Ngalatiya 6:3 - KNTP

³ Mambo umvwe muntu wilanguluka mwine amba ne wafwainwa kasa aji watu, wijimbaika mwine.

Ngalatiya 6:3 Iomraidhean Croise

Luka 18:11

Mufaliseo waimene ne kulombatu byanji mwine amba, ‘Lesa, nemusanchila, mambo amiwa kechi nji pamo na bantu bakwabo ne, bangata bya lunkanankana ne, nangwa na babuula koloka ne, nangwa na bankende ne, nangwa na ye uno musonkeshi ne.

Byubilo 5:36

Mambo kala kwaimene Teusadasa, witelele mwine amba ye mwine, kabiji kwaishile bantu bamo kampe bitota bina, bamwipayile ne bonse mo bavujile bamulondejilenga, bebapalang'enye kabiji kechi kwashajile nangwa umo ne.

Loma 12:16

Ikalai na muchima umo anweba bene na bene. Kechi muteshe michima yenu ku bya kwitumbijika ne, swai kutambula mingilo yasulwa. Kechi mwilanguluke anweba bene amba mwi bamaana ne.

Loma 12:3

Mambo amiwa naambila monka mwayila bupe bonapewa ku bonse ba mwi anweba. Namba kechi mwilanguluke kukilapo pomwafwainwa kwilangulukila ne. Poso mulangulukenga byonka byafwainwa kulanguluka, monka mo emupimina Lesa pa muntu pa muntu kipimo kya lwitabilo.

1 Kolinda 13:2

Kabiji nangwa nji na bungauzhi ne kuyuka byafyamika byonse, ne maana onse, kabiji nangwa nji na lwitabilo lonse lwa kutuntulula mitumba, umvwe ne kwikala na butemwe ne, abyo ne watu.

1 Kolinda 3:18

Kabiji muntu nangwa umo kechi ejimbaike mwine ne. Umvwe muntu wa mwi anweba walanguluka amba, ye wa maana a pano pantanda, ekale nobe ke wabula maana, pakuba amba, akekale na maana a kine.

1 Kolinda 8:2

Umvwe muntu wilanguluka amba wayuka bintu, kechi wayuka byo afwainwa kuyuka ne.

2 kolinda 12:11

Naaluka ke wakosama: anweba yenu mwangubishakyo. Mambo nafwainwe kutotwa kwi anweba. Mambo kechi nashala panyuma kuboba “Batumwa bakila” nangwa mu kintu kimo ne, nangwa amiwa ne watu.

2 kolinda 3:5

Kechi na mambo a kuuba amba, twakonsha atweba bene kwilangulukila kintu amba kyafuma mwi atweba bene ne. Mambo kukonsha kwetu kufuma kwi Lesa;

Ngalatiya 2:6

Kabiji kwi abo bantangi batumbalala, (kwi amiwa kutumbalala kwabo kechi kyo kintu ne, mambo Lesa kechi utala ku bilungi bya bantu ne), abo bantangi batumbalala kechi bambikijilepo kintu ne.

Ngalatiya 2:9

Kabiji abo ba Yakoba ne Kefasa ne Yoano, bonkaba batumbalele amba mapanda, byo bamwene bupe bo napelwe kwi Lesa, amiwa ne Banabasa twapakene naabo maboko a kilujo a lumvwang'ano amba, anweba muyenga ku Bangentila ne atweba tuye ku bamukanda.

2 Timoti 3:13

Kabiji bantu baatama ne ba bujimbijimbi bakayangatu na kutama, kasa bajimbaika ne kujimbaikwa.

Yakoba 1:22

Bino mwikale ba kwioba mambo, kechi ba kwiomvwatu ne kwijimbaika anweba bene ne.

Yakoba 1:26

Umvwe muntu wilanguluka amba ye mwina Lesa, ne kulama lujimi wanji ne, bino ujimbaika muchima wanji mwine, ao muntu bwina Lesa bwanji bwatu.

1 Yoano 1:8

Umvwe twa amba namba bundengamambo tufwabo, tubena kwijimbaika atweba bene, ne bukine kechi buji mwi atweba ne.