Ngalatiya 4:6 - KNTP

⁶ Kabiji byo muji baana, Lesa watuma Mupashi wa Mwananji mu michima yenu, kasa eeta amba, Abba, Taata.

Ngalatiya 4:6 Iomraidhean Croise

Mako 14:36

Kabiji wa ambile amba, “Abba, Taata! Bintu byonse byakonsheka kubiwa kwi anweba. Fumyai kano katomeno kwi amiwa nangwa byonkabyo kechi byo nsaka amiwa ne. Poso kyo mwasaka anweba.”

Luka 11:13

Byonkabyo umvwe anweba babi, mwayuka kupana byawama ku baana benu, nanchi aye Shenu wa mwiulu kechi akemukile mu kupana Mupashi Wazhila ku bamulomba nenyi?”

Luka 11:2

Kumvwa aye amba, “Pa kulomba, mwambe amba, “Taata, jizhina jenu jizhile; Bufumu bwenu bufike.

Yoano 14:16

Ne amiwa nkalomba Bataata, ne abo bakemupa Nkwasho mukwabo, ye ukekala nenu myaka yonse.

Yoano 15:26

Mambo aye Nkwasho byo akeya, ye nkemutumina ukafuma kwi bataata, ye Mupashi wa bukine, ufuma kwi bataata, ye ukanshimuna.

Yoano 16:7

Nangwa byonkabyo nemubula bya kine, kimuwamina amiwa kufumapo, mambo inge amiwa ne kufumapo ne, Nkwasho kechi akeye kwi anweba ne. Kabiji inge naya, amiwa nkamutuma kwi anweba.

Yoano 3:34

Mambo ye batuma kwi Lesa ye wamba byambo bya Lesa, mambo Lesa kechi upana Mupashi na kupima ne.

Yoano 7:39

Pakuba byo a ambile bino watazhizhe ku Mupashi ye bakatumbula aba bamwitabila. Mambo Mupashi waji ukyangye kupanwa, mambo Yesu waji ukyangye kutumbijikwa.

Byubilo 16:7

Kabiji byo bafikile ku Misha, baesekele kutwela mu Bitinya, bino Mupashi wa Yesu kechi wibaswishishe ne.

Loma 5:5

Ne luketekelo kechi luleeta bumvu ne, mambo butemwe bwa Lesa bebwitulwila mu michima yetu na Mupashi Wazhila, ye twapewa.

Loma 8:9

Pakuba anweba kechi muji mu buntunshi ne poso mu Mupashi, umvwe Mupashi wa Lesa waikala kine mwi anweba. Kabiji umvwe muntu wabula Mupashi wa Kilishitu, kechi ye wa kwanji ne.

1 Kolinda 15:45

Mambo kinembelo kyaamba amba, “Muntu mutanshi, Adama, waalukile ke muntu mumi.” Bino Adama wapelaako waalukile ke mupashi upana bumi.

2 kolinda 1:22

kabiji ye yenka witubika kayukilo, ne kwitupa Mupashi Wazhila mu michima yetu ke bukikizhi.

2 kolinda 3:17

Bino “Nkambo” ye Mupashi; kabiji kuji Mupashi wa Nkambo, ko kuji ne bwana bwa bene.

Efisesa 1:13

Kabiji ne anweba mwaumvwine Mambo a Bukine, o Mambo Awama a lupulukilo lwenu. Kabiji byo mwaitabijile Kilishitu mwabikilwe kayukilo, ye Mupashi Wazhila wa mulaye.

Efisesa 2:18

Mambo monka mwi aye atweba bonse babiji tuji na mwa kwishila mu Mupashi umo kwi aye Taata.

Efisesa 4:30

Kabiji kechi mu mufichishe ku muchima aye Mupashi Wazhila wa Lesa ne, mwi aye mo mwabikilwe kayukilo ka kufika ne ku juba ja bukuuzhi.

Efisesa 6:18

Kasa mulomba mu bimye byonse na lulombelo lonse ne misashijilo monka mwi aye Mupashi, ne kwilutong'amina na mukoyo mukatampe ne misashijilo ya kwibalombelela bazhijikwa bonse.

Filipai 1:19

mambo nayuka namba kupichila mu milombelo yenu ne na bukwasho bwa Mupashi wa Yesu Kilishitu kino kikekala ke bupokolweshi bwami,

Tesalonika 4:8

Onkao mambo aye ulengulula kechi ulengulula muntu ne, ulengulula Lesa yenka aye wimupa Mupashi wanji wazhila.

1 Petelo 1:11

Kasa bapalanguzha amba, ng'anyi kimye, nangwa kyo kimye kya byepi, kyoatongwele Mupashi wa Kilishitu wajinga mwi abo, byo ashimwijile jimo mambo a bya kumanama bya Kilishitu ne bya lukumo bikalondela panyuma.

Yuda 1:20

Pakuba anweba batemwe, kasa mwikomesha anweba bene mu lwitabilo lwenu lwazhila. Ne kulomba na Mupashi Wazhila,

Lumwekesho 19:10

Ponkapo naponene panshi ku maulu anji, namba namupopwele, bino aye wang'ambijile amba, “Kileke! Amiwa ne mukwenu wa mu mwingilo umo pamo na bakwenu balama bukamonyi bwa Yesu. Popwela Lesa!” Mambo bungauzhi bwa Lesa bwaimena pa kusolola bukamonyi bwa Yesu.