Bino temwai balwanyi benu, ne kwibobila byawama, kabiji panai kwakubula kuketekela kutambulako nangwa kimo ne, ne mfweto yenu ikekala ikatampe, kabiji mukekala ke baana ba Mwine Wakila, mambo aye wibobila lusa babula kusanta ne babi.
Kabiji mwayila mambo a babula mu masongola kechi nji na mukambizho wa Nkambo ne, bino naamba mo nalangulukila byonji muntu wa kishinka waubilwa lusa kwi aye Nkambo.
Kabiji kasa mwiubila lusa anweba bene na bene, mwikale ba michima yanekena, ne kwilekela mambo anweba bene na bene, byonka byo emulekejile mambo aye Lesa mwi Kilishitu.
nangwa kala amiwa najinga wa mwenga, wa lupato kabiji washiinta. Bino nangwa byonkabyo namwene lusa, mambo nebyubile mu bulubi monka mu kubula kwitabila kwami.
na onka ano mambo kyo namwenejile lusa, amba monka mwi amiwa, byo nji mwine wakilamo kulenga mambo, Kilishitu Yesu amwesheshemo kukooka muchima kwanji konse, ngikale wa kumwenako bonse bakamwitabila mu kumona bumi bwa myaka.
Onkao mambo nanchi tufwenye kwipi konka ku jitanda ja bupe kasa twachinchika. Amba tutambule lusa ne kumona bupe bwa kwitukwasha mu kimye kya kupelelwa kwetu.
Mambo Lesa kechi wabula koloka amba avulame mwingilo wenu ne butemwe bo mwijimwesha jizhina janji byo mwibengijilenga bazhijikwa banji ne. Bino ne pano mukibengijila byonkabyo.
Pakuba maana afuma mwiulu, patanshi oa wamishatu, kabiji oa mutende, oa kooka, oa peela kusanshijilwa, oa yula lusa ne bipangwa byawama, oa bula misalululo, oa bula bujimbijimbi.
