Mateo 5:29 - KNTP

²⁹ Kabiji umvwe jiso jobe ja ku kilujo jakulengesha kulenga mambo, wijilobolemo ne kwijitaya! Mambo kyakuwamina umvwe kimo kya mubiji wobe kyaonaika, bino mubiji wobe yense kutayiwa mu Ngehena ne.

Mateo 5:29 Iomraidhean Croise

Mateo 10:28

Abo bepaya mubiji ne kukankalwa kwipaya mweo kwibachiina ne; muchiinai aye wakonsha konauna mubiji ne mweo pamo mu Ngehena.

Mateo 11:6

Kabiji watokwa awa wabula kumona kya kwituntulako mwi amiwa!”

Mateo 16:26

Lelo muntu nangwa wanonka ntanda yonse umvwe wataya mweo wanji ukamwenamo ka? Kabiji namba, ikika kyo akapana muntu kya kupimpula na mweo wanji?

Mateo 17:27

Byonkabyo, kuchiina amba, twakebatuntwisha, yainga ku kizhiba, mukatayemo kanda mu mema ne jisabi jitanshi jo musakuloba mwijishikule, ne pa kwijasamika kanwa musakutanaamo jali, mwijangatemo mupane musonko wami ne wenu.”

Mateo 19:12

Mambo kobaji bantungu, basemwa naabo kufuma munda mwaba inaabo, kabiji bakwabo bantungu, bo baubisha buntungu ku bantu, kabiji kuji bakwabo bantungu, beubisha buntungu bene na mambo a bufumu bwa mwiulu. Wakonsha kwikitambula, ekitambule.”

Mateo 23:15

“Malwa enu, anweba banembeshi ne Bafaliseo, ba kamfutumfutu! Mambo mupitang'ana ponse pa mema ne pa ntanda amba twalule umo, kabiji pa kumwalulula mwamulenga ke mwana wa Ngehena, wimukijisha ne anweba bene.”

Mateo 23:33

Anweba milolo, anweba baana ba balunkungwe, mukapuluka byepi ku lukabisho lwa mu Ngehena?

Mateo 5:22

Pakuba amiwa nemwambila namba, awa wamubukila bukaji mulongo wanji, aye naye wafwa nao a kuletwa mukije, kabiji awa wa mwambila mulongo wanji amba, wakosama, aye naye wafwa nao a kuletwa mukije kikatampe, pakuba awa wa amba bya kufing'ana wafwa nao a kutayiwa mu Ngehena ya mujilo.

Mateo 5:30

Kabiji umvwe kuboko kobe kwa ku kilujo kwa kulengesha kulenga mambo wikuchibeko ne kwikutaya! Mambo kyakuwamina umvwe kimo kya mubiji wobe kyaonaika, kukila mubiji wobe yense kuya mu Ngehena.

Mako 8:36

Lelo muntu nangwa wanonka ntanda yonse, umvwe wataya mweo wanji, ukamwenamo ka?

Luka 12:5

Nanchi nsa kwimubuula ye mwafwainwa kuchiina. Chiinai yewa uba pa kupwisha kwipaya, uji na luusa lwa kutaya mu Ngehena. Kine nemwambila namba, muchiinai aye!”

Loma 6:6

Kasa twayuka kino, amba buntu bwetu bwakala bwapopelwe nanji, amba mubiji wa bundengamambo angatwe bulume, kabiji amba kechi tukikale mu buzha bwa bundengamambo ne.

Loma 8:13

Mambo umvwe mwalonda bya buntunshi mukafwa. Pakuba umvwe mwaipaya na Mupashi byubilo bya mubiji, mukekala na bumi.

1 Kolinda 9:27

Pakuba nepumapuma pa mubiji wami ne kumuleeta mu buzha, kuchiina amba nangwa mu kya byepi, pa kusapwila ku bakwabo amiwa mwine nakalengululwa.

Ngalatiya 5:24

Kabiji abo bakwa Kilishitu Yesu bapopa kala pa musalabu buntunshi bwabo ne bya kusakasaka kwabo ne bya lwiso lwabo byonse pamo.

Kolose 3:5

Onkao mambo ipayai bya ku mibiji yenu biji pano pantanda, bulalelale ne bubipisho ne kusakasaka kubindankanya muchima ne kusakasaka kubi konse ne lunkumbwa, alo ko kupopwela bankishi.