Titusa 1:10 - KNTP

¹⁰ Mambo ko baji bavula bamilengulwila, ba kyabauki, bajimbijimbi, bino bamukanda bo bene bakilaamo.

Titusa 1:10 Iomraidhean Croise

Mateo 23:14

“Malwa enu, anweba banembeshi ne Bafaliseo, ba kamfutumfutu! Mambo mwangata mazubo a banabakazhi bafwilwa, ne mambo a kusaka kujimbaika bantu mulepesha milombelo yenu, kyo kyo mukazhachilwa kyakila!”

Byubilo 11:2

Byonkabyo Petelo byo afikile mu Yelusalema, ba mu mukanda bamunenene amba,

Byubilo 15:1

Bino bamo banabalume baishile kufuma ku Yudea na kufunjisha baitabila amba, “Anweba inge ne kutwela mu mukanda monka mwayila kisela kya Mosesa ne, kechi mukapuluka ne.”

Byubilo 15:24

Byotwaumvwa amba, bamo bafumine mwi atweba bemukatazha na byambo bya kuzhingichisha michima yenu, botwabujile kulaya atweba.

Byubilo 20:29

Amiwa nayuka namba, pa kufumako amiwa misuka ikaji ikatwela mwi anweba, kechi ikaleka jitanga ne.

Ngalatiya 2:4

bino kwajinga bamo basakile amba kyafwainwe kubiwa, balongo ba bubela batwelele kumbaji bonka befwanyikizhatu nobe balongo betu mwi Nkambo, mambo a kusakatu kumona byotwaikala mu bwana bwa bene botuji naabo mwi Kilishitu Yesu amba, betutwale mu buzha.

Ngalatiya 3:1

Anweba bena Ngalatiya ba bilubi, ng'anyi wimulowele anweba bo bamwesheshe Yesu Kilishitu ku meso enu patoka kasa apopwa pa musalabu?

Efisesa 4:14

Amba kechi tukikale banyike ne, kasa tukumpaulwa ne kulelaulwa na luvula lonse lwa mafunjisho a bantu mu bujimuku bubi, bo bebajimukila bantu mu kwibatwala mungi.

1 Timoti 1:4

Nangwa kutaako muchima ku bishimi ne ku bya kulondolola bisemi bibula kupela ne, byo bileeta bya kwipuzhaipuzha, kechi bingila bukalama bwa Lesa bwa mu lwitabilo ne.

1 Timoti 1:6

Abino bintu bamo byo byo bapampukako basendukila kala ku misambo yatu.

1 Timoti 1:9

Byo twayuka namba, Mizhilo kechi yalengejilwe muntu waoloka ne, poso bampupabizhila ne bakajimbulushi, ne baabula kwakamwa Lesa, ne bandengamambo, ne baabula kuzhila, ne baatu, ne bepaya bashabo ne bainabo, ne bepaya bantu bakwabo,

2 Timoti 3:13

Kabiji bantu baatama ne ba bujimbijimbi bakayangatu na kutama, kasa bajimbaika ne kujimbaikwa.

2 Timoti 4:4

Kabiji bakafutulwila matwi abo kungi kufuma ku bya bukine, ne kusendukila ku bishimitu.

Titusa 1:6

kyafwainwa kana muntu wabula mambo, uji na mukazhi umo, uji na baana baitabila, babula kaneneno amba bancha, nangwa amba, bamilengulwila.

Yakoba 1:26

Umvwe muntu wilanguluka amba ye mwina Lesa, ne kulama lujimi wanji ne, bino ujimbaika muchima wanji mwine, ao muntu bwina Lesa bwanji bwatu.

1 Yoano 2:18

Anweba baana, kino kyo kimye kyapelaako! Kabiji byonka byo mwaumvwine amba anti kilishitu ubena kwiya, ne pano ba anti kilishitu ba mweka kala bavula, po po twayukila namba kino kyo kimye kyapelaako.

1 Yoano 2:4

Awa wamba amba, “Namuyuka” bino kasa abula kulama mikambizho yanji ye wabubela, ne bukine kechi buji mwi aye ne.

1 Yoano 4:1

Anweba batemwe kechi mwitabe mipashi yonse ne, ipimai mipashi kana yafuma kwi Lesa, mambo bangauzhi ba bubela bavula bapalang'ena pano pantanda.

Lumwekesho 2:14

Bino nji na bimo bicheche byonatala bibi mwi obewa, mambo uji na bamo baalama lufunjisho lwa Balamu, ye wafunjishe Balaka kwibata bena Isalela kya kwituntulako kya kuja byo batapisha ku bankishi, ne kyakuuba bulalelale.

Lumwekesho 2:6

Pakuba kino uji naakyo, kyo washikwa mingilo ya ba Nikolaita, yo nashikwa ne amiwa;