Ngalatiya 1:10 - KNTP

¹⁰ Nanchi pano nasaka namba bantu bantale bulongo nyi, inyi Lesa? Nangwa mbena kukeba kwibatokesha bantu pa muchima nyi? Kabiji inge nkibatokesha bantu pa muchima inge kechi ne kalume wa Kilishitu ne.

Ngalatiya 1:10 Iomraidhean Croise

Mateo 22:16

Kabiji bamutumijile baana babo babwanga ne bena Heloda, ne kumwambila amba, “Mufunjishi twayuka namba anweba mwi wa kine, kabiji mufunjishatu jishinda ja Lesa mu bukine, kechi muchiina muntu nangwa umo ne, mambo kechi muta muchima ku bilungi bya bantu ne.

Mateo 28:14

Kabiji umvwe jikafike mu matwi a ndamakyalo, tukamukanjikizha ne kwimulamwina.”

Mateo 6:24

“Kafwako muntu wakonsha kwingijila bankambo babiji ne. Mambo ukashikwapo umo, ne kutemwapo mukwabo; nangwa ukepana ku umo, ne kusuula mukwabo. Kechi mwakonsha kwingijila Lesa ne nsabo ne.

Byubilo 12:20

Pano Heloda wibazhingijile bingi bena Tila ne bena Shidona, ne abo baishile koaji na muchima umo, byo aswile Bulashita, kalama wa nzubo ya mfumu, bayile kwi mfumu na kulomba mutende, mambo kyalo kyabo kyatambulanga kajo kufuma ku kyalo kya mfumu.

Byubilo 5:29

Kumvwa Petelo ne batumwa bakwabo amba, “Atweba twafwainwa kukookela Lesa kukila bantu.

Loma 1:1

Paulo, kalume wa Yesu Kilishitu, waitwa amba ekale mutumwa wapatwilwa Mambo Awama a Lesa.

Loma 2:29

pakuba mwine mwina yudea ye yenkawa uji naabo ne mu muchima, ne mukanda wa kine ye wa muchima, wa ku Mupashi, kechi wa mu byambotu ne, ye batota kechi ku bantu ne, kana kwi Lesa.

Loma 2:8

Pakuba aba boba mwayila bisaka michima yabo abo bene ne balengulula bya bukine, ne kukookela bya bumbulwa koloka, kukekala bukaji ne lukabisho.

1 Kolinda 10:33

Byonka byongeseka ne amiwa kwibatokesha bantu bonse ku michima mu bintu byonse byo nguba, kechi nekebela byawama amiwa mwine ne, kana kwibakebela byawama bakwetu bavula namba bapuluke.

2 kolinda 12:19

Apo anweba kampe mubena kulanguluka amba, tubena kwamba bya kwiwamisha atweba bene kwi anweba ne mu kino kimye? Kabiji ko ku meso a Lesa ko twambila mwi Kilishitu. Pakuba anweba batemwe, bintu byonse byo bya kwimukomesha.

Efisesa 6:6

Kechi ku meso konka nobe wasaka kwibatokeshatu bantu pa muchima ne, poso mwafwainwa bakalume ba Kilishitu, kasa muba kyaswa muchima wa Lesa na muchima yense.

Filipai 1:1

Kufuma kwi Paulo ne Timoti bakalume bakwa Kilishitu Yesu. Ku bonse bazhijikwa baji mwi Kilishitu Yesu, baji mu Filipai ne bantangi balama kipwilo pamo ne bankwasho.

Kolose 3:22

Anweba bakalume, kookelai mu byonse bankambo yenu bo muji naabo pano pantanda; kechi ku meso konka nobe mwasaka kwibatokeshatu bantu pa muchima ne, poso na bukishinka bwa muchima, na kwakamwa Nkambo.

Tesalonika 2:4

Pakuba tusapwila monka mo twaitabilwa kwi aye Lesa amba, twikale ba ketekelwa mu kusapwila Mambo Awama, imo mo twambila. Kechi mu kutokesha bantu pa muchima ne, kana Lesa yenka weseka michima yetu.

Yakoba 4:4

Anweba bankende! Kechi mwayuka amba bulunda na bya pano pantanda bo bulwanyi ne Lesa nenyi? Byonkabyo awa usaka kwikala ke mulunda na bya pano pantanda wialula mwine ke mulwanyi ne Lesa.

1 Yoano 3:9

Kafwako wasemwa kwi Lesa utwajijilatu na kulenga mambo ne, mambo lukunwa wa Lesa waikala mwi aye, kabiji mambo wasemwa kwi Lesa kechi utwajijilatu na kulenga mambo ne.