Mateo 8:15 - KNTP

¹⁵ Ne aye wamukwachile kuboko, ponkapo ne kikola kyamulekele, ne kwimana waimene ne kwingila ke ebengijile.

Mateo 8:15 Iomraidhean Croise

Mateo 14:36

Ne kumusashijila amba, bakwatengatu nangwa kunsa ya kivwalo kyanji, kabiji bonse mobavujila bakwachileeko, babukilwe ke batuntulu.

Mateo 20:34

Kabiji Yesu, wibobijile lusa, wibakwachile pa meso abo, kabiji ponkapotu ke balabe, ne kumulondela ke bamulondele.

Mateo 8:14

Kabiji Yesu pa kutwela mu nzubo yakwa Petelo, wamwene muko wanji Petelo, kasa alaala ne kubeela kikola kya mashika.

Mateo 8:16

Kabiji juba pakufika mabanga, Yesu bamuletejile bavula banonkelwe ku bademona ne aye wibapangilemo bapashi babipa mu bantu na jiwitu, ne kwibabuka bonse bakolwa.

Mateo 8:3

Ne Yesu watanyikile kuboko kwanji ne kumukwata amba, “Naswa, mubukiwe.” Kabiji ponkapotu wabukilwe ku mbumba yanji.

Mateo 9:20

Kabiji ponkapo, kwaishile mwanamukazhi kunyuma yanji, wajinga na kikola kya kupita mashi myaka jikumi na ibiji, ne aye wakwachile kunsa ya kivwalo kya Yesu.

Mateo 9:29

Ponkapo wakwachile pa meso abo ne kwamba amba, “Kimumwekele monka mwayila lwitabilo lwenu!”

Mako 1:29

Kabiji Yesu pa kulupuka mu Shinagoga pamo na baana banji babwanga, bakatwelele ne Yakoba ne Yoano mu nzubo ya ba Shimona ne Andeleo.

Mako 1:41

Ponkapo wamubijile lusa, watanyikile kuboko kwanji ne kumukwata amba, “Naswa, mubukiwe.”

Luka 8:54

Bino aye wa mukwachile pa kuboko ne kumwita amba, “Obewa mwana buuka!”