Titusa 1:7 - KNTP

⁷ Mambo mukulumpe ulama kipwilo wafwainwa kwikala wabula mambo byo aji kalama wa mwingilo wa Lesa. Kechi usakatu monka mwaswila muchima wanji mwine ne, nangwa uzhingila bukiji ne, nangwa upendwa maalwa ne, nangwa upumang'ana ne, nangwa wa lwiso lwa mali ne.

Titusa 1:7 Iomraidhean Croise

Mateo 24:45

“Lelo awa kalume wa kishinka ne wa maana ye ng'anyi, ye apa nkambo yanji bukulumpe bwa bantu ba ku nzubo yanji, amba apanenga kajo pa kimye kyafwainwa?

Luka 12:42

Kumvwa Nkambo amba, “Lelo nanchi ing'anyi kalama wakishinka ne wa maana, ye akapa bukulumpe bwa bantu banji, amba ebapenga kajo pa bimye byafwainwa?

Efisesa 5:18

Kabiji kechi mupendwe binyu ne, mo muji bono, kana muyulwe na Mupashi.

Filipai 1:1

Kufuma kwi Paulo ne Timoti bakalume bakwa Kilishitu Yesu. Ku bonse bazhijikwa baji mwi Kilishitu Yesu, baji mu Filipai ne bantangi balama kipwilo pamo ne bankwasho.

Titusa 1:5

Na onka ano mambo ona kushijiile mu Keleta, namba unengezhe bintu byashajilepo, ne kutongola bakulumpe mu mizhi yonse, monka mo nakulaijiile namba,

Titusa 2:3

Ne banabakazhi bakulumpe nabo pamo, wibambile bekale byafwainwa bazhijikwa, kechi babang'ana ne, nangwa banonkwa buzha ku binyu ne, bekale ba kufunjisha byawama,

1 Petelo 4:10

Monka mo mwatambwila kya bupe pa muntu pa muntu, mo monka mo mwiingijilanga anweba bene na bene, nobe bakalama bawama ba bupe bwa Lesa bwa misango ne misango.

1 Petelo 5:2

Namba lamai jitanga ja Lesa jiji mwenu, kasa mwijiketa, kechi na mambo a kwimukanjikizha ne, poso na muchima wa kifyele, monka mwayila muchima wa Lesa, nangwa na mambo a mali ne, poso na muchima yense.

2 Petelo 2:10

pakuba bene bakilaamo bonkaba balondalonda bya buntunshi mu bya lwiso bya bubipisho, ne kusuula ba luusa. Bachinchika ne kulondela monka mwayila bya butunshi byo basaka, nangwa kuchiina pa kwibanena bya mwenga ba lukumo ne.