Mateo 6:16 - KNTP

¹⁶ “Kabiji pa kuzhikilwa na nzala, kechi mwikale na bilungi bya bulanda byonka byo boba ba kamfutumfutu ne. Mambo abo baalula bilungi byabo ke bingi amba, bantu bebamone amba bazhikilwa na nzala. Kine nemwambila namba, batambwila jimo mfweto yabo.

Mateo 6:16 Iomraidhean Croise

Mateo 6:1

“Jimukai! Kechi mube byaoloka byenu ku meso a bantu amba betumone ne. Abyo kechi mu mwenemo mfweto kwi Shenu wa mwiulu ne.”

Mateo 6:2

“Kabiji byonkabyo pa kupana bya bupe, kechi wimbe ntolompita palutwe yobe byo boba ba kamfutumfutu mu mashinagoga ne mu mikwakwa, amba bantu betutote. Kine amiwa nemwambila namba batambwila jimo mfweto yabo.

Mateo 6:5

“Kabiji pa kulomba, kechi mupashang'ane naba kamfutumfutu ne. Mambo abo batemwa kwimana na kulomba mu mashinagoga ne ku mansanga a mikwakwa amba tumweke ku bantu, kine nemwambila namba, batambwila jimo mfweto yabo.

Mako 2:18

Ne baana babwanga ba kwa Yoano ne Bafaliseo bazhikijilwenga na nzala. Ne bantu baishile ne kumwipuzha amba, “Leelo nanchi mambo ka baana babwanga bakwa Yoano ne baana babwanga ba Bafaliseo bazhikilwa na nzala, pakuba baana benu babwanga kechi bazhikilwa na nzala ne?”

Luka 18:12

Amiwa nzhikilwa na nzala jibiji mu mulungu umo, ndambula bifikizha mu bujikumi mu byonse byo mmona.’

Luka 2:37

kabiji aye wajinga mwanamukazhi wafwilwa myaka makumi atanu ne makumi asatu ne myaka ina, kechi wafumanga mu nzubo ya Lesa ne, kasa apopwela Lesa na kuzhikilwa na nzala ne kulomba bufuku ne mute.

Byubilo 10:30

Kumvwa aye Koneleusa wa ambile amba, “Ke moba ana apitapo, kabiji pa kyonka kino kimye, byo nalombelenga mu nzubo yami mu kimye kya milombelo po pa kulemba juba, kabiji ponkapo muntu waimene kwi amiwa kasa avwala byabembela,

Byubilo 14:23

Kabiji byo bebatongwejile bakulumpe mu bipwilo byonse, na kulomba ne kuzhikilwa na nzala, bebafikizhe kwi Nkambo ye baitabijile.

1 Kolinda 7:5

Kechi mwitane anweba bene na bene ne, poso mwaumvwang'ana kimye kimo amba mwipane mu milombelo; kabiji mukasambakane jibiji kuchiina amba, Satana wakemweseka mambo a kubula kwikanya kwenu.

2 kolinda 11:27

Ne mu mingilo yakosa ne mu ya kumanama, ne mu kutong'ama kwavula, ne mu nzala ne mu kilaka, ne mu kuzhikilwa na nzala kwavula, ne mu mashika ne bwamba.

2 kolinda 6:5

Ne mu bipumo, ne mu bukaili, ne mu biwowo, ne mu mingilo yakosa, ne mu bya kutong'ama ne mu kukajilwa kajo.