Ngalatiya 1:9 - KNTP

⁹ Byonka byo na ambile kala momo mbena kwambila nepano namba umvwe muntu, nangwa ng'anyi wimusapwila mambo awama angi nangwa a byepi apusana na o mwatambwile, afingwe mafingo.

Ngalatiya 1:9 Iomraidhean Croise

Byubilo 18:23

Byo aikajileko bimye bimo wafumineko, wakapichile mu kyalo kya Ngalatiya ne Filigya, monka mo ya londankena mizhi na kukosesha baana babwanga bonse.

Loma 16:17

Anweba bakwetu, ne musashijila namba, batajishai aba baleeta lwabano ne bintu byabula kwesakana na mafunjisho o mwafunjile; mwabane naabo.

Loma 9:3

Mambo inge kyakonshekele inge nasaka namba, mmfingwe mafingo ne kuchibiwako kwi Kilishitu na mambo a bakwetu, balongo bami ku mubiji bena Isalela.

2 kolinda 1:17

Nanchi pa kulanguluka byo byo, nalangulukile kyatu nyi? Nangwa nafuukwile, monka mwayila buntunshi namba, ngikale aku amba, “Ee, ee,” aku nako amba, “Ine, ine” pa kimye kimo nyi?

Filipai 3:1

Kyapelaako, balongo bami sekelai mwi Nkambo. Kwimunembela bintu bimo byonka kwi amiwa, kechi kyankatazha ne. Bino kwi anweba ke kya kwimukikizha.

Filipai 4:4

Sekelai mwi Nkambo moba onse. Kabiji nkamba jibiji, namba sekelai!