Mateo 7:5 - KNTP

⁵ Obewa kamfutumfutu, patanshi fumya mwamba uji mu jiso jobe obewa mwine; bino umone bulongo pa kufumya ka kibalabala kaji mu jiso ja mulongo wobe.

Mateo 7:5 Iomraidhean Croise

Mateo 22:18

Pakuba Yesu byo ayukile bubi bwa milanguluko yabo, wibambijile amba, “Mungesekela ka, anweba ba kamfutumfutu?

Mateo 7:3

Mambo ka kyo utajila ka kibalabala kaji mu jiso ja mukwenu, bino kechi ulanguluka mwamba uji mu jiso jobe obewa mwine ne?

Mateo 7:4

Nangwa wakonsha kumwambila byepi mulongo wobe amba, ‘Lekai ne mufumye ka kibalabala kaji mu jiso jenu,’ bino obewa mwine kasa uji na mwamba mu jiso jobe?

Mateo 7:6

“Kechi mupane kyazhila ku bakabwa ne, nangwa kutaya bamangalite benu ku bankumba ne, kuchiina amba bakebanyantaula ne kwimwalukila ne kwimutabaula.”

Luka 12:56

Anweba ba kamfutumfutu! Mukonsha kuyuka mwayila ntanda ne jiulu; nanchi kika kimukanya kuyuka mwayila kino kimye?”

Luka 13:15

Pakuba Nkambo wamukumbwile amba, “Anweba ba kamfutumfutu! Bonse kechi mukasulula ng'ombe wenu nangwa mbongolo wenu mu kipaka ne kumutwala ku mema mu juba ja Sabado nenyi?

Luka 4:23

Ne aye wibambijile amba, muka ng'ambila kino kishimpi amba, “Obewa ng'anga ibuke obewa mwine,” abya byo twaumvwine byo mwaubile mu Kapenama, mwibyube ne muno mu muzhi wenu.

Luka 6:42

Wakonsha kumwambila byepi mulongo wobe amba, ‘Lekai ne mufumye ka kibalabala kaji mu jiso jenu,’ bino obewa mwine kasa uji na mwamba uji mu jiso jobe? Obewa kamfutumfutu, patanshi fumya mwamba uji mu jiso jobe, bino umone bulongo pa kufumya ka kibalabala kaji mu jiso ja mulongo wobe.

Byubilo 19:15

Kumvwa aye mupashi wabiipa wibambijile amba, “Yesu namuyuka, Paulo naye namuyuka, pakuba anweba mwi bang'anyi?”