Ngalatiya 4:8 - KNTP

⁸ Byonkabyo mu kyokya kimye kyo mwabujile kuyuka Lesa, mwajinga mu buzha bwa babula ba lesa bakine.

Ngalatiya 4:8 Iomraidhean Croise

Yoano 1:10

Aye wajinga pano pantanda, ne pano pantanda palengelwe kwi aye, bino ba pano pantanda kechi bamuyukile ne.

Byubilo 14:12

Banabasa bamutumbile amba Zeusa, ne Paulo naye ja bu Hamesa, mambo ye mwine wamba.

Byubilo 17:23

Mambo byo nabapitenga ne kumona bintu byo mupopwela, nataine kipandawilo panembwa amba, ‘KWI LESA WABULA KUYUKANYIKWA.’ Nanchi aye ye mupopwela kwakubula kumuyuka, iye ye mbena kwimusapwila.

Loma 1:23

kabiji bapimpwile lukumo lwa Lesa ubula kubola na bankishi bapashang'ana na muntu ubola, nangwa na bang'onyi, nangwa na ba nyama ba mikupa ina nangwa na bikalaba panshi.

Loma 1:28

Kabiji byonka byo bakaine kwikala na maana a kuyuka Lesa, Lesa naye wibapaine ku muchima wa bubi, bobenga byo babula kufwainwa kuuba.

1 Kolinda 1:21

Mambo monka mwayila maana anji aye Lesa kechi kyakonshekele amba, ba pano pantanda ba muyuke Lesa mu kujimuka kwabo abo bene ne. Bino kyamuwamijile Lesa kwi bapulusha baitabila na bumbulwa maana bo tusapwila.

1 Kolinda 12:2

Anweba mwayuka amba, byo mwajinga Bangentila, mwatwajilwe mungi mu kupopwela bankishi babula kwamba.

1 Kolinda 8:4

Na mambo a mwayila kajo ko batapisha ku bankishi, twayuka namba nkishi kechi kyo kintu pano pantanda ne, kabiji kechi kujipo Lesa mukwabo ne, kana umo yenka.

Ngalatiya 4:3

Po pamo ne atweba byo twakijinga banyike, twajinga mu buzha bwa mu bya bwanyike bya pano pantanda.

Efisesa 4:18

mambo maana abo a aluka ke a mfishi, kabiji bebabanya ku bumi bwa Lesa na bulubi bo baji naabo na mambo a kukosa kwa michima yabo.

Tesalonika 1:9

Mambo abo bene babulang'ana motwaikajile mwenu, ne byo mwaalulukijile kwi Lesa ne kuvundamina ku bankishi, mu kwingijila Lesa mumi ne wa kine

Tesalonika 4:5

kechi mu kusakasaka kwa lwiso ne kwa lunkumbwa pamo na Bangentila babula kuyuka Lesa ne.

2 Tesalonika 1:8

mu mujilo uteema, kasa ashinkanya naabo babula kukookela Mambo Awama a Nkambo yetu Yesu.

1 Petelo 4:3

Bimye byo mwapaine kala na kuuba byo batemwa Bangentila byapwa, byo mwalondelenga bya bunya, ne bya lwiso, ne bya kutomatoma binyu, ne bya kusangalala kubi, ne bya kupendwapendwa, ne byabipisha bya kupopwela bankishi.

1 Yoano 3:1

Talai yewa musango wa butemwe bo etutemwa naabo Taata, byo twateelwa amba baana ba Lesa, kabiji kine byobyo tuji. Naonka ano mambo ba pano pantanda kechi betuyuka ne mambo ne Aye kechi bamuyukile ne.