Ngalatiya 4:5 - KNTP

⁵ amba, akebakuule baji mu mizhilo, pakuba amba tutambule bu bwana.

Ngalatiya 4:5 Iomraidhean Croise

Mateo 20:28

byonka byo aishile Mwana Muntu, kechi waishile amba, bamwingijile ne, poso amba ebengijile, ne kupana mweo wanji ke kya kukuula bavula.”

Luka 1:68

“Atotwe Nkambo Lesa wa bena Isalela, mambo wapesha bantu banji ne kwibakuula.

Yoano 1:12

Pakuba bonse mobavujila bamutambwile, ne kwitabila mu jizhina janji, ibo bo apeele luusa lwa kwikala ke baana ba Lesa.

Byubilo 20:28

Iketai anweba bene, ne jitanga jonse, jo bemupejilepo bukulumpe kwi Mupashi Wazhila, amba mujishe kipwilo kya Lesa, kyoapotele na mashi anji mwine.

Loma 10:4

Mambo Kilishitu yo mpelo ya Mizhilo pakuba amba, bonse baitabila bamone bololoke.

Loma 8:14

Mambo bonse mobavujila bo batangijila ku Mupashi wa Lesa bo baana ba Lesa.

Loma 8:15

Mambo kechi mwatambwile Mupashi wa buzha amba mube moyo ne; bino mwatambwile Mupashi wa bwana bwa bene, motutaachila amba, “Abba, Taata!”

Loma 8:19

Mambo bilengwa byonse bibena kutengela kasa byazanza meso na kupembelela kusoloka kwa baana ba Lesa.

Loma 8:23

Kabiji kechi abyo byonka ne, nanchi ne atwebatu pamo, nangwa twatambula Mupashi nobe nsomo, ne atweba tubena kubinza mukachi, kasa tupembelela kumweka kwa bu bwana bwetu, kokuuba amba, bukuuzhi bwa mibiji yetu.

Loma 9:4

Abo bo bantu ba Lesa bu bwana bo bwabo, ne lukumo, ne Milaye ne kupana kwa Mizhilo, ne mingilo ya ku nzubo ya Lesa, ne malayang'ano, byonse byo byabo;

Ngalatiya 3:13

Kilishitu witukuujile ku mafingo a Mizhilo, byo aalukile ke wafingwa na mambo a atweba, mambo kyanembwa amba, “Bafingwa mafingo bonse bo bakobeka ku bichi.”

Ngalatiya 3:26

Mambo anweba bonse pano mwi baana ba Lesa monka mu lwitabilo lwa mwi Kilishitu Yesu.

Ngalatiya 4:21

Mbulai anweba mwakeba kwikala mu mizhilo, kechi mumvwa byamba mizhilo nenyi?

Ngalatiya 4:7

Onkao mambo pano mwi aye Lesa kechi wi muzha ne, wi mwana. Kabiji umvwe wi mwana, wi nswanyi.

Efisesa 1:5

Mambo witutongwejile jimo amba aketwalule ke baana banji aye mwine mwi Yesu Kilishitu, monka mo kyamutokela ku muchima wanji,

Efisesa 1:7

Mwi Kilishitu mo muji bukuuzhi bwetu bwa mu mashi anji, lo lulekelo lwa mizhilulwila yetu, monka mwayila bunonshi bwa bupe bwanji,

Efisesa 5:2

Ne kwenda monka mu butemwe, byonka byo etutemenwe Kilishitu, ne kwipana mwine na mambo a atweba, ke mulambo ne kitapisho kwi Lesa, bikale bwema bwawama.

Titusa 2:14

Ye wipaine mwine pe atweba mu kwitukuula ku bubi bonse, ne kwitokeshesha aye mwine bantu banji mwine, bamukoyo mu kwingila mingilo yawama.

Bahebelu 1:3

Mwanji ye kusaama kwa lukumo lwanji, ye kipasha kya musango wanji, kabiji ye ulama bintu byonse na jiwi ja bulume bwanji. Kabiji byo apwishishe kutokesha bubi bwa bantu, waikajile ku kuboko kwa kilujo kya Mwine Mfumu wa mwiulu.

Bahebelu 9:12

Aye watwelele jimo jonka kikupu amwa Mwazhijisha kechi na mashi a bambuzhi ne a twana twa ng'ombe ne, poso na mashi anji mwine, ne kwitumwena bukuuzhi bwa myaka.

Bahebelu 9:15

Onkao mambo aye ye ng'ambi waleeta lulayang'ano lupya amba, abo baitwa batambule bonkabwa buswanyi bwa myaka bwalayilwe. Mambo lufu lwamweka lwa kwibakuula ku mizhilulwila yo bazhilulwile mu lulayang'ano lutanshi.

1 Petelo 3:18

Mambo Kilishitu naye wiamanamijile mambo jimo jonka, aye waoloka na mambo a babula koloka, amba etufikizhe kwi Lesa, waipayilwe mu mubiji, bino waubilwe bumi mu mupashi,

Lumwekesho 14:3

Kabiji baimbilenga lwimbo mupya ku meso a jitanda, ne ku meso a aba bomi bana ne aba bakulumpe, kafwako muntu nangwa umo wakonsheshe kufunda awa lwimbo ne poso aba ba 144,000, bakujilwe pano pantanda.

Lumwekesho 5:9

Kabiji baimbile lwimbo mupya amba. “Anweba yenu mwafwainwa kutambula buku ne kushinkula tuteetesho tujipo. Mambo anweba mwaipayilwe, kabiji mwamupotejile Lesa na mashi enu bantu ba mu bisaka byonse, ne ba mu njimi yonse, ne ba mu mitundu yonse, ne ba mu mikoka yonse.