Mateo 6:1 - KNTP

¹ “Jimukai! Kechi mube byaoloka byenu ku meso a bantu amba betumone ne. Abyo kechi mu mwenemo mfweto kwi Shenu wa mwiulu ne.”

Mateo 6:1 Iomraidhean Croise

Mateo 16:27

Mambo Mwana Muntu ukeya mu lukumo lwa ba Shanji na bamalaika banji, po po akafweta muntu yense monka mwayila mingilo yanji.

Mateo 16:6

Kepo Yesu ebambijile amba, “Tekanyai, kabiji jimukai ku mbizho ya Bafaliseo ne ya Basadusea.”

Mateo 23:13

“Pano malwa enu, anweba banembeshi ne Bafaliseo, ba kamfutumfutu! Mambo mwibashinkila bantu ku bufumu bwa mwiulu, mambo kechi mutwela anweba bene ne, nangwa kwibaleka basaka kutwela amba batwele ne.”

Mateo 23:5

Kabiji mingilo yabo yonse beyuba amba, bebamone ku bantu. Kabiji babayisha mfilaketele yabo, ne kunungulula mikonko ya bivwalo byabo!

Mateo 25:40

Kabiji Mfumu pa kwibakumbula, ukebambila amba, ‘Kine nemwambila namba, monka mo mwamubijile umo wapelaako wa bano balongo bami, mo mwangubile ne amiwa.’

Mateo 5:16

Byonkabyo kyeya kyenu kimweke ku meso a bantu; bamone mingilo yenu yawama, ne kumutumbijika Shenu uji mwiulu.”

Mateo 5:46

Kabiji umvwe mwibatemwatu bonka bemutemwa, mumwenamo ng'anyi mfweto? Basonkeshi nabo kechi boba byonkabyo nenyi?

Mateo 5:48

Byonkabyo mwikale balumbuluka, byonka byo alumbuluka Shenu wa mwiulu.”

Mateo 6:16

“Kabiji pa kuzhikilwa na nzala, kechi mwikale na bilungi bya bulanda byonka byo boba ba kamfutumfutu ne. Mambo abo baalula bilungi byabo ke bingi amba, bantu bebamone amba bazhikilwa na nzala. Kine nemwambila namba, batambwila jimo mfweto yabo.

Mateo 6:9

Byonkabyo kasa mulomba byonka bino amba, “Taata wetu wa mwiulu, jizhina jenu jizhile.

Mako 8:15

Ne aye wibambijile amba, “Tekanyai, kabiji jimukai ku mbizho ya Bafaliseo ne mbizho ya kwa Heloda.”

Luka 11:35

Onkao mambo ujimuke apo akya kyeya kiji mobe yo mfishi.

Luka 12:1

Pa kyonka kino kimye mabumba a biumbi bya bantu bavula, ba kuuba ke benyantaule bene na bene, aye Yesu patanshi watatwile kwibambila baana banji babwanga amba, “Anweba jimukai ku mbizho ya Bafaliseo, ayo bo bukamfutumfutu.

Luka 12:15

Kabiji wibambijile amba, “Tekanyai, ilamai ku lunkumbwa lonse, mambo bumi bwa muntu kechi buji mu kuvula kwa bintu byo a nonka ne.”

Luka 16:15

Ne aye wibambijile amba, “Anweba mwi boba bebingisha abo bene ku meso a bantu, bino Lesa wayuka michima yenu. Mambo akya kyanemekwa ku bantu kyokya bunya ku meso a Lesa.”

Yoano 12:43

Mambo batemenwe buneme bwa ku bantu kukila lukumo lwa kwi Lesa.

Yoano 5:44

Nanchi mwakonsha byepi kwitabila, byo mwinemeka anweba bene na bene, ne kusaka buneme bufuma kwi Lesa yenka awa umo ne?

Byubilo 3:12

Petelo byo ekimwene, wa ambijile bantu amba, “Anweba bena Isalela, mambo ka kyomwakuminya kino kintu, kabiji mubena kwitutajiisha atweba, nobe atweba bene twamwendesha ku bulume bwetu nangwa na kunemeka Lesa kwetu?

Ngalatiya 6:12

Bantu bavula basaka kwimukanjikizha amba mutambule mukanda, na mambo a kuchiina kupatwa pa mambo a musalabu wa Kilishitu.

Bahebelu 11:26

Walangulukile amba matuka a kutukilwa pe Kilishitu awama kukila kuwama kwa bunonshi bwa Ijipita, mambo watajile ku mfweto ya kulutwe yo akafwetwa.

Bahebelu 2:1

Onkao mambo twafwainwa kuteshakotu muchima ku abya bintu byo twaumvwine, kuchiina amba twakakumpuka.

Bahebelu 6:10

Mambo Lesa kechi wabula koloka amba avulame mwingilo wenu ne butemwe bo mwijimwesha jizhina janji byo mwibengijilenga bazhijikwa banji ne. Bino ne pano mukibengijila byonkabyo.

2 Yoano 1:8

Kasa mwikenkenta anweba bene, kuchiina amba mwakataya abya bintu byotwaingijile, mukatambule mfweto yonse.