Titusa 1:16 - KNTP

¹⁶ Abo bamba amba, Lesa twamuyuka, bino mu mingilo yabo bamukana, byo baji batamishatu, ne bamilengulwila, ne mingilo yonse yawama kechi ibafwainwa ne.

Titusa 1:16 Iomraidhean Croise

Loma 1:28

Kabiji byonka byo bakaine kwikala na maana a kuyuka Lesa, Lesa naye wibapaine ku muchima wa bubi, bobenga byo babula kufwainwa kuuba.

Efisesa 5:6

Kechi muleke muntu emujimbaike na byambo byatu ne, mambo na mambo a byonka bino bintu bukaji bwa Lesa bukebafikila bantu bamilengulwila.

1 Timoti 1:9

Byo twayuka namba, Mizhilo kechi yalengejilwe muntu waoloka ne, poso bampupabizhila ne bakajimbulushi, ne baabula kwakamwa Lesa, ne bandengamambo, ne baabula kuzhila, ne baatu, ne bepaya bashabo ne bainabo, ne bepaya bantu bakwabo,

1 Timoti 5:8

Kabiji umvwe muntu wabula kwibamwena balongo banji byafwainwa, kine ne bamunzubo yanji mwine bobene, wilukaana kala lwitabilo, wakila wabula kwitabila mukutama.

2 Timoti 3:17

amba muntu wa Lesa ekale walumbuluka, wafikilamo mu byonse bya kwingilako mingilo yonse yawama.

Titusa 3:1

Kasa wibavulula kwibanekenena bamfumu ne ba luusa, bekale ba lukookelo, ne kwinengezha kwingila mingilo yonse yawama.

Titusa 3:3

Mambo ne atweba kala twajinga babula maana, bamilengulwila, bajimbaikwa, kasa twanonkwa buzha ku bya lwiso ne ku bya lusangajiko bya misango ne misango, kasa twaikala mubushikwe ne mu kikonkoma. Betushikilwe kabiji twishikilwe ne atweba bene na bene.

1 Yoano 2:4

Awa wamba amba, “Namuyuka” bino kasa abula kulama mikambizho yanji ye wabubela, ne bukine kechi buji mwi aye ne.

Yuda 1:4

Mambo kobaji bantu bamo batwela mwi anweba bufyamfya, bonkaba bo banembejile jimo kala amba batongwelwa luno luzhachisho, babula kwakamwa Lesa, kasa baalula bupe bwa Lesa wetu ke mwakuubila bya bunya, ne kukana Mfumu wetu yenkawa umotu, aye Nkambo Yesu Kilishitu.

Lumwekesho 21:27

Bino kechi mukatwela nangwa pachechetu kintu kyatama, nangwa aye uba bya bunya ne kubepa bubela ne, poso bonka banembwa mu buku wa bumi wa Mwana Mukooko.

Lumwekesho 21:8

Pakuba ba moyo, ne bamilengulwila, ne boba bya bunya, ne bambanzhi, ne ba bulalelale, ne bang'anga ba lubuko, ne bapopwela bankishi, ne ba bubela bonse, paabo po pa kizhiba kiteema mujilo ne kibiliki, lo lufu lwa bubiji.”