Mateo 5:30 - KNTP

³⁰ Kabiji umvwe kuboko kobe kwa ku kilujo kwa kulengesha kulenga mambo wikuchibeko ne kwikutaya! Mambo kyakuwamina umvwe kimo kya mubiji wobe kyaonaika, kukila mubiji wobe yense kuya mu Ngehena.

Mateo 5:30 Iomraidhean Croise

Mateo 11:6

Kabiji watokwa awa wabula kumona kya kwituntulako mwi amiwa!”

Mateo 13:21

nanchi kechi baji na mizhazhi mwi abo ne, bakoselamo pacheche, kabiji pakumweka bya malwa nangwa bya kupatwa na mambo a ano mambo, ponkapo betuntula.

Mateo 16:23

Pakuba aye wa alulukile ne kumwambila Petelo amba, “Fuma kwi amiwa Satana! Mambo obewa milanguluko yobe kechi yaimana pa bintu bya Lesa ne, poso ku bya bantu.”

Mateo 17:27

Byonkabyo, kuchiina amba, twakebatuntwisha, yainga ku kizhiba, mukatayemo kanda mu mema ne jisabi jitanshi jo musakuloba mwijishikule, ne pa kwijasamika kanwa musakutanaamo jali, mwijangatemo mupane musonko wami ne wenu.”

Mateo 18:8

Kabiji umvwe kuboko kobe nangwa kuulu kobe kwa kulengesha kulenga mambo, wikuchibeko wikutaye, kyakuwamina kukatwela mu bumi na bulema bwa kuboko nangwa na kusunkuta, bino kyatama kutayiwa na maboko abiji nangwa na maulu abiji mu mujilo wa myaka.

Mateo 22:13

Ponkapo mfumu wibambijile bamwingilo banji amba, mukasai ku maboko ne ku maulu, mumutaye mu mfishi ya pangye. Mo mukekala majilo ne kwisuma ku meno.

Mateo 25:20

Ne aye watambwile matalenta atanu, pa kwiya waletele akwabo atanu amba, ‘Nkambo mwampele matalenta atanu talai, namwenamo matalenta akwabo atanu.’

Mateo 26:31

Ponkapo Yesu wibambijile amba, “Bufuku bwa leelo anweba bonse musakwituntula pe amiwa, mambo kyanembwa amba, ‘Nkepaya kafunga, ne kisaka kya mikooko kikapalang'ena mungye.’

Mateo 5:22

Pakuba amiwa nemwambila namba, awa wamubukila bukaji mulongo wanji, aye naye wafwa nao a kuletwa mukije, kabiji awa wa mwambila mulongo wanji amba, wakosama, aye naye wafwa nao a kuletwa mukije kikatampe, pakuba awa wa amba bya kufing'ana wafwa nao a kutayiwa mu Ngehena ya mujilo.

Mateo 5:29

Kabiji umvwe jiso jobe ja ku kilujo jakulengesha kulenga mambo, wijilobolemo ne kwijitaya! Mambo kyakuwamina umvwe kimo kya mubiji wobe kyaonaika, bino mubiji wobe yense kutayiwa mu Ngehena ne.

Mako 9:43

Kabiji umvwe kuboko kobe kwa kulengesha kulenga mambo, wikuchibeko! Mambo kyawama kutwela mu bumi na bulema kukila kwikala na maboko abiji ne kuya mu Ngehena, mu mujilo ubula kuzhima.

Luka 12:5

Nanchi nsa kwimubuula ye mwafwainwa kuchiina. Chiinai yewa uba pa kupwisha kwipaya, uji na luusa lwa kutaya mu Ngehena. Kine nemwambila namba, muchiinai aye!”

Luka 17:2

Kyamufwainwa aye kumukashila jibwe ja kupelapo mu nshingo yanji ne kutayiwa mu kalunga ka mema kukila kulengela kamo ka mutuno twana twa tucheche kwitutuntwisha.

Loma 9:33

monka mo kyanembelwa amba, “Talai, natuula mu Ziona jibwe ja kwituntulako ne mukunko wa kwibaponeshako. Kabiji awa wamwitabila aye kechi ukamona bumvu ne.”

1 Kolinda 8:13

Na onkao mambo, umvwe kajo kamutuntwisha mulongo wami, kechi nkaja nyama myaka yonsetu ne, kuchiina amba, nakamutuntwisha mulongo wami.

Ngalatiya 5:11

Anweba bakwetu, amiwa umvwe nkisapwila mambo a mukanda, mambo ka o nkimanyikilwa? Abyo nanchi kya kwituntulako kya musalabu kyazhimang'ana.

1 Petelo 2:8

Kabiji kinembelo kikwabo kyaamba amba, “Jibwe ja kwituntulako ne mukunko wa kwibaponeshako.” Betuntula mambo a kulengulula mafunjisho byonka byo kibatongwejilwe.