Mateo 6:2 - KNTP

² “Kabiji byonkabyo pa kupana bya bupe, kechi wimbe ntolompita palutwe yobe byo boba ba kamfutumfutu mu mashinagoga ne mu mikwakwa, amba bantu betutote. Kine amiwa nemwambila namba batambwila jimo mfweto yabo.

Mateo 6:2 Iomraidhean Croise

Mateo 15:7

Anweba ba kamfutumfutu! Nanchi kine Isaya wimwambijile bulongo amba!”

Mateo 16:3

Ne lukeelo amba, leelo kuji mvula, mambo jiulu jachila ne kufinda. Mwayuka kutolela maana ku jiulu, kabiji biyukilo bya ino myaka kechi mwibiyuka ne.

Mateo 22:18

Pakuba Yesu byo ayukile bubi bwa milanguluko yabo, wibambijile amba, “Mungesekela ka, anweba ba kamfutumfutu?

Mateo 23:5

Kabiji mingilo yabo yonse beyuba amba, bebamone ku bantu. Kabiji babayisha mfilaketele yabo, ne kunungulula mikonko ya bivwalo byabo!

Mateo 23:6

Bebitemwa bifulo bya buneme ku bijiilo, ne bipona bya buneme mu mashinagoga,

Mateo 24:51

Kabiji ukamututaula bingi, ne kumutongwela kumanyikwa pamo naba kamfutumfutu, po pakekala kujila ne kwisuma ku meno.”

Mateo 5:18

Mambo kine amiwa nemwambila namba, poso jiulu ne ntanda bikapite, kafwako nangwa kajilembo kamo nangwa kakinshabu kamo ka mu mizhilo kakapita ne, poso byonse bikafike.

Mateo 6:16

“Kabiji pa kuzhikilwa na nzala, kechi mwikale na bilungi bya bulanda byonka byo boba ba kamfutumfutu ne. Mambo abo baalula bilungi byabo ke bingi amba, bantu bebamone amba bazhikilwa na nzala. Kine nemwambila namba, batambwila jimo mfweto yabo.

Mateo 6:3

Kabiji obewa pa kupana bya bupe, kuboko kobe kwa ku kipiko kechi kuyuke kyo kuuba kwa ku kilujo ne.

Mateo 6:5

“Kabiji pa kulomba, kechi mupashang'ane naba kamfutumfutu ne. Mambo abo batemwa kwimana na kulomba mu mashinagoga ne ku mansanga a mikwakwa amba tumweke ku bantu, kine nemwambila namba, batambwila jimo mfweto yabo.

Mateo 7:5

Obewa kamfutumfutu, patanshi fumya mwamba uji mu jiso jobe obewa mwine; bino umone bulongo pa kufumya ka kibalabala kaji mu jiso ja mulongo wobe.

Mako 12:39

ne kutemwa bipona bya buneme mu mashinagoga, ne bifulo bya buneme ku bijiilo,

Mako 7:6

Kumvwa aye wibakumbwile amba, “Isaya wimwambijile bulongo anweba ba kamfutumfutu amba! “‘Bano bantu bannemekatu amiwa na byatunwa byabo, pakuba michima yabo iji kwalepa ne amiwa.

Luka 11:41

Bino panai ku balanda abya biji mukachi, kabiji ponkapo byonse bisakutoka kwi anweba.”

Luka 11:43

“Malwa enu anweba Bafaliseo! Mambo mwatemwa bipona bya buneme bya mu mashinagoga, ne lwimu lwa pa bisankanyi.

Luka 12:33

Kapoteshai byo muji naabyo, ne kupana ku balanda. Imwenai bafukuta babula kufwa, ne nsabo ya mwiulu ibula kupwa, mo mu bula kufika ngivi, nangwa kilongolo kechi kyonauna ne.

Luka 12:56

Anweba ba kamfutumfutu! Mukonsha kuyuka mwayila ntanda ne jiulu; nanchi kika kimukanya kuyuka mwayila kino kimye?”

Luka 13:15

Pakuba Nkambo wamukumbwile amba, “Anweba ba kamfutumfutu! Bonse kechi mukasulula ng'ombe wenu nangwa mbongolo wenu mu kipaka ne kumutwala ku mema mu juba ja Sabado nenyi?

Luka 20:46

“Jimukai na banembeshi, batemwa kupitang'ana mu mikangyo yalepa, ne kutemwa lwimu mu bisankane, ne bipona bya buneme mu mashinagoga, ne bifulo bya buneme ku bijiilo;

Luka 6:24

“Bino malwa enu anweba banonshi; mambo mwatambwila jimo lutekenesho lwenu!

Luka 6:42

Wakonsha kumwambila byepi mulongo wobe amba, ‘Lekai ne mufumye ka kibalabala kaji mu jiso jenu,’ bino obewa mwine kasa uji na mwamba uji mu jiso jobe? Obewa kamfutumfutu, patanshi fumya mwamba uji mu jiso jobe, bino umone bulongo pa kufumya ka kibalabala kaji mu jiso ja mulongo wobe.

Yoano 13:29

Pakuba byo ajinga nafukuta wa mali, aye Yudasa, bamo balangulukile amba, Yesu wamwambijile amba, akapote byo basakile bya kijiilo, nangwa amba, akebape bintu balanda.

Yoano 5:41

“Amiwa kechi mbena kukeba kutambula buneme ku bantu ne.

Yoano 5:44

Nanchi mwakonsha byepi kwitabila, byo mwinemeka anweba bene na bene, ne kusaka buneme bufuma kwi Lesa yenka awa umo ne?

Yoano 7:18

Aye wambila mu luusa lwanji mwine ukeba lukumo lwanji mwine. Pakuba awa ukeba lukumo lwa yewa wamutuma ye wa kine, kechi uji na bujimbijimbi ne.

Byubilo 10:2

Aye wanemekanga ne kumwakamwa Lesa pamo naba mukisemi kyanji bonse, kabiji wapainenga bya bukwasho byavula ku bakajilwa, ne kulomba kwi Lesa moba onse.

Byubilo 10:31

wang'ambijile amba, Koneleusa, milombelo yobe yaumvwanyika, kabiji aye Lesa wamona ne bya bupe byobe byoukwasha balanda.

Byubilo 10:4

Ne aye pakumutajisha wa umvwine moyo ne kwamba amba, “Amba ka Nkambo?” Kumvwa aye amba, “Milombelo yobe ne bya bupe byobe ku balanda byafika kwi Lesa, ke bya kukuvulukilako.

Byubilo 11:29

Byonkabyo baana babwanga bapwishishe mu michima yabo amba bonse pa muntu pa muntu, monka mo akonshesha kuuba muntu, tutume bya bupe bya kwibakwasha bakwetu bekala mu Yudea.

Byubilo 24:17

Bino pakupita myaka yavula, naishile na kuleeta bya bupe ku balanda bamu mukoka wami, ne kupana milambo.

Byubilo 9:36

Kabiji mu Yopa mwajinga mwana wabwanga umo wamukazhi, jizhina janji Tabita, (pa kulumbulula ko kuuba amba Dokasi.) Aye wavujile mingilo yawama ne kupana bya bupe byavula ku balanda.

Loma 12:8

nangwa utundaika na byambo, naye ateshe muchima mu kutundaika kwanji. Aye upana na kukwasha bakwabo, apanetu na muchima yense; aye ulama bantu, naye ateshekotu muchima; aye uba lusa, naye obe lusa na lusekelo.

1 Kolinda 13:3

Nangwa mpane bintu byami byonse byonji naabyo, ne kupana mubiji wami namba asokwe, umvwe ne kwikala na butemwe ne, kechi mmwenamo kintu ne.

Ngalatiya 2:10

Kabiji basakile kino kyonka amba, mwibavuluke balanda; kyonka kintu kyo nateshesheko muchima kwikyuba amiwa mwine.

Efisesa 4:28

Awa wiba kechi ebe jibiji ne, kana engile kyakosa kasa engila na maboko anji kintu kyawama, amba amwenemo bya kupana kwiyewa wakajilwa.

Tesalonika 2:6

Nangwa kukeba kutumbijikwa ku bantu ne, nangwa kwi anweba nangwatu ku bakwabo ne,

1 Timoti 6:18

Bafwainwa kuuba byawama, ne kwikala banonshi bamu mingilo yawama, bekale bampanyi bepana mu kukwashang'ana.

Filemonyi 1:7

Mambo namwene lusekelo lukatampe ne kutundaikwa na butemwe bwenu anweba batemwe. Mambo akwikizha michima ya bazhijikwa kwi anweba mulongo wami.

Bahebelu 13:16

Kechi muvulame kuuba byawama, ne kukwasha bakajilwa ne, mambo bitapisho bya byonka bino byo bimutokesha Lesa pa muchima.

1 Petelo 4:11

Awa wamba, ambe kyafwainwa byambo bya Lesa; awa wingila engile na bulume boapana Lesa, amba mu byonse aye Lesa atumbijikilwe monka mwi Yesu Kilishitu, kwi aye kwikale lukumo ne bulume myaka ne myaka. Amena.