Mateo 7:6 - KNTP

⁶ “Kechi mupane kyazhila ku bakabwa ne, nangwa kutaya bamangalite benu ku bankumba ne, kuchiina amba bakebanyantaula ne kwimwalukila ne kwimutabaula.”

Mateo 7:6 Iomraidhean Croise

Mateo 15:26

Kumvwa Yesu amba, “Mambo kechi kyafwainwa kwangata kajo ka baana ne kwikataya ku bakabwa ne.”

Mateo 24:10

Ne bavula baketuntula, bakesolola bene na bene, ne kwishikwa bene na bene.

Mateo 7:5

Obewa kamfutumfutu, patanshi fumya mwamba uji mu jiso jobe obewa mwine; bino umone bulongo pa kufumya ka kibalabala kaji mu jiso ja mulongo wobe.

2 kolinda 11:26

Kabiji ng'endo nayo yavula, ne mu bya lufu bya pa mikola, ne mu bya lufu bya ku tupondo, ne mu bya lufu bya ku bakwetu Bayudea, ne mu bya lufu bya ku Bangentila, ne mu bya lufu bya mu muzhi, ne mu bya lufu bya mungyetu, ne mu bya lufu bya pa kalunga kamema, ne mu bya lufu bya ku balongo betu babubela.

Filipai 3:2

Jimukai ku aba bakabwa, jimukai kwi abo boba bibi, jimukai na boba bachiba byendelwa.

Bahebelu 10:29

Pakuba anweba mwalanguluka byepi na mambo a lukabisho lukamufwainwa muntu ulengulula Mwana Lesa ne kulengulula mashi a lulayang'ano o azhijikilwamo amba, o atu kabiji umuba mwenga aye Mupashi wa Lesa wa bupe, kechi lukakijishemotu mu kukatazha nenyi?

Bahebelu 6:6

Kabiji umvwe ba pondoka! Kechi kyakosheka kwibabwezha jibiji ku lulapilo ne, mambo babena kumupopa pa musalabu jibiji Mwana Lesa, ne kumumwesha bumvu patoka.

2 Petelo 2:22

Mambo kibamwekela monka mwayila akya kishimpi kya kine amba, “Kabwa wabwela ku malashila anji mwine” ne “nkumba waowele, wabwela mukwitaka mu mateshi”.

Lumwekesho 22:15

Pangye ya muzhi paji bakabwa, ne bang'anga ba lubuko, ne ba bulalelale, ne bambanzhi, ne bapopwela bankishi, ne bonse batemwa kwamba ne kuuba bya bubela.