Mateo 5:22 - KNTP

²² Pakuba amiwa nemwambila namba, awa wamubukila bukaji mulongo wanji, aye naye wafwa nao a kuletwa mukije, kabiji awa wa mwambila mulongo wanji amba, wakosama, aye naye wafwa nao a kuletwa mukije kikatampe, pakuba awa wa amba bya kufing'ana wafwa nao a kutayiwa mu Ngehena ya mujilo.

Mateo 5:22 Iomraidhean Croise

Mateo 10:17

Kabiji jimukai na bantu, mambo bakemufikizha ku bije, ne kwimututaula mu mashinagoga.

Mateo 10:28

Abo bepaya mubiji ne kukankalwa kwipaya mweo kwibachiina ne; muchiinai aye wakonsha konauna mubiji ne mweo pamo mu Ngehena.

Mateo 12:24

Pakuba Bafaliseo, pa kwikyumvwa, ba ambile amba, “Uno kechi wibapangamotu bademona ne, poso na bulume bwa Belezebuba, mfumu wa bademona.”

Mateo 17:5

Byo akyambilenga, ponkapo jikumbi jibembela jibazhikile, kabiji mu jikumbi mwafumine jiwi ja ambile amba, “Uno ye Mwanami ye natemwa, monamwena lusekelo, mukookelai aye!”

Mateo 18:21

Ponkapo Petelo waishile kwi Yesu ne kumwipuzha amba, “Nkambo umvwe mulongo wambala mambo amiwa namulekele jinga? Jitanu na jibiji nyi?”

Mateo 18:35

“Mo monka mo bakemuubila Bataata baji mwiulu umvwe ne kwibalekela balongo benu mambo abo mu michima yenu ne.”

Mateo 23:15

“Malwa enu, anweba banembeshi ne Bafaliseo, ba kamfutumfutu! Mambo mupitang'ana ponse pa mema ne pa ntanda amba twalule umo, kabiji pa kumwalulula mwamulenga ke mwana wa Ngehena, wimukijisha ne anweba bene.”

Mateo 23:33

Anweba milolo, anweba baana ba balunkungwe, mukapuluka byepi ku lukabisho lwa mu Ngehena?

Mateo 25:41

Ponkapo ukebambila abo ba ku kipiko kyanji amba, ‘Fumaiko kwi amiwa, anweba mwafingwa, yainga mu mujilo wa myaka ye banengezhezha Diabola ne bamalaika banji!

Mateo 26:59

Kabiji bang'anga bakatampe ne ba mukije bonse ke baye na kukeba bya bubela bya kumushiina Yesu amba bamwipaye;

Mateo 3:17

Kepo jiwi jafumine mwiulu amba, “Uno ye mwanami ye natemwa, mo namwena lusekelo.”

Mateo 5:34

Pakuba amiwa nemwambila namba, kechi uchipatu nangwa pacheche ne, nangwa kuteela mwiulu ne, mambo jo jitanda ja Lesa;

Mateo 5:44

Pakuba amiwa nemwambila namba, kasa mwibatemwa balwanyi benu ne kwibalombelela bemushikwa,

Mako 14:55

Kabiji bang'anga bakatampe ne bena kije bonse bakebele kya kumushiina Yesu amba, bamwipaye, kabiji kechi bekimwene ne.

Mako 15:1

Ponkapotu pa kukya lukeelo bang'anga bakatampe bapwijile pamo na bakulumpe ne banembeshi ne bonse bamukije. Ne Yesu bamukashile, kabiji bamutwajile ne kumupana kwi Pilato.

Luka 12:5

Nanchi nsa kwimubuula ye mwafwainwa kuchiina. Chiinai yewa uba pa kupwisha kwipaya, uji na luusa lwa kutaya mu Ngehena. Kine nemwambila namba, muchiinai aye!”

Luka 22:66

Byo bwakiile, kije kya bakulumpe ba bantu kyapwijile pamo, bonse ne bang'anga bakatampe ne banembeshi; bamutwajile mukije kyabo amba,

Yoano 11:47

Ponkapo bang'anga bakatampe ne Bafaliseo baikajile kije, ne kwamba amba, “Tube byepi? Mambo uno muntu ubena kuba biyukilo byavula!

Yoano 15:25

Abino byamweka amba, bifike abya byambo byanembwa mu buku wabo wa mizhilo, amba ‘Banshikwatu pakubula mambo.’

Yoano 7:20

Kumvwa jibumba ja bantu amba, “Muji na mudemona! Ng'anyi ukeba kwimwipaya?”

Yoano 8:48

Kumvwa Bayudea amba, “Nanchi twa amba bulongo namba, anweba mwi mwina Samaliya, kabiji muji na mudemona.”

Byubilo 17:18

Kabiji bamo bena Epikyulya ne bena Sitoiki batemwa maana, basambakene nanji. Kabiji bamo ba ambile amba, “Uno kyabauki ambe ka?” Bakwabo amba, “Wauba nobe usapwila balesa bangi.” Mambo aye wasapwijilenga Mambo Awama a Yesu ne lusanguko lwa bafu.

Byubilo 22:30

Pakuba byo bwakiile lukeelo, byo asakile kuyukisha kine kintu kyo ashiinwa na Bayudea, wamukasulwile, ne kukambizha bang'anga bakatampe ne bena kije bonse bapwijile pamo; ponkapo wamwikizhe Paulo ne kumubiika mu kyenyi kyabo.

Byubilo 23:1

Kabiji Paulo watajile pajinga bena kije, wibambijile amba, “Anweba bakwetu, ku meso a Lesa konaikajilenga na muchima watoka wakubula kwizhachisha, kufika ne ku jino juba ja leelo.”

Byubilo 24:20

Nangwa bano bonka bateele kyatama kyo bamwene byo naimene mukije kyabo,

Byubilo 4:15

Bino byo bebakambizhe amba, akifumaimo mukije, beipwizhe bene na bene amba,

Byubilo 5:21

Ne byo ba umvwine bino, batwelele mu nzubo ya Lesa pakusama juba, ne kufunjisha. Ponkapo ng'anga mukatampe ne bo ajinga naabo bepwizhizhe pamo bena kije, ne bonse bakulumpe bene ba bena Isalela ne kutuma jiwi ku kaleya amba bakebalete.

Byubilo 5:27

Kabiji byo bebaleetele, bebabikile mukije, ponkapo ng'anga mukatampe wibepwizhe amba.

Byubilo 6:12

Kabiji bebavulumwine bantu, ne bakulumpe, ne banembeshi, kabiji bamubungulukijile ne kumukwata, ne kumuleeta mukije.

Byubilo 6:15

Ne bonse baikajile mukije pa kumutala, bamwene kilungi kyanji nobe kilungi kya malaika.

Byubilo 7:37

Uno ye yenkawa Mosesa, wa ambijile bena Isalela amba, ‘Monka mu balongo benu Lesa ukemwimenyamo ngauzhi pamo ne amiwa.’

Loma 12:10

Mu butemwe bwa balongo kasa mwitemwisha na lusa anweba bene na bene, mu buneme namo kasa mwinemeka anweba bene na bene.

1 Kolinda 6:10

nangwa bangivi, nangwa ba lunkumbwa, nangwa ba bitomi, nangwa batukana, nangwa baja bya lunkanankana, kechi bakaswana bufumu bwa Lesa ne.

1 Kolinda 6:6

Balongo na balongo byo betwala ku kije, nakyo kije kya babula kwitabila?

Tesalonika 4:6

Kabiji kechi pekale muntu nangwa umo, azhilulule muzhilo ne kumuba bibi mulongo wanji mu ano mambo ne. Mambo aye Nkambo ye ushinkanya mu bino bintu byonse, byonka byo twimujimwine ne kwimubujisha.

Titusa 3:2

Kechi bamunene bya mwenga muntu nangwa umotu ne, nangwa kwikala ba lutobo ne, bekale bakooka michima ne kumwesha bukimote ku bantu bonse.

Bahebelu 12:25

Jimukai kechi mukaane awa ubena kwimwambila ne. Mambo aba bakaine kumvwa awa wibajimwine pano pantanda kechi bapulukile ne. Kine ne atweba kechi tukapuluka nangwa pacheche ne, umvwe twamuvundamina awa witufunda uji mwiulu!

Bahebelu 5:9

Kabiji byo alumbulwilwe, waalukile ke mwine wa lupulukilo lwa myaka ku bonse bamukookela.

Yakoba 2:20

Bino obewa kilubi wasaka kuyuka amba, lwitabilo lwabula mingilo lo lwatu nyi?

Yakoba 3:6

Kabiji lujimi naye uji nobe mujilo, ntanda ya bubi ya mu bya mibiji yetu ye lujimi, ye utamisha mubiji yense, ne kwambula bwikalo bonse bwa bumi bwetu, kabiji mwine wambulwa ku ngehena.

1 Petelo 2:23

Aye, byo ba mwambijile mwenga, kechi wabwezhezhe mwenga ne; kabiji byo amanamine, kechi wapingile bipingo ne, bino wifikizhe mwine kwiyewa uchiba mambo mo aolokela.

1 Petelo 3:9

Kubwezha kibi na kibi kikwabo ne, nangwa mwenga na mwenga mukwabo ne, kana bibusa byonka, mambo kino kyo kyo mwaichilwa amba mukaswane bibusa.

1 Yoano 2:9

Awa wamba amba uji mu kyeya, kasa ashikwa mulongo wanji, ukiji mu mfishi.

1 Yoano 3:10

Mukino mo mwayukanyikilwa baana ba Lesa, ne baana ba Diabola, bonse babula kuuba bololoke kechi bo bakwa Lesa ne, nangwa aye wabula kutemwa mulongo wanji ne.

1 Yoano 5:16

Umvwe umo wamona mulongo wanji kasa alenga mambo abula kuleeta lufu ukalomba, ne aye Lesa ukamupa bumi bwa abo balenga mambo abula kuleeta lufu. Bino koaji mambo aleeta lufu. Kechi oo naamba namba, akalombe ne.

Yuda 1:9

Pakuba aye Mikeela, malaika mwine mukatampe byo alwilenga ne Diabola ne kupachika na mambo a mubiji wa Mosesa, kechi wajinga na muchima wa kumushiina bya mwenga ne, pakuba aye wa ambile amba, “Nkambo akulengulule.”

Lumwekesho 20:14

Ne lufu ne kalunga ka bafu byaelelwe mu kizhiba kya mujilo. (Luno lo lufu lwa bubiji, kyo kizhiba kya mujilo.)