Mateo 8:6 - KNTP

⁶ “Nkambo, kalume wami walaala mu nzubo yami ubena kubeela kalepu, wamanama bingi.”

Mateo 8:6 Iomraidhean Croise

Mateo 4:24

Kabiji ne nkuwa yanji yakumbene monse mu Silya, kabiji bamuletejile bonse bakolwa, bajinga na bikola ne misongo ya misango ne misango, ne banonkelwe ku bademona, ne ba kishimu ne ba kalepu, ne abo nabo wibabukile.

Mateo 8:7

Kumvwa aye amba, “Nsakuya namubuke.”

Mateo 9:2

Kabiji talai, bamuletejile mwanamulume wakolwa kalepu, kasa alaala pa mwanya. Ne aye Yesu pa kumona lwitabilo lwabo, wamwambijile wakolwa kalepu amba, “Mwanami ikizhai muchima, mambo enu alekelwa.”

Byubilo 10:7

Ponkapo pa kufumako awa malaika ye a ambilenga nanji, aye waichile bamingilo ya mu nzubo yanji babiji, ne mushilikale wanemekanga Lesa wa mu bonkaba bamwingilo banji.

Byubilo 8:7

Mambo bavula bajinga na bapashi babipa bafuminengamo mwi abo, kasa batama na jiwi jikatampe, ne bavula babelelenga kalepu, nangwa balemana babukilwe.

Byubilo 9:33

Wataineko muntu, jizhina janji Eneasa, walajilenga pa mwanya wanji myaka itanu na isatu, wabelelenga kalepu.

Kolose 3:11

Amo kechi muji mugiliki, nangwa muyudea, nangwa wa mukanda, nangwa wabulwa mukanda, nangwa mwenyi, nangwa mwina Sikitya nangwa muzha, nangwa mwana bene, pakuba Kilishitu ye byonse, kabiji uji mu byonse.

Kolose 4:1

Anweba bankambo yaabo, mwibobile ba kalume benu kyonka kyaoloka ne kya esakana. Byo mwayuka amba, ne anweba muji na Nkambo yenu mwiulu.

1 Timoti 6:2

Abo baji na bankambo yabo baitabila, kechi bebasuule mambo a kuuba amba, bo balongo betu ne; kana kwibengijila kyakila, mambo a kuuba amba, abo bamwenamo byawama mu mingilo yabo baitabila, kabiji bo batemwe. Funjisha bino bintu ne kwibitundaika.

Filemonyi 1:16

Pano kechi pamo nobe kalume ne, poso pamo nobe muntu wakila kalume. Ke mulongo, mutemwe wakilaamo kwi amiwa, pakuba kwi anweba ko kwine, ne kumubiji ne mwi Nkambo.