Ngalatiya 4:12 - KNTP

¹² Anweba bakwetu, ne musashijila namba, mwikale byonka byonji amiwa. Mambo ne amiwa naikala byonka byo muji anweba. Kechi mwa ngubilepo kyatama ne.

Ngalatiya 4:12 Iomraidhean Croise

Byubilo 21:21

Kabiji be babuula kala mambo a kwa anweba amba, mubena kufunjisha Bayudea bonse bamu Bangentila amba, baleke bisela bya kwa Mosesa, ne kwibatwezha baana babo mu kisela kya mukanda, nangwa kulondela bisela byetu ne.

2 kolinda 2:5

Pakuba umvwe umo waletele bulanda, kechi wandetejile amiwa yenka ne, bino mu jishinda jimo wimuletejile bulanda ne anweba bonse, naamba kino mambo kechi nasaka kubayisha kintu ne.

2 kolinda 6:11

Anweba bena Kolinda! Kanwa keetu kemwasamina, ne muchima wetu wimushinkukila kyabaya.

2 kolinda 6:13

Kabiji pano na mambo a kubwezha kyafwainwa, nemwambila nobe ng'ambila baana bami, namba ne anweba mushinkule michima yenu.

Ngalatiya 2:14

Pakuba amiwa byo namwene byo babujile kwenda mu bololoke bwa mwayila bukine bwa Mambo Awama, na mwambijile Kefasa ku meso a bonse namba anweba byo muji mu Yudea, mwikala nobe mungentila, kechi pamo nobe Bayudea ne, mambo ka mwi bakanjikizha Bangentila amba bekale nobe Bayudea?

Ngalatiya 4:11

Nji na moyo na mambo a anweba, namba kampe mingilo yami yo naingijilenga mwi anweba ya aluka ke yaatu.

Ngalatiya 4:13

Kabiji mwayuka amba, na mambo onka a kunekena kwa mubiji wami po po nemusapwijile Mambo Awama patanshi.

Ngalatiya 6:14

Bino amiwa, kechi ngikale na kya kwitotelamo nangwa pacheche ne, posotu mu musalabu wa Nkambo yetu Yesu Kilishitu; ku yeo musalabu pano pantanda pangipayilwa amiwa, kabiji ne amiwa nepepayilwa pano pantanda.

Ngalatiya 6:18

Bupe bwa Nkambo yetu Yesu Kilishitu bwikale na mipashi yenu anweba bakwetu. Amena.