Ngalatiya 4:3 - KNTP

³ Po pamo ne atweba byo twakijinga banyike, twajinga mu buzha bwa mu bya bwanyike bya pano pantanda.

Ngalatiya 4:3 Iomraidhean Croise

Mateo 11:28

“Iyai konji, anweba bonse basulwila na mingilo ne kunemenwa, ne amiwa nkemukokolosha.

Yoano 8:31

Ponkapo Yesu wa ambijile Bayudea bamwitabijile amba, “Anweba inge mwikajijile mu mambo ami, abya kine mwi baana bami babwanga,

Byubilo 15:10

Lelo kabiji pano, mambo ka kyomwasakila kweseka Lesa, pa kubiika kikonkoji panshingo ya baana babwanga kyakankelwe bashakulu betu ne atweba bene kwikisenda?

Loma 7:14

Mambo twayuka namba, Mizhilo yoya bumupashi; pakuba amiwa nakikaswa ku bya buntunshi, napotwa ne kunonkwa ku bundengamambo.

Loma 8:15

Mambo kechi mwatambwile Mupashi wa buzha amba mube moyo ne; bino mwatambwile Mupashi wa bwana bwa bene, motutaachila amba, “Abba, Taata!”

2 kolinda 11:20

Mambo anweba mwamutekenya muntu, nangwa wimuleeta mu buzha, nangwa wimuja, nangwa wimunyanchijila, nangwa witumbijika mwine, nangwa wimupuma pa kilungi!

Ngalatiya 2:4

bino kwajinga bamo basakile amba kyafwainwe kubiwa, balongo ba bubela batwelele kumbaji bonka befwanyikizhatu nobe balongo betu mwi Nkambo, mambo a kusakatu kumona byotwaikala mu bwana bwa bene botuji naabo mwi Kilishitu Yesu amba, betutwale mu buzha.

Ngalatiya 3:19

Nanchi mizhilo yayila muka? Yabikilweko na mambo a mizhilulwila poso byo akeya awa lukunwa ye balayile mulaye. Kabiji yatongwelwe na bamalaika ne kuleetwa mu maboko a kwa ng'ambi.

Ngalatiya 4:2

Mambo byo akiji mwanyike uji na bamulama, ne bamulamina bintu byanji, kufika ne ku kimye kya mutongwela shanji.

Ngalatiya 4:24

Bino bintu biji nobe kishimpi. Mambo bano banabakazhi o malayang'ano abiji. Lumo lwa ku mutumba wa Sinai, kasa lusema baana mu buzha, ye Hegala.

Ngalatiya 4:25

Kabiji uno Hegala ye mutumba wa Sinai mu Alabya ye wafwanyikizha Yelusalema ujiipo. Mambo ye uji mu buzha na baana banji.

Ngalatiya 4:31

Byonkabyo anweba bakwetu kechi twi baana bamuzha ne, twi baana ba mwana bene.

Ngalatiya 4:8

Byonkabyo mu kyokya kimye kyo mwabujile kuyuka Lesa, mwajinga mu buzha bwa babula ba lesa bakine.

Ngalatiya 4:9

Pakuba pano byo mwamuyuka Lesa, nangwa amba byo mwayukanyikwa kwi Lesa, mwalulukile byepi jibiji ku bya bwanyike byabula buneme ne byatu, ne kusaka kwikala mu buzha bwabyo jibiji?

Kolose 2:20

Byo mwafwile pamo ne Kilishitu ku bya bwanyike bya pano pantanda, mambo ka o mwakookela tumizhilo nobe mwi ba pano pantanda?

Kolose 2:8

Jimukai kuchiina amba, bakemukwata buzha ku muntu nangwa umo na buntemwa maana bwanji, monka mwayila lufunjisho lwatu lwa bantutu, mwayila bya bwanyike bya pano pantanda, kechi mwayila Kilishitu ne.

Bahebelu 5:12

Nangwa pa kino kimye mwaji kufwainwa kwikala bafunjishi, bino mu kisaka jibiji muntu wa kwi mufunjisha bya bwanyike bya ntendekelo ya byambo bya Lesa. Mwa aluka ke bafwainwa mukaka, kechi kajo kakosa ne.

Bahebelu 7:16

Wapewa bung'anga, kechi mwayila Mizhilo ya mikambizho ya ku buntunshi ne, poso mwayila bulume bwa bumi bubula kupwa.