Mateo 9:13 - KNTP

¹³ Nanchi yainga, kafundai mwayila kino amba nsaka lusa, kechi kitapisho ne. Mambo kechi naiya na kwita baoloka ne, poso bandengamambo.”

Mateo 9:13 Iomraidhean Croise

Mateo 12:3

Kabiji aye wibambijile amba, “Kechi mwatangilepo byaubile Davida, byo aumvwine nzala, ne abo boajinga naabo nenyi?

Mateo 12:5

Nangwa kechi mwatangilepo nenyi, mu buku wa mizhilo amba, bang'anga baji mu nzubo ya Lesa bazhilulula ja Sabado, kabiji babinga?

Mateo 12:7

Kabiji umvwe mwajikuyuka mwayila kino amba, nsaka lusa kechi kitapisho ne, umvwe kechi mwaji kwibazhachisha bantu babula mambo ne.

Mateo 19:4

Kumvwa aye amba, “Kechi mwatangilepo amba, aye wibalengele ku ntendekelo, wibalengele mwanamulume ne mwanamukazhi nenyi?

Mateo 21:42

Yesu wibambijile amba, “Nanchi kechi mwatangilepo biji mu binembelo nenyi? Amba.” “Jibwe jo basujile bashimika jo jonka jaalukile ke mutwe wa jikonka. Kino kyafumine kwi Nkambo kabiji kyokya kukumya ku meso etu!”

Mateo 3:2

“Lapilai mambo bufumu bwa mwiulu bwafwenya ke pepi!”

Mateo 3:8

Byonkabyo pangai bipangwa byafwainwa lulapilo.

Mateo 4:17

Kufuma pa kyokya kimye Yesu watatwile kusapwila amba, “Lapilai, mambo bufumu bwa mwiulu bwafwenya ke pepi!”

Mako 12:26

Kabiji na mambo a lusanguko lwa bafu, nanchi kechi mwatangilepo mu buku wa Mosesa, panembwa na mambo a kipuupu, byo a mwambijile Lesa amba, ‘Amiwa ne Lesa wa Abulahama, ne Lesa wa Izaka, ne Lesa wa Yakoba’ nenyi?

Mako 12:33

Ne kumutemwa na muchima obe yense ne na maana onse, ne na bulume bonse, ne kutemwa mukwenu pamo byonka byowitemwa obewa mwine, kyakila milambo yonse ne bitapisho.”

Mako 2:17

Aye Yesu byo aumvwine, wibambijile amba. “Batuntulu kechi basaka shayuka wa michi ne, poso bakolwa. Kechi naiya na kwita baoloka ne, poso bandengamambo.”

Luka 10:26

Ne aye wamwambijile amba, “Kyanembwa amba ka mu Buku wa Mizhilo? Nanchi mutanga byepi?”

Luka 19:10

Mambo Mwana Muntu waiya na kwibakeba ne kwi bapulusha balubilamo.”

Luka 24:47

kabiji amba lulapilo ne lulekelo lwa mambo byafwainwa kusapwilwa mu jizhina janji ku mikoka yonse ya bantu, kutatwila mu Yelusalema.

Luka 5:31

Ne Yesu wibakumbwile amba, “Batuntulu kechi basaka shayuka wa michi ne, kana bonka bakolwa.

Luka 5:32

Amiwa kechi naiya na kwita baoloka ne poso bandengamambo namba balapile.”

Yoano 10:34

Kumvwa Yesu wibambijile amba, “Nanchi mu buku wenu wa mizhilo kechi kyanembwa amba, ‘Anweba mwi ba lesa nenyi?’

Byubilo 11:18

Byo ba umvwine bino, bazhindamine nzo, ke bamutumbijike Lesa amba, “Nanchi kine Lesa wibapa ne Bangentila nabo lulapilo lwa ku bumi!”

Byubilo 2:38

Ne Petelo wibambijile amba, “Lapilai, ne kubatizhiwa bonse mu jizhina ja Yesu Kilishitu mu kulekelwa mambo enu, kabiji mukatambula Mupashi Wazhila wa bupetu.

Byubilo 20:21

Kasa nebabujisha Bayudea ne Bagiliki, lulapilo lwa kwalulukila kwi Lesa, ne lwitabilo lwa kumwitabila Nkambo yetu Yesu Kilishitu,

Byubilo 3:19

Byonkabyo lapilai, ne kwaluluka, mambo enu afuchiwe,

Byubilo 5:31

Aye uno yenka, Lesa wamutumbijikile ku kuboko kwanji kwa kilujo amba, ekale Ntangi ne Mupulushi, ebape bena Isalela lulapilo ne lulekelo lwa mambo.

2 Petelo 3:9

Aye Nkambo kechi wabanda ku mulaye wanji, byo balanguluka bamo mambo a kubanda ne. Pakuba wimutekenya muchima, byo abula kusaka nangwa umo amba onaike ne, poso amba bonse balapile.