Mateo 5:6 - KNTP

⁶ Baumvwa nzala ne kilaka kya kusakisha bololoke bo batokwa; mambo bakekuta!

Mateo 5:6 Iomraidhean Croise

Luka 1:53

Baji na nzala wibekusha na bintu byawama, ne banonshi wibemanya mabokotu.

Luka 6:21

Mwatokwa anweba mwaumvwa nzala pano, mambo mukekuta! Mwatokwa anweba mujila pano, mambo mukaseka!”

Luka 6:25

Malwa enu anweba mwaikuta pa kino kimye; mambo mukafwa nzala! Malwa enu anweba mubena kuseka pa kino kimye; mambo mukooba bulanda ne kujila!

Yoano 4:14

pakuba awa ukatoma mema o nkamupa amiwa, kechi ukomvwa kilaka myaka ne myaka ne. Mambo aa mema o nkamupa akaaluka munda mwanji ke nsulo ya mema, kasa atupauka ne ku bumi bwa myaka.”

Yoano 6:27

Kechi mwingijile kajo konaika ne, pakuba ingijilai kajo kakelwa ne ku bumi bwa myaka ko akemupa Mwana Muntu. Mambo aye bamubikile kayukilo kwi Shanji, yenka Lesa.”

Yoano 7:37

Mu juba japeleleko, jo jajinga jikatampe ja kijiilo, Yesu waimene ne kubijika amba, “Inge muntu waumvwa kilaka, eye kwi amiwa atome.

Lumwekesho 7:16

Kechi bakomvwa nzala jibiji ne, nangwa kumvwa kilaka ne, ne mute nangwa kyuya kechi bikebakatazha ne,