Ngalatiya 4:9 - KNTP

⁹ Pakuba pano byo mwamuyuka Lesa, nangwa amba byo mwayukanyikwa kwi Lesa, mwalulukile byepi jibiji ku bya bwanyike byabula buneme ne byatu, ne kusaka kwikala mu buzha bwabyo jibiji?

Ngalatiya 4:9 Iomraidhean Croise

Mateo 11:27

“Bataata bampele amiwa bintu byonse. Kabiji kafwako nangwa umo wamuyuka Mwana byo aji ne, kanatu bonka Bataata, nangwa wayuka Bataata byo baji ne, kana yenka Mwana, ne boba bantu bo aswa Mwana kwibasolwelaye.”

Luka 5:38

Bino binyu bya katataaka byafwainwa kulongwa mu bafukuta bakatataaka.

Yoano 10:14

Amiwa ne kafunga wawama, bami nebayuka, ne bami nabo bangyuka.

Yoano 10:27

Mikooko yami yumvwa jiwi jami, ne amiwa neiyuka, ne ayo indondela.

Yoano 17:3

Kabiji buno bo bumi bwa myaka, amba bemuyuke anweba, Lesa yenka wa kine, ne Yesu Kilishitu ye mwatumine.

Loma 8:29

Mambo abo boayukijile jimo, ibo bo atongwejile jimo amba bakapashang'ane pamo na Mwananji, aye aluuke ke mubeji mu balongo banji bavula.

Loma 8:3

Mambo Lesa wikyubile akya kyakankelwe kuuba Mizhilo na mambo a kunekena kwa mubiji wa buntunshi, byo atumine Mwananji mwine mu kipasha kya mubiji wa bundengamambo amba ekale ke kitapisho kya mambo, aye wibuzhachisha bundengamambo mu buntunshi.

1 Kolinda 13:12

Mambo pa kino kimye tumona nobe kinzhimwenzhimwe nobe mu katajilo, pakuba mu kyokya kimye tukatalang'ana naabyo kilungi ne kilungi. Pa kino kimye nayukako bimo bicheche, pakuba mu kyokya kimye nkayukisha bulongo byonka byo nayukanyikwa kwi aye Lesa.

1 Kolinda 15:34

Buukai mwikale batekanya ne baoloka. Mambo bamo kechi bamuyuka Lesa ne, naamba bino namba nemulengeshe bumvu.

1 Kolinda 8:3

Bino umvwe muntu watemwa Lesa, awa wayukanyikwa kwi Lesa.

2 kolinda 11:20

Mambo anweba mwamutekenya muntu, nangwa wimuleeta mu buzha, nangwa wimuja, nangwa wimunyanchijila, nangwa witumbijika mwine, nangwa wimupuma pa kilungi!

2 kolinda 4:6

Mambo yenkaye Lesa wa ambile amba, “Kyeya kisamine mu mfishi!” Ye wasaamijile mu michima yetu, mu kupana kyeya kya maana a kuyuka lukumo lwa Lesa lwa mu kilungi kya Yesu Kilishitu.

Ngalatiya 3:3

Nanchi mwaikala ke bantu babula maana nyi? Byo mwatatwile na Mupashi kabiji pano mulumbulukile mu buntunshi nyi?

Ngalatiya 4:3

Po pamo ne atweba byo twakijinga banyike, twajinga mu buzha bwa mu bya bwanyike bya pano pantanda.

Efisesa 1:17

namba Lesa wa Nkambo yetu Yesu Kilishitu, Shanja lukumo, emupe Mupashi wa maana ne wa lumwekesho lwa kumuyukisha aye mwine.

2 Timoti 2:19

Nangwa byonkabyo kitendekesho kyakosa kya kwa Lesa kyaikajikwa, kiji na kano kayukilo amba, “Aye Nkambo wayuka banji” kabiji amba, “Bonse bateela jizhina ja Nkambo bafumeko ku bubi.”

Bahebelu 7:18

Ku lubaji lukwabo, awa mukambizho wa kala bamufumyapo mambo a kunekena kwanji ne kwikala wabula mwingilo.

2 Petelo 2:20

Mambo umvwe pa kupuluka ku bubipisho bwa pano pantanda monka mu maana a kuyuka Nkambo ne Mupulushi wetu Yesu Kilishitu, bakasankana ne kushindwa jibiji, bwikalo bwabo bwapelaako bukakila butanshi mukutama.

1 Yoano 5:20

Kabiji twayuka namba Mwana Lesa waiya kabiji witupa maana a kumuyuka Aye wa kine, ne atweba tuji mwi Aye wa kine, monka mwi aye Mwananji Yesu Kilishitu. Uno ye Lesa wa kine, kabiji buno bo bumi bwa myaka.