

Kechi uleke muntu akusuule mambo wimwanyike ne, bino wikale wa kumwenako abo baitabila, mu byambo, ne mu bwikalo, ne mu butemwe, ne mu lwitabilo, ne mu bumuchima watoka.

1 Timoti 6:17

Banonshi wibakambizhe amba, kechi bekale na michima ya kwitumbijika ne, nangwa kubiika luketekelo lwabo mu bunonshi bwa pano pantanda ne, kana mwi Lesa, ye witupa bintu byavujisha bya kusekelamo.

1 Timoti 6:9

Bino aba bakeba kunonka baponena mu lweseko ne kufwa mu kakose, ne mu bya lwiso bya kubula maana ne mu bya kwionauna, byo bibebizha bantu mu lufu ne mulonaiko.

2 Timoti 3:12

Kine kabiji, bonse bakeba kwikala na munema wa kunemeka Lesa mwi Kilishitu Yesu, bakapatwanga;

2 Timoti 4:10

Mambo Demasa wandeka kala, pa kutemwa bya pano pantanda, waya ku Tesalonika. Kelesense waya ku Ngalatiya, ne Titusa naye ku Dalamatiya.

Titusa 3:3

Mambo ne atweba kala twajinga babula maana, bamilengulwila, bajimbaikwa, kasa twanonkwa buzha ku bya lwiso ne ku bya lusangajiko bya misango ne misango, kasa twaikala mubushikwe ne mu kikonkoma. Betushikilwe kabiji twishikilwe ne atweba bene na bene.

Bahebelu 8:11

Kabiji kechi bakefunjishanga bene na muntu mo bekela ne, nangwa na mulongo amba ‘yukai Nkambo’ ne. Mambo bonse bakangyuka amiwa, kufuma ku mucheche mwine kufika ne ku mukatampe wakila.

Yakoba 1:27

Bwina Lesa bwa kine ne bwabula bubi ku meso a Lesa Taata wetu bo bo buno, bwa kupempula baana bakishale ne banabakazhi bafwilwa mu malwa abo, ne kwilama obewa mwine ku biko bya pano pantanda.

2 Petelo 2:9

Aye Nkambo wayuka bya kwibapokolola banemeka Lesa mu lweseko, ne kwibalama babula koloka mu lukabisho, kupembela juba ja kije,

2 Petelo 3:11

Bino bintu, byo bikasunguluka byonse, mwafwainwa kwikala bantu ba byepi? Mwikale mu bwikalo bwa buzhile ne bwa kunemeka Lesa,

1 Yoano 2:27

Pakuba akwa kushingwa ko mwatambwile kwi Aye kwaikala mwi anweba, kabiji anweba kechi musaka nangwa umo kwi mufunjisha ne. Bino akwa kushingwa byo kubena kwi mufunjisha mu byonse amba byo bya kine kabiji kechi muji bubela ne, byonka byo kwi mufunjisha. Ikalai mwi Aye.

1 Yoano 2:6

awa wamba amba waikala mwi Kilishitu wafwainwa kwenda byonka byo a endelenga Aye.

1 Yoano 5:19

Twayuka namba twibakwa Lesa, nangwa ntanda yonse iji mu bulume bwa kwa aye mubi.

Yuda 1:18

Byo bemwambijile amba, “Mu moba akapelaako kukekala ba mwenga, kasa balonda monka mu bya lwiso lwabo bya kubula kwakamwa Lesa.”

Lumwekesho 14:12

Byonkabyo bazhijikwa bafwainwa kwikala bakosa, abo balama mikambizho ya Lesa, ne lwitabilo lwa Yesu.”