Ngalatiya 2:4 - KNTP

⁴ bino kwajinga bamo basakile amba kyafwainwe kubiwa, balongo ba bubela batwelele kumbaji bonka befwanyikizhatu nobe balongo betu mwi Nkambo, mambo a kusakatu kumona byotwaikala mu bwana bwa bene botuji naabo mwi Kilishitu Yesu amba, betutwale mu buzha.

Ngalatiya 2:4 Iomraidhean Croise

Luka 5:38

Bino binyu bya katataaka byafwainwa kulongwa mu bafukuta bakatataaka.

Byubilo 15:1

Bino bamo banabalume baishile kufuma ku Yudea na kufunjisha baitabila amba, “Anweba inge ne kutwela mu mukanda monka mwayila kisela kya Mosesa ne, kechi mukapuluka ne.”

Byubilo 15:24

Byotwaumvwa amba, bamo bafumine mwi atweba bemukatazha na byambo bya kuzhingichisha michima yenu, botwabujile kulaya atweba.

Byubilo 20:30

Kabiji ne mwi anweba bene namo, mukemana bantu, bakambanga bintu byaluwankana, bya kwibakokamo baana babwanga amba bebalondele.

Loma 8:15

Mambo kechi mwatambwile Mupashi wa buzha amba mube moyo ne; bino mwatambwile Mupashi wa bwana bwa bene, motutaachila amba, “Abba, Taata!”

2 kolinda 11:13

Mambo bantu ba byonkabyo bo batumwa ba bubela, bo bamingilo ya bujimbijimbi, kasa bealula nobe batumwa ba kwa Kilishitu.

2 kolinda 11:17

(Akyo kyombena kwamba kechi mbena kwamba bifuma kwi Nkambo ne, mbena kwamba nobe mu kukosama, mu luketekelo luno lwa kwitota;

2 kolinda 11:20

Mambo anweba mwamutekenya muntu, nangwa wimuleeta mu buzha, nangwa wimuja, nangwa wimunyanchijila, nangwa witumbijika mwine, nangwa wimupuma pa kilungi!

2 kolinda 11:26

Kabiji ng'endo nayo yavula, ne mu bya lufu bya pa mikola, ne mu bya lufu bya ku tupondo, ne mu bya lufu bya ku bakwetu Bayudea, ne mu bya lufu bya ku Bangentila, ne mu bya lufu bya mu muzhi, ne mu bya lufu bya mungyetu, ne mu bya lufu bya pa kalunga kamema, ne mu bya lufu bya ku balongo betu babubela.

2 kolinda 3:17

Bino “Nkambo” ye Mupashi; kabiji kuji Mupashi wa Nkambo, ko kuji ne bwana bwa bene.

Ngalatiya 1:7

Bino kechi kuji Mambo Awama akwabo ne. Bino kobaji bamo bemukatazha, basaka kwalulula Mambo Awama a Kilishitu.

Ngalatiya 4:25

Kabiji uno Hegala ye mutumba wa Sinai mu Alabya ye wafwanyikizha Yelusalema ujiipo. Mambo ye uji mu buzha na baana banji.

Ngalatiya 4:3

Po pamo ne atweba byo twakijinga banyike, twajinga mu buzha bwa mu bya bwanyike bya pano pantanda.

Ngalatiya 5:1

Na mambo a bwana bwa bene kyo kyo etukasulwijile Kilishitu. Onkao mambo mwikale bakosa amba, kechi mubwele ku kikonkoji kya buzha ne.

Ngalatiya 5:10

Amiwa nemuketekela bulongo mwi Nkambo namba, kechi mukekala na muchima ungi ne. Pakuba awa wimukatazha nangwa ng'anyi, ukamona kuzhatwa kwanji.

2 Timoti 3:6

Mambo mwi abo muji bamo bongolokela mu mazubo, ne kwibabombola banabakazhi banekena, banemenwa na bya bundengamambo bwabo, batwalwatwalwa ku bya kusakasaka kwabo kwa misango ne misango.

Yakoba 1:25

Pakuba aye utajijisha mu mizhilo yalumbuluka, ya bwana bwa bene, kabiji aye kechi umvwatu ne kuvulama ne, byo abula kwikala wa kumvwatu kwakubula kuvulama ne poso kwiyuba, ukekala watokwa monka mukuuba kwanji.

1 Petelo 2:16

Ikalai nobe baana ba bene, kechi mwalule bwana bwa bene bwenu ke kintu kya kubilamo bubi ne, poso mwikale bakalume ba Lesa.

2 Petelo 2:19

Kasa bebalaya amba, mukekala ke baana ba bene, abo bene kasa baji bazha ba bubole. Mambo konka koashindwa muntu ko konka koekala buzha.

1 Yoano 4:1

Anweba batemwe kechi mwitabe mipashi yonse ne, ipimai mipashi kana yafuma kwi Lesa, mambo bangauzhi ba bubela bavula bapalang'ena pano pantanda.

Yuda 1:4

Mambo kobaji bantu bamo batwela mwi anweba bufyamfya, bonkaba bo banembejile jimo kala amba batongwelwa luno luzhachisho, babula kwakamwa Lesa, kasa baalula bupe bwa Lesa wetu ke mwakuubila bya bunya, ne kukana Mfumu wetu yenkawa umotu, aye Nkambo Yesu Kilishitu.