Ngalatiya 1:7 - KNTP

⁷ Bino kechi kuji Mambo Awama akwabo ne. Bino kobaji bamo bemukatazha, basaka kwalulula Mambo Awama a Kilishitu.

Ngalatiya 1:7 Iomraidhean Croise

Mateo 24:24

Mambo kukamweka ba kilishitu ba bubela, ne bangauzhi ba bubela, kabiji bakamwesha biyukilo bikatampe ne bya kukumya, mu kwibatwala mungi basalululwa, umvwe kyakonsheka kuubiwa.

Byubilo 13:10

ne kumwambila amba, “Obewa mwana Diabola, obewa mulwanyi wa bololoke bonse wayula na bujimbijimbi bonse ne bujimuku bonse bwa kuuba bibi, kechi ukaleka kuvulang'anya mashinda aoloka a Nkambo nenyi?

Byubilo 15:24

Byotwaumvwa amba, bamo bafumine mwi atweba bemukatazha na byambo bya kuzhingichisha michima yenu, botwabujile kulaya atweba.

Byubilo 20:30

Kabiji ne mwi anweba bene namo, mukemana bantu, bakambanga bintu byaluwankana, bya kwibakokamo baana babwanga amba bebalondele.

2 kolinda 11:13

Mambo bantu ba byonkabyo bo batumwa ba bubela, bo bamingilo ya bujimbijimbi, kasa bealula nobe batumwa ba kwa Kilishitu.

2 kolinda 2:17

Mambo atweba kechi tuji pamo na bamo bavula basulwisha mambo a Lesa amba bamwenemo ne, pakuba atweba twambila mwi Kilishitu konka ku meso a Lesa byambo bibafwainwa bakishinka ne baatumwa kwi Lesa.

2 kolinda 4:2

Kabiji twakana bintu byafyamika bya bumvu, kechi twenda mu bujimuku ne, nangwa kukwata mambo a Lesa na bujimbijimbi ne. Kabiji pa kusolola bya bukine patoka, twilumbulula ku michima ya bantu bonse ku meso a Lesa.

Ngalatiya 1:6

Nakumya byomubena kupondoka bukiji kufuma kwi aye wimwichile mu bupe bwa Kilishitu ne kuya ku Mambo Awama angi.

Ngalatiya 2:4

bino kwajinga bamo basakile amba kyafwainwe kubiwa, balongo ba bubela batwelele kumbaji bonka befwanyikizhatu nobe balongo betu mwi Nkambo, mambo a kusakatu kumona byotwaikala mu bwana bwa bene botuji naabo mwi Kilishitu Yesu amba, betutwale mu buzha.

Ngalatiya 4:17

Abo bantu bakwabo bemusaka na mukoyo, bino kechi mu bintu byawama ne. Bakeba kwimushinkila pangye amba mwi balondele abo.

Ngalatiya 5:10

Amiwa nemuketekela bulongo mwi Nkambo namba, kechi mukekala na muchima ungi ne. Pakuba awa wimukatazha nangwa ng'anyi, ukamona kuzhatwa kwanji.

Ngalatiya 5:12

Nasaka namba abo bemukatazha inge bechiba abo bene, inge kyawama.

Ngalatiya 6:17

Kufuma ku kino kimye kechi bankatazhe ku muntu nangwa umo ne. Mambo amiwa nasenda nnembo ya Yesu kasa yanembwa pa mubiji wami.

2 Timoti 2:18

Bo bapampuka ku bukine, kasa bamba amba, lusanguko lwapita kala kabiji babena konauna lwitabilo lwa bamo.

1 Yoano 2:26

Bino bintu ne munembela anweba na mambo aboba babena kweseka kwi mujimbaika.

1 Yoano 4:1

Anweba batemwe kechi mwitabe mipashi yonse ne, ipimai mipashi kana yafuma kwi Lesa, mambo bangauzhi ba bubela bavula bapalang'ena pano pantanda.

2 Yoano 1:10

Umvwe umo waiya ko muji ne kuleeta luno lufunjisho ne, kechi mumutambule mu nzubo yenu ne, nangwa kumwimuna ne.

2 Yoano 1:7

Mambo bajimbijimbi bavula bapalang'ena pano pantanda, bonkaba babula kwitaba kwiya kwa Yesu mu mubiji. Uno ye awa mujimbijimbi ne anti kilishitu.

Yuda 1:4

Mambo kobaji bantu bamo batwela mwi anweba bufyamfya, bonkaba bo banembejile jimo kala amba batongwelwa luno luzhachisho, babula kwakamwa Lesa, kasa baalula bupe bwa Lesa wetu ke mwakuubila bya bunya, ne kukana Mfumu wetu yenkawa umotu, aye Nkambo Yesu Kilishitu.

Lumwekesho 12:9

Ne aye nsung'unyi mukatampe waelelwe panshi, yenkaye mulolo wa kala, yebateela amba Diabola ne Satana, mujimbijimbi wa pantanda ponse waelelwe pantanda, ne bamalaika banji nabo baelelwe nanji panshi.

Lumwekesho 13:14

Ne aye wibajimbaikile bekala pantanda na biyukilo byo bamupele amba obe ku meso a yewa lukinyama mutanshi. Ne kwibambila bekala pano pantanda amba, mulengelai kinkishi kyapashang'ana nanji awa lukinyama wajinga na mutotole wa mpoko, kabiji waikala na bumi.

Lumwekesho 19:20

Ne aye lukinyama wakwachilwe, ne aye ngauzhi wa bubela naye pamo, yenkawa waubilenga biyukilo ku meso anji. Byo ajimbaikilengako aba batambwile kayukilo kayewa lukinyama ne aba bapopwejilenga kipashang'ano kyanji. Abo bonse babiji baelelwe bomi mu kizhiba kya mujilo uteema na kibiliki.

Lumwekesho 2:2

nayuka mingilo yobe, ne mwingilo wobe wakosa ne butekanye bobe, ne byo wabula kwibaswa babi, kabiji byo wibesekele abo beteela amba, twi batumwa, bino kechi bo batumwa ne, kabiji wibamwene amba ba bubela.

Lumwekesho 2:20

Pakuba nji na kino kyo natala bibi mwi obewa, byo wamulekatu awa mwanamukazhi Yezebeli, yenkawa witeela amba, ye ngauzhi. Kabiji aye wibafunjisha ne kwibongola bakalume bami kuuba bulalelale, ne kuja byo batapisha ku bankishi.

Lumwekesho 2:6

Pakuba kino uji naakyo, kyo washikwa mingilo ya ba Nikolaita, yo nashikwa ne amiwa;

Lumwekesho 20:3

Ne kumutaya mu kalengwa kabula kupela, washinkilepo ne kubikapo kateetesho peulu ya kalengwa, amba kechi ajimbaike mikoka ya bantu jibiji ne, poso aya myaka 1,000 ikapwe. Pakupita ino myaka kyafwainwa akakasululwe kakimye kacheche.