Ngalatiya 4:4 - KNTP

⁴ Bino pene po kyafikijile kimye, Lesa watumine Mwananji wasemenwe mu mwanamukazhi, wasemenwe mu mizhilo,

Ngalatiya 4:4 Iomraidhean Croise

Mateo 1:23

“Talai! Muzhike wakishinka wabula kusambakanapo na mwanamulume ukemita jiimi, ukasema mwana wamulume, kabiji bakamutumba jizhina janji amba Emanuele.” (Kulumbulula, ko kuuba amba, “Lesa tuji nanji.”)

Mateo 3:15

Bino Yesu wamukumbwile amba, “Byonkabyo pano swai, pakuba momo kitufwainwa tufikizhe bololoke bonse.” Ponkapo Yoano waswile.

Mateo 5:17

“Kechi mulanguluke amba, naiya na kufumyapo bya mu buku wa mizhilo nangwa bya mu buku wa bangauzhi ne. Kechi naiya na kwibifumyapo ne, poso namba nebifikizhe.

Mako 1:15

“Kimye kyafika kala, ne bufumu bwa Lesa bwafwenya ke pepi! Lapilai ne kwitabila mu Mambo Awama.”

Luka 1:31

Kabiji tala, ukemita mwana munda mobe kabiji ukasema mwana wamulume, ne obewa ukamutumba jizhina janji amba Yesu.

Luka 1:35

Ne malaika wamukumbwile amba, “Mupashi Wazhila ukeya pe obewa ne bulume bwa Mwine Wakila bukakunyeng'amina onkao mambo awa mwana ukasemwa wazhila ukatelwa amba, Mwana Lesa.

Luka 2:7

Ne aye wasemene mwana wamulume mubeji kabiji wamupombele mu bisapi ne kumubika mu kijiilamo banyama, mambo mu nzubo ya benyi kechi mwajinga mwakufikila ne.

Luka 20:44

Byonkabyo Davida wamutelele amba, ‘Nkambo.’ Leelo kabiji ye mwananji byepi?”

Yoano 1:14

Kabiji ao Mambo aalukile ke muntu, ne kwikala waikajilenga muno mwetu. Kabiji twamwene lukumo lwanji, lukumo nobe lwa yewa Mwana umo yenka wafuma kwi Shanji, kasa ayula bupe ne bukine.

Yoano 10:36

Anweba munena ye bazhijika, watumwa kwi bataata pano pantanda amba, wamuuba mwenga Lesa byo najikwamba namba, amiwa ne Mwana Lesa nyi?

Yoano 3:16

Mambo Lesa byo ebatemwishe ba pano pantanda, wapaine Mwananji yenkawa umo amba, bonse bamwitabila kechi bonaike ne, poso amba bekale na bumi bwa myaka.

Yoano 6:38

Mambo nafumine mwiulu, kechi mambo a kuuba kyaswa muchima wami amiwa mwine ne, poso kuuba kyaswa muchima wa kwa Aye wantuma.

Yoano 8:42

Kumvwa Yesu wibambijile amba, “Inge Lesa wajinga Shenu, inge mwantemwa amiwa, mambo amiwa nafumine kwi Lesa, naiya ne pano. Kabiji kechi neishijiiletu amiwa mwine ne, bino aye ye wantumine.

Byubilo 1:7

Kumvwa aye wibambijile amba, “Kechi kyo kyenu kya kuyuka bimye nangwa moba, byo belamina bene bataata na luusa lwabo ne.

Loma 1:3

A mwananji wasemenwe ku lukunwa wa Davida mwayila bumuntu,

Loma 15:8

Mambo amiwa nemubuula namba Kilishitu waikele ke wamwingilo wa ba mu mukanda mambo a kumwesha bukine bwa Lesa, amba afikizhe milaye yoapaine ku bashakulu,

Loma 5:6

Mambo byo twakijinga banekena, mu kimye kyafwainwa Kilishitu wibafwijile babula kwakamwa Lesa.

Loma 8:3

Mambo Lesa wikyubile akya kyakankelwe kuuba Mizhilo na mambo a kunekena kwa mubiji wa buntunshi, byo atumine Mwananji mwine mu kipasha kya mubiji wa bundengamambo amba ekale ke kitapisho kya mambo, aye wibuzhachisha bundengamambo mu buntunshi.

Loma 9:5

ne bene bashakulu bo babo, kabiji mo mukisemi kyabo moaishijile Kilishitu kumubiji. Ye mwine wa byonse, ye Lesa utotwa pe myaka yonse! Amena.

Efisesa 1:10

Amba akekajike bukalama bwa pa byonse ponka pa kukafikila myaka yoatongola, ne kwibikonkenya bintu byonse mwi Kilishitu, biji mwiulu ne biji pano pantanda.

Kolose 2:14

Ne kwiazhimang'anya malayang'ano a byatongolwa etwimejile na kwitushinawina, kabiji wiangachilemo mu jishinda jetu byo e apopele pa musalabu.

1 Timoti 2:6

ye wipaine mwine na kwibakuula bonse. O mambo ashimunwa mu myaka yao yafwainwa.

1 Timoti 3:16

Kabiji kyaitabilwatu amba, kyafyamika kya mu kunemeka Lesa kwetu kyo kikatampe. Aye wamwekele mu bumuntu, Walumbulwilwe amba waoloka mu Mupashi, bamumwene ku bamalaika. Wasapwijilwe mu mikoka ya bantu, waitabilwe pano pantanda, kabiji watambwilwe mwiulu mu lukumo.

Bahebelu 2:14

Mambo baana byo batambula mibiji ya mashi, byonkabyo ne aye mwine watambwile wa byonkabyo, amba monka mu lufu amonaune awa uji na bulume bwa lufu, ko kuuba amba Diabola,

Bahebelu 9:10

mambo byayijile mu bya kuja ne mu bya kutoma ne mu bya kwiovwa kwa misango ne misango. A bino byajinga mizhilo ya pangye ya mubiji, yapainwe poso mwaka wa bikwabo bipya akafike.

1 Yoano 4:14

Kabiji twamona ne kushimuna namba Taata watumine mwananji amba ekale ke mupulushi wa ba panopantanda.

1 Yoano 4:2

Mukino mo mukayukila Mupashi wa Lesa, mupashi yense waitaba amba Yesu Kilishitu waishile mu mubiji, ye wafuma kwi Lesa.