Mateo 6:25 - KNTP

²⁵ “Onkao mambo kyokyo nemwambila namba, kechi mubambishe muchima na mweo wenu na byomukaja, nangwa nabyo mukatoma; nangwa na bivwalo bya mibiji yenu ne. Nanchi mweo kechi wakila kajo nenyi? Ne mubiji kechi wakila bivwalo nenyi?

Mateo 6:25 Iomraidhean Croise

Mateo 10:19

Kabiji byo bakemufikizha konka, kechi mukabambishishe jimo michima yenu amba, tusakukaamba amba ka, nangwa amba, tusakukaamba byepi ne; mambo kikemupewa mu kyonkakya kimye kyo mukamba.

Mateo 13:22

Ne awa wakushiwa nkunwa ya mu miba, ye yewa umvwa mambo, kabiji bya kutabataba bya pano pantanda, ne bujimbijimbi bwa bunonshi, bipaya aa mambo, ne kupanga bipangwa ne.

Mateo 6:31

“Byonkabyo kechi mubambishe michima yenu amba, Leelo tusakuja ka? Nangwa amba, Leelo tusakutoma ka? Nangwa amba, leelo tusakuvwala ka?

Mateo 6:34

Byonkabyo kechi mubambishe michima yenu na ja kesha ne; mambo ja kesha jine jikebambisha na byajo. Bibi bya leelo bijiwaina leelo.”

Mako 13:11

Kabiji byo bakemutwala ne kwimufikizha konka, ku bambishisha jimo michima yenu nabyo mukamba ne, pakuba kyonkakya kikemupewa mu akya kimye kyokyo mukamba, mambo kechi yenu mukamba ne, poso Mupashi Wazhila.

Mako 4:19

bino bya kusakasaka bya pano pantanda ne bya bujimbijimbi bwa bunonshi, ne kusakasaka kwa bintu bikwabo, pa kutwela bipaya aa mambo ne kupanga bipangwa ne.

Luka 12:11

“Kabiji byo bakemuleeta mu mashinagoga, ne ku bandamakyalo, ne ku ba luusa, kechi mukakamwe amba, leelo tusakwibakumbula byepi, nangwa amba tusa kwamba ka, ine.

Luka 8:14

Pakuba aya yaponejile mu miba, bo boba bomvwa, bino pa kuya mu jishinda jabo be batatankanya na bya kusakasaka ne bya bunonshi ne bya lusekelo bya mu buno bumi, ne bipangwa byabo kechi bikoma ne.

Loma 8:32

Aye wabujile kukana kupana Mwananji mwine, kabiji wamupaine na mambo a atweba bonse, akabule byepi kwitupatu bintu byonse pamo byonka byo etupeleye?

1 Kolinda 7:32

Bino amiwa nasaka namba anweba kechi mwikale na bya kwimutabankanya ne. Awa wabula kusongola uta muchima wanji ku mwingilo wa Nkambo, amba amutokeshe Nkambo pa muchima.

Filipai 4:6

Kechi mubambishe michima yenu nangwa mu kintu kimo ne, pakuba mu bintu byonse kasa musolola kwi Lesa byo musaka monka mu milombelo, ne mu misashijilo ne mukuuba sante pamo.

2 Timoti 2:4

Kafwako mushilikale wikasankanya na bya kutabataba bya mu buno bumi ne, mambo usaka kumutokesha pa muchima aye wamunembele bushilikale.

1 Petelo 5:7

Kasa mutaya kijikila kyenu kyonse pe aye, mambo aye wimuta muchima.