Ngalatiya 5:5 - KNTP

⁵ Mambo atweba mo mu Mupashi mo tutengela na lwitabilo akya kyo twaketekela kumona, kikeshila mu bololoke.

Ngalatiya 5:5 Iomraidhean Croise

Loma 5:21

Amba, bundengamambo, byonka byo bwaikajile mu bufumu bwa lufu, byonkabyo ne bupe nabo, bwikale mu bufumu mu kupana bololoke buleeta bumi bwa myaka mwi Yesu Kilishitu Nkambo yetu.

1 Kolinda 1:7

Mambo anweba kechi pajipo kya bupe kyo mwabulwa kupewa ne, byo mubena kupembela lumwekesho lwa Nkambo yetu Yesu Kilishitu.

Efisesa 2:18

Mambo monka mwi aye atweba bonse babiji tuji na mwa kwishila mu Mupashi umo kwi aye Taata.

Filipai 3:9

ne kutanwa mwi aye, kasa nabula bololoke bwami amiwa mwine bwishila mu mizhilo. Poso bonkabwa bwishila mu lwitabilo lwa mwi Kilishitu, bo bololoke bufuma kwi Lesa na lwitabilo.

Tesalonika 1:10

ne kutengela Mwananji kufuma mwiulu, ye asangwile mu bafu, yenka Yesu ye witupokolola ku bukaji bukeya.

2 Tesalonika 3:5

Pano aye Nkambo atangijile michima yenu mwayila butemwe bwa Lesa ne butekanye bufuma kwi Kilishitu.

2 Timoti 4:8

Pano bantujila kala munchinya wa bololoke, yeakampa mu joja juba aye Nkambo, mutonyi waoloka, kabiji kechi amiwa yenkatu ne, pakuba ne bonse batemwa kumweka kwanji.

Titusa 2:13

Kasa tutengela alwa luketekelo lwa lusekelo, ko kumweka kwa lukumo lwa Lesa mukatampe, ne Mupulushi wetu Yesu Kilishitu.