Mateo 9:2 - KNTP

² Kabiji talai, bamuletejile mwanamulume wakolwa kalepu, kasa alaala pa mwanya. Ne aye Yesu pa kumona lwitabilo lwabo, wamwambijile wakolwa kalepu amba, “Mwanami ikizhai muchima, mambo enu alekelwa.”

Mateo 9:2 Iomraidhean Croise

Mateo 14:27

Ne Yesu wibambijile amba, “Kechi mube moyo ne, ye amiwa bano, kuchiina ne.”

Mateo 4:24

Kabiji ne nkuwa yanji yakumbene monse mu Silya, kabiji bamuletejile bonse bakolwa, bajinga na bikola ne misongo ya misango ne misango, ne banonkelwe ku bademona, ne ba kishimu ne ba kalepu, ne abo nabo wibabukile.

Mateo 6:12

Ne kwitulekelako mambo etu, byonka byo twibalekela betulenga mambo.

Mateo 8:10

Yesu pakumvwa wakuminye bingi, ne kwibambila bamulondejilenga amba, “Kine ne mwambila namba, kechi namwenepo lwitabilo lukatampe lwa byonkabye nangwa mubena Isalela ne.

Mateo 8:16

Kabiji juba pakufika mabanga, Yesu bamuletejile bavula banonkelwe ku bademona ne aye wibapangilemo bapashi babipa mu bantu na jiwitu, ne kwibabuka bonse bakolwa.

Mateo 9:22

Kabiji Yesu pa kufutuluka ne kumumona wamwambijile amba, “Mwanami, ikizha muchima, lwitabilo lobe lwa kupulusha.” Ponkapotu mwanamukazhi wabukilwe ke mutuntulu.

Mateo 9:5

Nanchi kyepi kyapeela kwamba amba, mambo enu alekelwa nyi, inyi amba, imanai mwende?

Mateo 9:6

Nanchi namba muyuke amba, Mwana Muntu uji na luusa pano pantanda lwa kulekela mambo(ponkapo wamwambijile ukolwa kalepu amba), imanai, shikulai mwanya wenu, muyenga ku nzubo yenu!”

Mako 1:32

Kabiji mabanga pa kuzhika juba, bamuletejile bonse bakolwa ne banonkwa na bademona.

Mako 10:49

Ne Yesu waimene ne kwamba amba, “Mwitai.” Ponkapo bamwichile mpofu, ne kumwambila amba, “Sekela! Imana, ubena kukwita.”

Mako 5:34

Ne aye wamwambijile amba, “Mwanami lwitabilo lobe lwa kupulusha. Yanga mu mutende, ne kubukiwa ku kikola kyobe.”

Mako 6:50

Mambo bonse bamumwene ne michima yabo keilukute. Ponkapotu Yesu wibambijile amba, “Kechi mube moyo ne, ye amiwa bano. Kuchiina ne!”

Yoano 16:33

“Bino bintu nemwambila namba mumwene mutende mwi amiwa. Pano pantanda kumanama ko kwenu. Byonkabyo koseshai michima yenu, amiwa nepashinda pano pantanda.”

Yoano 2:25

Kabiji kechi wasakile nangwa umo kumubuula bya muntu ne, mambo aye mwine wayukijile jimo biji mu michima yabo.

Yoano 21:5

Ponkapo Yesu wibepwizhe amba, “Anweba baana, muji na masabi nyi?” Abo bamukumbwile amba, “Ine.”

Byubilo 14:9

Aye waumvwinega bya ambilenga Paulo. Ne aye Paulo wamutajijishe ne pa kumona amba, uji na lwitabilo lwa kumubuka,

Byubilo 19:12

Ya kuuba batwajilenga bitambala ne bisapi bya ku mubiji wanji ku bakolwa, ne abo babukilwe ku bikola, kabiji ne bapashi babipa balupukilengamo.

Byubilo 23:11

Bonkabwa bufuku Nkambo waimene pajinga Paulo ne kumwambila amba, “Kuuba moyo ne, mambo byonka byo wanshimuna mu Yelusalema byobyo ukanshimuna ne mu Loma.”

Loma 5:11

Namo kechi monkamotu ne; twasekela ne mwi aye Lesa monka mwi Nkambo yetu Yesu Kilishitu, mo twatambwila pano bupwanyi.

Yakoba 2:18

Pakuba umo ukamba amba, “Obewa uji na lwitabilo, ne amiwa nji na mingilo. Mbuule biji lwitabilo lobe kwabula mingilo, ne amiwa nkakubuula lwitabilo lwami monka mu mingilo yami.”