Titusa 1:8 - KNTP

⁸ Kana watemwa kutambwila benyi, watemwa byawama, watekanya, waoloka, wazhila, wikanya mu byonse.

Titusa 1:8 Iomraidhean Croise

Luka 2:25

Kabiji kwajinga muntu mu Yelusalema, jizhina janji Shimeona, ne uno muntu wajinga waoloka kabiji wa akamwa Lesa, kasa apembelela lutekenesho lwa bena Isalela, ne Mupashi Wazhila wajinga pe aye.

Byubilo 24:25

Kabiji byo a ambilenga naabo mambo a bololoke, ne a butekanye, ne a kije kikeya, Felikisa ke moyo mukatampe amba, “Pano aki yanga; kabiji kana namona kimye kyafwainwa nkakwita konji.”

Tesalonika 2:10

Anweba mwi batumonyi betu, ne aye Lesa pamo, motwaikajiile ne anweba baitabila, mu buzhile ne mu bololoke ne mu kubulwa mambo.

1 Timoti 3:2

Byonkabyo mukulumpe ulama kipwilo wafwainwa kwikala wabula kaneneno, mwanamulume uji na mukazhi umo, wilama bulongo, wa muchima watekanya, wa bwikalo bwalumbuluka, watemwa kutambwila benyi, wakonsha kufunjisha,

1 Timoti 4:12

Kechi uleke muntu akusuule mambo wimwanyike ne, bino wikale wa kumwenako abo baitabila, mu byambo, ne mu bwikalo, ne mu butemwe, ne mu lwitabilo, ne mu bumuchima watoka.

1 Timoti 6:11

Pakuba obewa, muntu wa Lesa, unyemeko ku byo bino bintu. Sakisha bololoke, ne munema wa kunemeka Lesa, ne lwitabilo, ne butemwe, ne butekanye, ne bukimote.

2 Timoti 2:22

Kabiji nyema bya lwiso bya bwanyike, ulonde bololoke, ne lwitabilo, ne butemwe, ne mutende, pamo na boba beta Nkambo na muchima watoka.

2 Timoti 3:3

babula muchima wa bumuntu, babula kupwang'ana, ba kubepela bakwabo, ba kubula kwilama, bashinta, babula kutemwa byawama,

Titusa 2:7

Mu bintu byonse wimweshe obewa mwine ke wa kumwenako mu mingilo yawama. Wikale wakishinka ne wasumininwa mu lufunjisho lobe.

1 Yoano 3:14

Twayuka namba twafuma mu lufu twapitaila mu bumi, mambo twibatemwa balongo betu. Awa wabula kutemwa mulongo wanji waikala mu lufu.

1 Yoano 5:1

Yense waitaba amba Yesu ye Kilishitu, ye wasemwa kwi Lesa, kabiji yense watemwa Taata watemwa ne yense wasemwa kwi aye.