Mateo 8:12 - KNTP

¹² Bino baana bamu bufumu bakatayiwa mu mfishi ya pangye, amwa mukekala kujila ne kwisuma ku meno.”

Mateo 8:12 Iomraidhean Croise

Mateo 13:38

kabiji abwa bujimi po pano pantanda, kabiji aya nkunwa yawama, bo baana bamu bufumu, kabiji abya bincha bo baana bakwa aye mubi,

Mateo 13:42

ne kwibataya mu kisha kya mujilo, mo mukekala kujila ne kwisuma ku meno.

Mateo 13:50

batama bakatayiwa mu kisha kya mujilo, mo mukekala kujila ne kwisuma ku meno.”

Mateo 21:43

“Onkao mambo nemwambila namba, Bufumu bwa Lesa bakemwangatabo, bakebupana ku mukoka ukapanga bipangwa byabo.”

Mateo 24:51

Kabiji ukamututaula bingi, ne kumutongwela kumanyikwa pamo naba kamfutumfutu, po pakekala kujila ne kwisuma ku meno.”

Mateo 25:30

Kabiji mutayai kalume ye nabula kumwenamo mu mfishi ya pangye, mo mukekala majilo ne kwisuma ku meno.”

Luka 13:28

Amwa mukekala kujila ne kwisuma ku meno byo mukamona Abulahama ne Izaka ne Yakoba ne bonse bangauzhi mu bufumu bwa Lesa bino anweba bene kasa mwataiwa pangye.

Byubilo 3:25

Anweba mwi baana ba bangauzhi, kabiji mwi baana bamu lulayang'ano loalayang'ene naabo Lesa bashakulu benu, byo a mwambijile Abulahama amba, mu lukunwa wobe mikoka yonse ya pano pantanda ikamwenamo bibusa.

Loma 9:4

Abo bo bantu ba Lesa bu bwana bo bwabo, ne lukumo, ne Milaye ne kupana kwa Mizhilo, ne mingilo ya ku nzubo ya Lesa, ne malayang'ano, byonse byo byabo;

2 Petelo 2:17

Bano o masulo abula mema, ko kamfwa katwalwa ku kipuupu kikatampe; bo balamina kufiita kwa mfishi.

2 Petelo 2:4

Mambo umvwe Lesa wabujile kwibaleka bamalaika byo balengele mambo, bino wibatayile mu Tatalusa, ne kwibabika mu bimbo bya mfishi, na ku pepembelela kije.

Yuda 1:13

O manyaki akaji a kalunga auba ne kapofu ka bumvu bwabo, to tubangabanga tupitang'ana to balamina kufiita kwa mfishi ya myaka ne myaka.

Lumwekesho 22:15

Pangye ya muzhi paji bakabwa, ne bang'anga ba lubuko, ne ba bulalelale, ne bambanzhi, ne bapopwela bankishi, ne bonse batemwa kwamba ne kuuba bya bubela.