Mateo 7:7 - KNTP

⁷ “Lombai, kabiji mukekitambula, kebai, kabiji mukekimona, konkonshai, kabiji bakemushinkwilako.

Mateo 7:7 Iomraidhean Croise

Mateo 18:19

“Kabiji amiwa nemwambila namba, umvwe bantu babiji ba mwi anweba pano panshi baumvwang'ena kintu amba twikilombe, bakebobilakyo kwi Bataata baji mwiulu.

Mateo 21:22

Kabiji byonse byo mukasakanga mu lulombelo na lwitabilo, mukebitambula.”

Mateo 6:33

Nanchi kebeshai bufumu bwanji, ne bololoke bwanji; ne bino bintu byonse bikemubikilwapo.

Mateo 7:11

Byonkabyo umvwe anweba babi, mwayuka kupana byawama ku baana benu, nanchi aye Shenu wa mwiulu kechi akemukile mu kupana byawama kwi abo bamulomba nenyi?”

Mateo 7:8

Mambo yense ulomba utambula; ukeba naye wikimona, ukonkonsha naye, bakamushinkwilako.

Mako 11:24

Onkao mambo amiwa nemwambila namba, bintu byonse byo musaka, pa kulomba kasa mwitaba amba, twibitambula, kabiji bikekala ke byenu.

Luka 13:25

Kana mwine mwina nzubo waimana ne kushinka kibelo, ne anweba mwafika kwimana pangye ne kukonkonsha pa kinzhilo, ne kwamba amba, ‘mwane betushinkwileko!’ Ponkapo ukemukumbula anweba amba, ‘Kechi nayuka komwafuma ne!’

Luka 18:1

Kabiji aye wibatayile kishimpi mu kwibabuula amba bafwainwa kulomba moba onse ne kukooka ne.

Yoano 15:16

Anweba kechi yenu mwansalulwile ne, pakuba amiwa yami nemusalulwile anweba, ne kwimutongola, namba muyenga na kupanga bipangwa, kabiji abya bipangwa byenu bikekajikwe. Namba umvwe mukalomba kintu kwi Bataata mu jizhina jami nangwa kya byepi, bakemupakyo.

Yoano 15:7

Inge mwaikala mwi amiwa, ne byambo byami byaikala mwi anweba, lombai kyo musaka nangwa ki ka, kabiji kikemubilwa.

Yoano 4:10

Kumvwa Yesu amba, “Umvwe wajikuyuka akya kipana Lesa, ne aye ubena kukulomba amba, mpepo mema ntome inge wajikumulomba aye, aye naye inge wajikukupa mema a bumi.”

Loma 2:7

Kuboba batekanya na kuuba byawama na kukeba lukumo ne buneme ne bumbulwa kubola, ukebapa bumi bwa myaka.

Loma 3:11

kafwako wakwatakanya ne, kafwako ukeba Lesa ne.

Bahebelu 11:6

Kabiji kwa kubula lwitabilo kechi kyakonsheka kumutokesha Lesa pa muchima ne, mambo awa wiya kwi Lesa kyamufwainwa aye kwitaba amba ko aji, kabiji amba ye ufweta boba bamukeba.

Yakoba 5:15

Kabiji lulombelo lwa na lwitabilo lukamubuka aye ukolwa, ne Nkambo ukamubusha. Kabiji umvwe walengele mambo akamulekelwa.

1 Yoano 3:22

Kabiji byonse byo tulomba tutambula kufuma kwi aye, mambo tulama mikambizho yanji ne kuuba byonka bimutokesha pa muchima wanji.