Mateo 6:13 - KNTP

¹³ Kabiji kechi mwitutwale mu lweseko ne, mwitupokolole kwi yewa mubi.”

Mateo 6:13 Iomraidhean Croise

Mateo 26:41

Labainga ne kulomba, kuchiina amba mwakatwela mu lweseko. Kine muchima waswa, pakuba mubiji wanekena.”

Mateo 28:20

ne kwibafunjisha balamenga byonse byo nemukambizhizhe. Kabiji talai, amiwa nji nenu moba onse, kufika ne ku juba jikapelaako.”

Mateo 5:37

Nanchi kwamba kwenu kwikaletu amba, ‘Ee, Ee;’ nangwa, ‘Ine, Ine,’ mambo kyakila kwamba pa bibye, kifuma ku bubi.

Mateo 6:10

Bufumu bwenu bufike. Kyaswa muchima wenu kyubiwe pano panshi, byonka byo kyubiwa mwiulu.

Yoano 17:15

Kechi nalomba namba mwibafumye pano pantanda ne, poso namba mwibalame kwi yewa mubi.

1 Kolinda 10:13

Kafwako lweseko lwimufikila lo babula kumona bantu bakwabo ne. Mambo Lesa ye wakishinka kechi ukemuleka amba, mumone lweseko lwakila pa bulume bwenu ne, bino mu lweseko ukemumwena jishinda ja kupulukilamo, amba mumone mwa kwilukonshesha.

1 Kolinda 14:16

Umvwe mwasanta na mupashi, awa mwenyi ye muji nanji ukamba byepi amba “Amena” pa kusanta kwenu byo abula kuyuka byo mwa amba?

2 kolinda 1:20

Mambo milaye ya Lesa, yonse yaikajikwa mwi aye. Onkao mambo mwi aye momo twambila namba, “Amena” mu kumuletela lukumo aye Lesa.

Ngalatiya 1:4

Ye wipaine mwine na mambo a bubi bwetu, mu kwitupokolola ku bya pano pantanda pa katataka pabiipa, monka mwayila muchima wa Lesa Taata wetu.

Tesalonika 1:10

ne kutengela Mwananji kufuma mwiulu, ye asangwile mu bafu, yenka Yesu ye witupokolola ku bukaji bukeya.

2 Tesalonika 3:3

Bino Nkambo ye wakishinka, kabiji ukemukosesha bulongo ne kwimulamwina kwi aye mubi.

1 Timoti 1:17

Pano kwi aye Mfumu wa myaka, ubula kufwa, ubula kumweka, yenkaye Lesa, kwikale buneme ne lukumo myaka ne myaka. Amena.

Bahebelu 11:36

Bakwabo nabo be bamanyikile na kwibendeleka ne kwibapuma na bikote, ne na mfungwa ne mu tuleya.

1 Petelo 5:8

Tekanyai, mulabenga ne kukenkenta, mulwanyi wenu Diabola nobe bokwe ubuluma, upitang'ana na kusaka wa kuja.

2 Petelo 2:9

Aye Nkambo wayuka bya kwibapokolola banemeka Lesa mu lweseko, ne kwibalama babula koloka mu lukabisho, kupembela juba ja kije,

1 Yoano 3:8

Awa utwajijila na kulenga mambo ye wa kwa Diabola, aye Diabola ye ndengamambo kufumatu ne ku ntendekelo. Onkao mambo Mwana Lesa kyokyo amwekejile amba onaune mingilo ya kwa Diabola.

Lumwekesho 1:18

Ne wa bumi! Bino nafwiile, kabiji tala, ne mumi wa myaka ne myaka, kabiji nji na bakii ba lufu ne ba kalunga ka bafu.

Lumwekesho 19:1

Pakupita bibye naumvwine nobe jiwi jikatampe ja jibumba jikatampe mwiulu, amba, “Aleluya! Lupulukilo, ne lukumo, ne bulume byo bya kwa Lesa wetu!

Lumwekesho 19:4

Ponkapo abo bakulumpe makumi abiji na bana ne aba bomi bana balambile panshi ne kupopwela Lesa waikala pa jitanda amba, “Amena! Aleluya!”

Lumwekesho 2:10

Kechi wakamwe byo waya umaname ne. Umvwai! Aye Diabola waya emutaye anweba bamo mu kaleya amba mwesekwe, kabiji mukamona bya malwa moba jikumi. Wikale wakishinka kufika ne ku lufu, ne amiwa nkakupa munchinya wa bumi.”

Lumwekesho 21:4

Kabiji aye ukashiimuna mipolo yonse ku meso abo. Ne lufu kechi lukekalako jibiji ne, nangwa mabingo, nangwa kujila, nangwa misongo kechi bikekalako jibiji ne. Bintu bitanshi byazhimang'ana.”

Lumwekesho 3:10

Byo wakookejile mukambizho wami wa kutekanya, ne amiwa nkakulama ku kyokya kimye kya lweseko, kyonkakya kikeeya pano pantanda ponse, kya kwibeseka bonse bekala pano pantanda.

Lumwekesho 3:14

“Kabiji kwi aye malaika wa mu kipwilo kya mu Laodikea unembe amba: “Aye Amena, kamonyi wakishinka ne wa kine, ye ntendekelo ya bilengwa bya Lesa, wa amba bino amba,

Lumwekesho 5:13

Ne bilengwa byonse biji mwiulu, ne pano pantanda, ne munshi ya ntanda, ne pa kalunga ka mema, ne byonse byumi, nebyumvwine kasa byamba amba, “Kwi aye waikala pa jitanda, ne kwi aye Mwana Mukooko, kwikale lutakaiko, ne buneme, ne lukumo, ne bulobo, myaka ne myaka!”