Mateo 7:15 - KNTP

¹⁵ “Jimukai ku bangauzhi ba bubela, beya ko muji mu biseba bya mikooko, kabiji munda mwabo bo bamisuka bakaji.

Mateo 7:15 Iomraidhean Croise

Mateo 10:17

Kabiji jimukai na bantu, mambo bakemufikizha ku bije, ne kwimututaula mu mashinagoga.

Mateo 16:11

Mambo ka kyo mwakankelwa kuyuka amba, kechi naji kwambang'ana mambo a bashinkwa ne? Jimukai ku mbizho ya Bafaliseo ne Basadusea.”

Mateo 16:6

Kepo Yesu ebambijile amba, “Tekanyai, kabiji jimukai ku mbizho ya Bafaliseo ne ya Basadusea.”

Mateo 24:11

Kabiji bangauzhi ba bubela bavula bakeya, ne kwibatwala mungi bavula,

Mateo 7:14

Pakuba kibelo kyakepa ne jishinda jakatazha biya ku bumi, kabiji bebimona bo bacheche.”

Luka 12:15

Kabiji wibambijile amba, “Tekanyai, ilamai ku lunkumbwa lonse, mambo bumi bwa muntu kechi buji mu kuvula kwa bintu byo a nonka ne.”

Luka 6:26

“Malwa enu anweba inge bantu bonse bamba byawama pe anweba! Mambo bashakulu babo baubilenga byonkabyo ku bangauzhi ba bubela.

Yoano 10:12

Pakuba ye bafweta, kechi kafunga ne, ne mikooko kechi yanji ne, pa kumona musuka kasa eya, wiileka mikooko, ne kunyema, ne musuka wiikwata, ne kwiipalang'anya.

Byubilo 13:40

Byonkabyo jimukai, kuchiina amba akya kyo ba ambile bangauzhi kya kemufikila amba,

Byubilo 13:6

Bapichile mu jikuji jonse kufika ne ku Pafosa, kobasambakene muyudea wa bingelekezha, ngauzhi wa bubela, jizhina janji Balayesu.

Ngalatiya 2:4

bino kwajinga bamo basakile amba kyafwainwe kubiwa, balongo ba bubela batwelele kumbaji bonka befwanyikizhatu nobe balongo betu mwi Nkambo, mambo a kusakatu kumona byotwaikala mu bwana bwa bene botuji naabo mwi Kilishitu Yesu amba, betutwale mu buzha.

Efisesa 4:14

Amba kechi tukikale banyike ne, kasa tukumpaulwa ne kulelaulwa na luvula lonse lwa mafunjisho a bantu mu bujimuku bubi, bo bebajimukila bantu mu kwibatwala mungi.

Efisesa 5:6

Kechi muleke muntu emujimbaike na byambo byatu ne, mambo na mambo a byonka bino bintu bukaji bwa Lesa bukebafikila bantu bamilengulwila.

Filipai 3:2

Jimukai ku aba bakabwa, jimukai kwi abo boba bibi, jimukai na boba bachiba byendelwa.

Kolose 2:8

Jimukai kuchiina amba, bakemukwata buzha ku muntu nangwa umo na buntemwa maana bwanji, monka mwayila lufunjisho lwatu lwa bantutu, mwayila bya bwanyike bya pano pantanda, kechi mwayila Kilishitu ne.

2 Timoti 3:13

Kabiji bantu baatama ne ba bujimbijimbi bakayangatu na kutama, kasa bajimbaika ne kujimbaikwa.

2 Timoti 4:3

Mambo kimye kikeya kyo bakabula kuswa mafunjisho alumbuluka, bino byo baji na matwi ababana, bakavuzha bafunjishi babo abo bene monka mwayila bya kusakasaka byabo.

2 Petelo 3:17

Onkao mambo, anweba batemwe, byo mwayukila jimo bino bintu jimukai, mwakatwalwa mungi na mafunjisho angi a bampupabizhila ne kufuma pomwaina pa kosa.

1 Yoano 4:1

Anweba batemwe kechi mwitabe mipashi yonse ne, ipimai mipashi kana yafuma kwi Lesa, mambo bangauzhi ba bubela bavula bapalang'ena pano pantanda.

Yuda 1:4

Mambo kobaji bantu bamo batwela mwi anweba bufyamfya, bonkaba bo banembejile jimo kala amba batongwelwa luno luzhachisho, babula kwakamwa Lesa, kasa baalula bupe bwa Lesa wetu ke mwakuubila bya bunya, ne kukana Mfumu wetu yenkawa umotu, aye Nkambo Yesu Kilishitu.

Lumwekesho 16:13

Ponkapo namwene mu kanwa ka nsung'unyi, ne mu kanwa ka awa lukinyama, ne mu kanwa ka awa ngauzhi wa bubela, ke mulupuke mipashi yabiipa isatu nobe ma bombwe.

Lumwekesho 17:6

Kabiji namwene awa mwanamukazhi kasa apendwa na mashi a bazhijikwa, ne mashi a batumonyi ba Yesu. Kabiji pa kumumona nakuminye na kukumya kukatampe.

Lumwekesho 19:20

Ne aye lukinyama wakwachilwe, ne aye ngauzhi wa bubela naye pamo, yenkawa waubilenga biyukilo ku meso anji. Byo ajimbaikilengako aba batambwile kayukilo kayewa lukinyama ne aba bapopwejilenga kipashang'ano kyanji. Abo bonse babiji baelelwe bomi mu kizhiba kya mujilo uteema na kibiliki.

Lumwekesho 20:10

Ne aye Diabola, yenkawa wibajimbaikile, waelelwe mu kizhiba kya mujilo ne kibiliki, monka muji aye lukinyama ne aye ngauzhi wa bubela ne abo bakamanyikwanga mute ne bufuku myaka ne myaka.