Titusa 2:11 - KNTP

¹¹ Mambo bupe bwa Lesa bwamweka, bwaleeta lupulukilo ku bantu bonse.

Titusa 2:11 Iomraidhean Croise

Mateo 28:19

Onkao mambo yainga na kulenga baana babwanga muba mikoka yonse ya bantu, muke babatizhenga mu jizhina ja Taata ne ja Mwana ne ja Mupashi Wazhila,

Mako 16:15

Ne aye wibambijile amba, “Yainga pantanda ponse, mukasapwile Mambo Awama ku bilengwa byonse.

Luka 24:47

kabiji amba lulapilo ne lulekelo lwa mambo byafwainwa kusapwilwa mu jizhina janji ku mikoka yonse ya bantu, kutatwila mu Yelusalema.

Luka 3:6

Ne bantu bonse bakamona lupulukilo lwa Lesa!”

Yoano 1:14

Kabiji ao Mambo aalukile ke muntu, ne kwikala waikajilenga muno mwetu. Kabiji twamwene lukumo lwanji, lukumo nobe lwa yewa Mwana umo yenka wafuma kwi Shanji, kasa ayula bupe ne bukine.

Yoano 1:9

Akyo kyajinga kyeya kya kine, kisaamina bantu bonse, pa kwiya pano pantanda.

Byubilo 11:23

Aye pakufikako ne kumona bupe bwa Lesa, wasekejile kabiji wibatundaikile bonse amba, balamachile kwi Nkambo na michima yabo yonse.

Byubilo 13:43

Kabiji pa kupalang'ana mu shinagoga, bavula Bayudea ne bealula ke Bayudea bapopwela Lesa balondejile ba Paulo ne Banabasa, ne abo bebambijile ne kwibasashijila amba, “Ikajikwai mu bupe bwa Lesa.”

Byubilo 13:47

Mambo mo moetukambizha Nkambo amba, “Nakutongola namba wikale ke kyeya kya Bangentila, amba ufikizhe lupulukilo konsetu ne kwapela ntanda.”

Byubilo 17:30

Kabiji aya myaka bantu ya bulubi, Lesa wiileka, pakuba pano ubena kukambizha bantu bonse konse amba balapile ne kufuma ku mashinda abo atama.

Byubilo 20:24

Pakuba amiwa kechi nataako muchima ku mweo wami nobe kyo kintu kyanema kwi amiwa ne, poso mpwishe kikonkwanyi kyami, ne mwingilo ye natambwile kwi Nkambo Yesu, wa kusapwila Mambo Awama a bupe bwa Lesa.

Loma 10:18

Bino amiwa naipuzha namba, nanchi kechi ba umvwine nenyi? Ee, kine ba umvwine, “Jiwi jabo jakumbana pano pantanda ponse, ne byambo byabo nabyo byafika ne kwapela ntanda.”

Loma 5:15

Bino kya bupe kechi kiji pamo na bubi ne. Mambo umvwe bavula bafwile na mambo a bubi bwa umo, kine kabiji bupe bwa Lesa, ne kyoapana mu bupe bwa mwi yewa muntu umo, Yesu Kilishitu, kyakijishatu kwi bakumbana bavula.

Loma 5:2

Monka mwi aye mo motwatwelejile mu buno bupe bo twaimanamo konka ku lwitabilo, kabiji twasekela mu luketekelo lwa lukumo lwa Lesa!

2 kolinda 6:1

Kabiji byo twingila pamo ne Lesa, twimusashijila namba, kechi mutambule bupe bwa Lesa ke bwatu ne.

Ngalatiya 2:21

Amiwa kechi na alula bupe bwa Lesa ke bwatu ne, mambo umvwe bololoke bwishila mu Mizhilo, nanchi Kilishitu wafwile kyatu.

Efisesa 2:5

nangwa byotwajinga bafu na mambo a mizhilulwila yetu, aye witusangwile ke bomi pamo ne Kilishitu. Ko ku bupe bwa Lesa ko mwapulukila.

Efisesa 2:8

Mambo ko ku bupe ko mwapulukila monka mu lwitabilo. Kabiji kechi kyo kintu kyafuma kwi anweba bene ne, kyokya kupanatu aye Lesa.

Kolose 1:23

Umvwe kine mukelwe mu lwitabilo, ne kwikajikwa pa kosa ne kushikamatu ponka, ne kubula kufumapo pa luketekelo lwa Mambo Awama o mwaumvwine. O asapwijilwe mu bantu bonse ba pano panshi. O naikajile ke wa kwiengijila amiwa Paulo.

Kolose 1:6

Ao aishile kwi anweba monka mo aikajikilwa pano pantanda kasa apanga bipangwa ne kuya na kunanuka, byo auba ne mwi anweba, kufuma ku juba jitanshi jo mwiomvwine ne kwibuyukisha bupe bwa Lesa kya kine.

2 Tesalonika 2:16

Pano aye mwine Nkambo yetu Yesu Kilishitu ne Lesa Taata wetu, aye witutemenwe ne kwitupa kya kwitukosesha kya myaka ne luketekelo lwawama monka mu bupe bwanji,

1 Timoti 1:14

Kabiji aye Nkambo wampele bupe bwavula ne lwitabilo ne butemwe bwa mwi Kilishitu Yesu.

1 Timoti 2:4

ye wasaka amba, bantu bonse bapuluke, bakayukishe bukine.

2 Timoti 1:10

pakuba pano bwasolokela mu kumweka kwa Mupulushi wetu Kilishitu Yesu, yenka wavulang'enye lufu, ne kwibusolola patoka bumi ne bumbulwa kufwa mu Mambo Awama.

2 Timoti 4:17

Pakuba aye Nkambo waimene pamo ne amiwa na kunkosesha, amba monka mwi amiwa mambo asapwilwe ne kukumbana konse, Bangentila bonse beomvwe kabiji napokolwelwe mu kanwa ka bokwe.

Bahebelu 12:15

Jimukai kuchiina amba, nangwa umo wakabwela mu nyuma ne kufuma ku bupe bwa Lesa. Amba muzhazhi wa bululu wakeya kusapuka ne kwimukatazha ne bavula bakatamishiwa.

Bahebelu 2:9

Bino twamumona aye Yesu, ye bapelwile ka kimye kacheche kukila bamalaika, kasa avwikwa na lukumo ne buneme na mambo a lufu lo amanamine, amba monka mu bupe bwa Lesa ebatompele lufu bantu bonse.