Ngalatiya 5:1 - KNTP

¹ Na mambo a bwana bwa bene kyo kyo etukasulwijile Kilishitu. Onkao mambo mwikale bakosa amba, kechi mubwele ku kikonkoji kya buzha ne.

Ngalatiya 5:1 Iomraidhean Croise

Mateo 23:4

Kabiji bakasa bisendwa byanemesha byakatazha kusenda, bebitwika pa bipuzhi bya bantu, pakuba abo bene kechi baswa kukwatakotu nangwa na munwe ne.

Luka 5:38

Bino binyu bya katataaka byafwainwa kulongwa mu bafukuta bakatataaka.

Byubilo 15:10

Lelo kabiji pano, mambo ka kyomwasakila kweseka Lesa, pa kubiika kikonkoji panshingo ya baana babwanga kyakankelwe bashakulu betu ne atweba bene kwikisenda?

Loma 6:14

Mambo bundengamambo kechi bwafwainwa kwimunonka buzha ne, mambo kechi muji mu Mizhilo ne, muji mu bupe.

Loma 6:18

Kabiji pa kukasululwa ku bundengamambo mwa aluka ke bazha ba bololoke.

Loma 7:3

Kabiji umvwe wasongolwa ku mwanamulume mukwabo, mwata wanji kasa akiji mumi, abyo bakamutela amba nkende. Bino umvwe mwata wanji wafwa, abyo wakasuluka ku muzhilo, nangwa wasongolwa ku mwanamulume mukwabo kechi bakamutela amba nkende ne.

Loma 7:6

Pakuba pano atweba twakasululwa ku Muzhilo, byo twafwile ku kyokya kyo twalaminweko. Onkao mambo pano kechi tubena kwingijila mu Mizhilo ya kala yanembwa ne, kana mu bumi bupya bwa Mupashi.

Loma 8:15

Mambo kechi mwatambwile Mupashi wa buzha amba mube moyo ne; bino mwatambwile Mupashi wa bwana bwa bene, motutaachila amba, “Abba, Taata!”

Loma 8:2

Mambo muzhilo wa aye Mupashi wa bumi wankasulula mwi Kilishitu Yesu kuyewa muzhilo wa bundengamambo ne wa lufu.

1 Kolinda 15:58

Onkao mambo, balongo bami batemwe, ikalai bashikamatu, kutelengela ne, kasa mukelwa kwingila kyakosa mwingilo wa Nkambo, byo mwayuka amba, mwingilo wetu wa mwi Nkambo kechi ye watu ne.

1 Kolinda 16:13

Labainga ne kukenkenta, koselai mu lwitabilo, mwikale bachinchika, kosai.

1 Kolinda 7:22

Mambo aye waichilwe mwi Nkambo kasa aji mu buzha, wa aluka ke mwana bene wa Nkambo, byonkabyo ne aye waichilwe kasa aji mwana bene, naye ye kalume wa Kilishitu.

2 kolinda 11:20

Mambo anweba mwamutekenya muntu, nangwa wimuleeta mu buzha, nangwa wimuja, nangwa wimunyanchijila, nangwa witumbijika mwine, nangwa wimupuma pa kilungi!

2 kolinda 3:17

Bino “Nkambo” ye Mupashi; kabiji kuji Mupashi wa Nkambo, ko kuji ne bwana bwa bene.

Ngalatiya 2:4

bino kwajinga bamo basakile amba kyafwainwe kubiwa, balongo ba bubela batwelele kumbaji bonka befwanyikizhatu nobe balongo betu mwi Nkambo, mambo a kusakatu kumona byotwaikala mu bwana bwa bene botuji naabo mwi Kilishitu Yesu amba, betutwale mu buzha.

Ngalatiya 3:25

Kabiji lwitabilo byolwaiya, kechi tukiji na kalama ne.

Ngalatiya 4:26

Pakuba Yelusalema uji mwiulu ye mwana bene, ye inetu.

Ngalatiya 4:31

Byonkabyo anweba bakwetu kechi twi baana bamuzha ne, twi baana ba mwana bene.

Ngalatiya 4:9

Pakuba pano byo mwamuyuka Lesa, nangwa amba byo mwayukanyikwa kwi Lesa, mwalulukile byepi jibiji ku bya bwanyike byabula buneme ne byatu, ne kusaka kwikala mu buzha bwabyo jibiji?

Ngalatiya 5:13

Anweba bakwetu, mo mu bwana bwa bene mo mwaichilwa. Bino bwana bwa bene bwenu kechi bwikale ke bwa kubilamo bya buntunshi ne. Poso mu butemwe, mwikale ba kwiingijila anweba bene na bene.

Efisesa 6:14

Byonkabyo imanai, kasa mwanyingisha mukwato wa bukine mu bifuka byenu, ne kuvwala kyela kya pa kyaji kya bololoke,

Filipai 1:27

Bino lekai bwikalo bwenu bwikale bwafwainwa Mambo Awama a Kilishitu, namba nangwa nkeya na kwimumona, nangwa nji kungi, nkemumvwe amba, mwakosela mu mupashi umo, kasa mwibilwila na muchima umo abya byaitabilwa bya Mambo Awama.

Tesalonika 3:8

mambo pano twaikala na bumi, umvwe anweba mwakoselamo mwi Nkambo.

2 Tesalonika 2:15

Onkao mambo, anweba bakwetu, imanai kasa mwakosa mukwachishe ku mafunjisho o mwafunjishiwe, mu byambo nangwa mu nkalata yetu.

Bahebelu 10:23

Tukwachishe ku kwisolola kwa luketekelo lwetu kwa kubula kutelengela, mambo aye walayile ye wakishinka.

Bahebelu 3:14

Mambo atweba twaikala ke ba kushilang'ana nanji pamo Kilishitu, umvwve twalama bulongo ntendekelo ya luketekelo lwetu kasa twakoselamo kufika ne kumpelo.

Bahebelu 3:6

Bino Kilishitu ye wakishinka pa nzubo yanji byo aji Mwana. Kabiji atweba twi nzubo ya Lesa inge kine twakwachisha kuchinchika kwetu ne kwitotela mu luketekelo lwetu.

Bahebelu 4:14

Byo tuji na Ng'anga mwine mukatampe watwelele mwiulu, Yesu Mwana Lesa, tukwachishetu ku kwitabila kwetu.

1 Petelo 2:16

Ikalai nobe baana ba bene, kechi mwalule bwana bwa bene bwenu ke kintu kya kubilamo bubi ne, poso mwikale bakalume ba Lesa.

2 Petelo 2:19

Kasa bebalaya amba, mukekala ke baana ba bene, abo bene kasa baji bazha ba bubole. Mambo konka koashindwa muntu ko konka koekala buzha.

Yuda 1:3

Anweba batemwe, nangwa natesheshekotu muchima kwimunembela na mambo a lupulukilo lwetu atweba bonse, nekimwene namba kyamfwainwa kwimunembela byambo bya kwimutundaika namba, mwibilwile na muchima yense abya byonse bya lwitabilo byo apaine Lesa ku bazhijikwa banji.

Lumwekesho 2:25

Byonkabyo, akya kyo muji naakyo, kikwachishai poso nkeye.

Lumwekesho 3:3

Vuluka byo wafunjishiwe ne byo waumwvine, wibilame, ne kulapila. Umvwe wabula kulaba ne kukenkenta, nkeya nobe ngivi, kabiji kechi ukayuka kimye kyo nkeshilamo kwi obewa ne.