Mateo 8:8 - KNTP

⁸ Kabiji mukulumpe wa bashilikale wamwambijile amba, “Nkambo, kechi kyafwainwa anweba kutwela mu nzubo yami ne; nanchi ambaitu jiwi, ne kalume wami usakukosa.

Mateo 8:8 Iomraidhean Croise

Mateo 3:11

Amiwa nemubatizha mu mema, lubatizhilo lwa lulapilo, pakuba ao undondela panyuma yami wankila bulume, amiwa kechi nafwainwa nangwatu kumusendela makwabilo anji ne. Aye ukemubatizha na Mupashi Wazhila ne na mujilo.

Mateo 3:14

Pakuba Yoano wamukainye amba, “Amiwa yami nafwainwa kubatizhiwa kwi anweba, bino kabiji anweba mwaiya byepi kwi amiwa?”

Mateo 8:3

Ne Yesu watanyikile kuboko kwanji ne kumukwata amba, “Naswa, mubukiwe.” Kabiji ponkapotu wabukilwe ku mbumba yanji.

Mateo 8:7

Kumvwa aye amba, “Nsakuya namubuke.”

Mateo 8:9

Mambo ne amiwa ne muntu wapewa luusa pa bashilikale baji munshi yami; namwambila umo namba, yanga! Ne aye kaye; ne mukwabo namba, iya! Ne aye kaiye; ne kalume wami namba, uba kikye! Ne aye wikyuba.”

Luka 15:19

Pano kechi nafwainwa kutelwa bu mwanenu ne, mungalule ke pamo na umo wamwingilo wenu.’

Luka 15:21

Ne aye mwana wamwambijile amba, ‘Taata, nalenga mambo kwiulu ne ku meso enu. Kechi nafwainwa pano kutelwa bu mwanenu ne.’

Luka 5:8

Pakuba Shimona Petelo byo amwene kyaubiwe, waponene ku maulu a Yesu ne kwamba amba, “Fumai kwi amiwa Nkambo! Mambo amiwa ne ndengamambo.”

Yoano 1:27

ye yewa undondela panyuma, mikanda ya makwabilo anji kechi nafwainwa kwiikasulula ne.”