Ngalatiya 3:16 - KNTP

¹⁶ Bino kwi Abulahama ne ku lukunwa wanji ko kwalayilwe milaye. Kechi wa amba amba “Ku nkunwa”, nobe yavula ne poso umo amba, “Kabiji ku lukunwa wobe”, awa ye Kilishitu.

Ngalatiya 3:16 Iomraidhean Croise

Mateo 1:1

Buku wa kisemi kya Yesu Kilishitu, mwana Davida, mwana Abulahama.

Luka 1:55

byonka byo a ambile ku bashakulu betu, kwi Abulahama ne ba mukisemi kyanji myaka ne myaka.”

Byubilo 3:25

Anweba mwi baana ba bangauzhi, kabiji mwi baana bamu lulayang'ano loalayang'ene naabo Lesa bashakulu benu, byo a mwambijile Abulahama amba, mu lukunwa wobe mikoka yonse ya pano pantanda ikamwenamo bibusa.

Loma 12:5

Byonkabyo ne atweba, nangwa twavula, twi mubiji umo mwi Kilishitu, ne pa muntu pa muntu, bonse twi bamo.

Loma 4:13

Mambo awa mulaye, ye balayile Abulahama ne ba munkunwa yanji amba ukekala nswanyi wa pano pantanda, kechi walaijilwe mu Mizhilo ne, walaijilwe mu bololoke bwa mu lwitabilo.

Loma 4:16

Onka ano mambo oaikela mulaye pa lwitabilo, amba mulaye ekale pa bupe, mulaye akekale pa bonse ba mukisemi, kechi boba bonka bamu Mizhilo ne, nanchi ne kuboba bamulwitabilo lwa Abulahama shetu atweba bonse;

Loma 9:4

Abo bo bantu ba Lesa bu bwana bo bwabo, ne lukumo, ne Milaye ne kupana kwa Mizhilo, ne mingilo ya ku nzubo ya Lesa, ne malayang'ano, byonse byo byabo;

1 Kolinda 12:12

Byonka byo aji mubiji umo, bino uji na bibese bya mubiji byavula; kabiji ne bya mubiji byonse nangwa byavula ye mubiji umo, byo biji ne Kilishitu.

1 Kolinda 12:27

Anweba mwi bya mubiji wa Kilishitu, ne bonse pa muntu pa muntu mwi bya mubiji wanji.

2 kolinda 11:22

Umvwe bo ba Hebelu, ne amiwa pamo. Umvwe bo bena Isalela, ne amiwa pamo. Umvwe bo ba nkunwa ya Abulahama, ne amiwa pamo.

Ngalatiya 3:19

Nanchi mizhilo yayila muka? Yabikilweko na mambo a mizhilulwila poso byo akeya awa lukunwa ye balayile mulaye. Kabiji yatongwelwe na bamalaika ne kuleetwa mu maboko a kwa ng'ambi.

Ngalatiya 3:8

Kabiji ne kinembelo kyamwenejile jimo amba, Lesa ukebabingisha Bangentila mu lwitabilo, kya sapwijile jimo Mambo Awama kwi Abulahama amba, “Mwi obewa mikoka yonse ya bantu ikamwenamo bibusa.”

Efisesa 5:32

Kino kyafyamika kyo kikatampe, bino naamba mambo a Kilishitu ne a kipwilo.

Kolose 2:19

ne kukakachila ku mwine Kilishitu ne, mwi aye Kilishitu, moayila na kukoma mubiji yense na bukomo bufuma kwi Lesa, kasa bamukosesha ne kumunungakanya na manungi ne mishipe yonse.

Kolose 3:11

Amo kechi muji mugiliki, nangwa muyudea, nangwa wa mukanda, nangwa wabulwa mukanda, nangwa mwenyi, nangwa mwina Sikitya nangwa muzha, nangwa mwana bene, pakuba Kilishitu ye byonse, kabiji uji mu byonse.