Ngalatiya 2:6 - KNTP

⁶ Kabiji kwi abo bantangi batumbalala, (kwi amiwa kutumbalala kwabo kechi kyo kintu ne, mambo Lesa kechi utala ku bilungi bya bantu ne), abo bantangi batumbalala kechi bambikijilepo kintu ne.

Ngalatiya 2:6 Iomraidhean Croise

Mateo 22:16

Kabiji bamutumijile baana babo babwanga ne bena Heloda, ne kumwambila amba, “Mufunjishi twayuka namba anweba mwi wa kine, kabiji mufunjishatu jishinda ja Lesa mu bukine, kechi muchiina muntu nangwa umo ne, mambo kechi muta muchima ku bilungi bya bantu ne.

Mako 12:14

Kabiji baishile kwi aye ne kwamba amba, “Mufunjishi twayuka namba mwamba bya kine, kwakubula kuta muchima ku bintu bilanguluka bantu. Kabiji kechi mutala ku kilungi kya muntu nangwa umo ne, pakuba mufujishatu bukine bwa Lesa mwayila kyaswa muchima wa Lesa pa bantu. Tubuulai kana kizhila kupana musonko kwi Kesala nyi? Twafwainwa kupana nyi, inyi ne?”

Luka 20:21

Byonkabyo abo bamwipwizhe amba, “Mufunjishi, twayuka byo mwamba ne kufunjisha byaoloka, kabiji kechi mutala ku kilungi kya muntu ne, pakuba kine mufunjisha jishinda ja Lesa.

Byubilo 10:34

Ponkapo Petelo watatwile kwamba amba, “Kine pano nayuka namba aye Lesa kechi utala ku bilungi bya bantu ne.

Byubilo 5:36

Mambo kala kwaimene Teusadasa, witelele mwine amba ye mwine, kabiji kwaishile bantu bamo kampe bitota bina, bamwipayile ne bonse mo bavujile bamulondejilenga, bebapalang'enye kabiji kechi kwashajile nangwa umo ne.

Loma 2:11

Mambo Lesa kechi utala ku bilungi bya bantu ne.

2 kolinda 11:5

Mambo nalanguluka namba, kechi nashala mu nyuma ku bo bo “Batumwa baakila,” nangwa pacheche ne.

2 kolinda 12:11

Naaluka ke wakosama: anweba yenu mwangubishakyo. Mambo nafwainwe kutotwa kwi anweba. Mambo kechi nashala panyuma kuboba “Batumwa bakila” nangwa mu kintu kimo ne, nangwa amiwa ne watu.

2 kolinda 5:16

Byonkabyo pano kechi twakiyuka muntu mu buntunshi ne. Kabiji nangwa twayukile Kilishitu mu buntunshi, pakuba pano kechi twakimuyukilabo ne.

Ngalatiya 2:2

Nayileko mambo Lesa mwine wansolwejilekyo. Kabiji ne babuujile bulongo ao mambo o nsapwila ku Bangentila, bino nalumbulwijile bantangi bonka kwa bunke, mambo a kuchiina amba, nangwa na kya byepi kwingila kwami kombena kwingila ne ko naingijilenga kwakekala ke kwatu.

Ngalatiya 6:3

Mambo umvwe muntu wilanguluka mwine amba ne wafwainwa kasa aji watu, wijimbaika mwine.

Bahebelu 13:17

Kookelai ba ntangi benu ne kwibanekenena. Mambo abo babena kwimukenketela na mambo a kulama michima yenu, byo baketotolwela na mambo a ayo. Umvwe mwibakookela, bakengila mwingilo wabo na lusekelo, kuchiina amba bakooba mwingilo wabo na bulanda, mambo akyo kechi kikemuletela byawama ne.

Bahebelu 13:7

Vulukai bajinga ba ntangi benu, bemusapwijile mambo a Lesa. Langulukai kumpelo ya bwikalo bwabo, ne kulonda lwitabilo lwabo.

1 Petelo 1:17

Kabiji umvwe mumwita aye amba Taata, yenkaye ukebachibila mambo bonse monka mwayila mingilo yabo kwakubula kutala ku kilungi kya muntu ne, ikalai na kwakamwa mu bimye byo mwa kikala bwenyi pano pantanda.