Mateo 9:16 - KNTP

¹⁶ Kafwako muntu utupikapo kikamba kipya pa kivwalo kya kala ne; mambo akya kikamba kyafwainwa kuzhikapo, kyondobola kivwalo kya kala ne patabuka ke pabayisha.

Mateo 9:16 Iomraidhean Croise

Mateo 9:15

Kumvwa Yesu wibakumbwile amba, “Lelo bakabaala ba musongoshi bakonshe kujila, mwine musongoshi kasa akiji naabo nyi? Pakuba moba akeya o bakebangata musongoshi, kabiji mu oa moba kepo bakazhikilwa na nzala.

Mateo 9:17

Kabiji kechi balonga binyu bya katataaka mu bafukuta ba biseba bakala ne, kuchiina amba, bafukuta bakasabika, ne binyu bikechika, ne bafukuta bakonaika. Pakuba balonga binyu bya katataaka mu bafukuta bapya ne byonse bibiji bikala bulongo.”

Mako 2:21

“Mambo kafwako muntu utupikapo kikamba kipya pa kivwalo kya kala ne. Mambo inge wauba byobyo akya kipya kyoazhikapo kikondobola kya kala ne paatabuka pa kabaisha.

Luka 5:36

Kabiji aye wibatayile kishimpi amba, “Kafwako muntu utabulako kikamba kufuma ku kisapi kya katataaka ne kwikitupika pa kisapi kyakala ne. Mambo umvwe wauba byobyo, ukalengela akya kya katataka kutabula kya kala, mambo kikamba kyafuma kukya katataaka kechi kikaswang'ana na kya kala ne.

Yoano 16:12

Amiwa nji na bintu byavula bya kwimubula, bino kechi mwakonsha kwibitambula katataka ne.

1 Kolinda 13:13

Pakuba bino bisatu, lwitabilo ne luketekelo ne butemwe, byaikajikwa, kabiji kikatampe kya mu bino bisatu, bo butemwe.

2 kolinda 9:12

Mambo kwingila kwa ye uno mwingilo, kechi kukapelelatu ponka pa kukwasha bazhijikwa mu kukajilwa kwabo ne, kabiji kukavuzha ne sante kwi Lesa mu bavula.