Mateo 9:4 - KNTP

⁴ Yesu byo ayukile mwayila michima yabo, wibambijile amba, “Mambo ka anweba mulangulukila bibi mu michima yenu?

Mateo 9:4 Iomraidhean Croise

Mateo 12:25

Kabiji aye, byo ayukile michima yabo mo yayila, wibambijile amba, “Bonse bufumu bwialukila bwine bonaika; kabiji nangwa muzhi nangwa nzubo bialukila bine kechi bikekala ne.

Mako 12:15

Bino Yesu wayukile bujimuku bwabo ne kwibakumbula amba, “Mambo ka kyo mubena ku ngesekela? Ndetelai ndenali, ne imone.”

Mako 2:8

Ponkapotu Yesu, wayukile mu muchima wanji byo balangulukilenga mu michima yabo, wibambijile amba “Mulangulukila ka byobyo mu michima yenu?

Luka 11:17

Bino aye byo ayukile milanguluko yabo, wibambijile amba, “Bufumu bonse bwialukila bwine bonaika, ne kisaka kialukila kine kyonaika.

Luka 5:22

Yesu byo ayukile milanguluko yabo, wibambijile amba, “Mulangulukila ka byobyo mu michima yenu?

Luka 6:8

Bino aye wayukile milanguluko yabo, wamwambijile muntu wajinga na kuboko kwapapa amba, “Iyai mwimane kuno.” Ne aye waishile ne kwimana konka.

Luka 7:40

Yesu wamwambijile amba, “Shimona, nji na kintu kyo nasaka kwamba nenu.” Ne aye wakumbwile amba, “Kyambai, mufunjishi.”

Yoano 16:19

Yesu wayukile byo basakile kumwipuzha, ne aye wibambijile amba, “Anweba mubena kwiipuzha anweba bene na bene na kino kyo naamba namba, ‘Pashala pacheche, ne anweba kechi mukammone ne, kabiji pa kimye kikwabo kicheche, mukammona’ nyi?

Yoano 16:30

Pano twayuka namba anweba mwayuka byonse, kabiji kechi musakiwa muntu kwimwipuzha ne. Kino kitulengela kwitabila namba anweba mwafumine kwi Lesa.”

Yoano 21:17

Kabiji aye wamwipwizhe ja busatu amba, “Shimona, mwana Yona, wantemwa nyi?” Ponkapo Petelo kyamubile bulanda mambo aye wamwambijile ja busatu amba, “Wantemwa nyi?” Ne aye wamukumbwile amba, “Nkambo, anweba mwayuka bintu byonse, mwayuka amba amiwa nemutemwa.” Ne Yesu wamwambijile amba. “Kajishai mikooko yami.

Yoano 6:61

Pakuba Yesu byo ayukile mwine mu muchima wanji amba, baana banji babwanga babena kunyinyita ano mambo, wibambijile amba, “Ano mambo abena kwimutuntwisha nyi?

Yoano 6:64

Bino mo baji bamo ba mwi anweba babula kwitabila.” Ke pakuba Yesu wayukijile jimo ne ku ntendekelo babula kwitabila, ne aye ukamusolola.

Byubilo 5:9

Byonkabyo Petelo wamwambijile amba, “Mwaumvwang'ena ka pamo ku mweseka Mupashi wa Nkambo? Tala, maulu a baji kuya nakazhiika mwata obe aji pa kibelo, bo basakukutwala ne obewa.”

Lumwekesho 2:23

Kabiji baana banji nkebepaya, ne bipwilo byonse bikayuka byo nji ukebakeba byonse byafyamika mu milanguluko ne mu michima. Kabiji nkemupa bonse monka mwayila mingilo yenu.