Ngalatiya 2:2 - KNTP

² Nayileko mambo Lesa mwine wansolwejilekyo. Kabiji ne babuujile bulongo ao mambo o nsapwila ku Bangentila, bino nalumbulwijile bantangi bonka kwa bunke, mambo a kuchiina amba, nangwa na kya byepi kwingila kwami kombena kwingila ne ko naingijilenga kwakekala ke kwatu.

Ngalatiya 2:2 Iomraidhean Croise

Mateo 10:16

“Talai! Nemutuma pamo nobe mikooko mu misuka. Byonkabyo mwikale bajimuka pamo nobe milolo, ne kukooka pamo nobe ba nkunda.

Byubilo 15:12

Ponkapo jibumba jonse jazhindaminetu nzo byo batatwile kumvwa ba Banabasa ne Paulo byo bebabujile biyukilo ne bya kukumya byaubile Lesa mu Bangentila kwi abo.

Byubilo 15:2

Kabiji ba Paulo ne Banabasa byo bapachikilenga naabo ne kwiipuzha javula, bebatongwele ba Paulo ne Banabasa, ne bakwabo bamo, amba baye ku Yelusalema ku batumwa ne bakulumpe na ano mambo.

Byubilo 15:4

Byo bafikile ku Yelusalema, bebatambwijile ku kipwilo, ne ku batumwa, ne ku bakulumpe, ne kwibabula byonsetu byo ebobijile Lesa.

Byubilo 18:9

Ne Nkambo wamwambijile Paulo bufuku mu kimwesho amba, “Kuuba moyo ne, ambangatu na kuchinchika,

Byubilo 23:11

Bonkabwa bufuku Nkambo waimene pajinga Paulo ne kumwambila amba, “Kuuba moyo ne, mambo byonka byo wanshimuna mu Yelusalema byobyo ukanshimuna ne mu Loma.”

Byubilo 5:34

Pakuba umo Mufaliseo mukije jizhina janji Ngamaliela, mufunjishi wa Mizhilo kabiji washing'ama mu bantu bonse, wakambiizhe amba. Aki balupulaimo kakimye kacheche.

Loma 9:16

Byonkabyo nanchi kechi o mambo ayewa usaka ne, nangwa ayewa wingila ne, nanchi o mambo a lusa lwanji aye Lesa.

1 Kolinda 1:23

Pakuba atweba tusapwila mambo a Kilishitu waipayilwe pa musalabu, ku Bayudea kyokya kwintuntulako, ne Bangentila ke kya bumbulwa maana,

1 Kolinda 2:2

Mambo napwishishe mu muchima byo najinga ne anweba, namba kechi ngyuke kintu nangwa kimo ne, poso yenka Yesu Kilishitu ne byo apopelwe pa musalabu.

1 Kolinda 9:24

Kechi mwayuka nenyi amba, banyema kapeela banyema bonse, pakuba umotu yeutambula mpasela? Byonkabyo nyemai mukeitambule.

1 Kolinda 9:26

Onkao mambo kyo nnyemena byonkabyo kechi nobe unyematu ne, amiwa kulwa kwami kechi kuji nobe kupumatu mwela ne.

2 kolinda 12:1

Kyamfwainwa amiwa kwitota nangwa kechi kyayilamo ne, kabiji nsakwamba ne pa bimwesho ne lumwekesho lwa Nkambo.

Ngalatiya 1:12

Mambo kechi neatambwile ku muntu ne, nangwa kufunjishiwao ne, bino neatambwile mu lumwekesho lo a mmwesheshe Yesu Kilishitu.

Ngalatiya 1:16

kunsolwela mwananji amiwa, amba nkasapwile mambo anji ku Bangentila, ponkapo kechi nakepwizhe bakwetu ba ku mubiji wa nyama ne mashi ne.

Ngalatiya 1:6

Nakumya byomubena kupondoka bukiji kufuma kwi aye wimwichile mu bupe bwa Kilishitu ne kuya ku Mambo Awama angi.

Ngalatiya 2:6

Kabiji kwi abo bantangi batumbalala, (kwi amiwa kutumbalala kwabo kechi kyo kintu ne, mambo Lesa kechi utala ku bilungi bya bantu ne), abo bantangi batumbalala kechi bambikijilepo kintu ne.

Ngalatiya 2:9

Kabiji abo ba Yakoba ne Kefasa ne Yoano, bonkaba batumbalele amba mapanda, byo bamwene bupe bo napelwe kwi Lesa, amiwa ne Banabasa twapakene naabo maboko a kilujo a lumvwang'ano amba, anweba muyenga ku Bangentila ne atweba tuye ku bamukanda.

Ngalatiya 5:7

Mwaendelenga bulongo! Ng'anyi wimukanya kukookela bya bukine?

Filipai 2:16

Kasa mwakwachisha ku byambo bya bumi. Amba mu juba ja Kilishitu nketotelemo namba kechi nanyemene kyatu nangwa kwingila kyatu ne.

Filipai 2:29

Byonkabyo mutambulai mwi Nkambo na lusekelo ne kwibanemeka bantu ba byonkabye,

Tesalonika 3:5

Onkao mambo ne amiwa byo nabujile kumona mwa kwikizhizha muchima bulongo, natumine muntu namba ngyuke lwitabilo lwenu, kuchiina amba, wa kwimweseka apo kampe wimweseka, ne mwingilo wetu wakaaluka ke watu.

2 Timoti 4:7

Nabalwenga bulwi bwawama, napwisha kala kikonkwanyi kyami, nabalamenga lwitabilo.

Bahebelu 12:1

Onkao mambo atweba byo twazhokolokwa na jibumba jikatampe ja batumonyi ja byonka bino. Tutaye byonse bitunemena, ne abwa bundengamambo bupelawizha kwitukasankanya, tunyeme kapeela na mukoyo konka ko betutujila kulutwe.