Mateo 5:18 - KNTP

¹⁸ Mambo kine amiwa nemwambila namba, poso jiulu ne ntanda bikapite, kafwako nangwa kajilembo kamo nangwa kakinshabu kamo ka mu mizhilo kakapita ne, poso byonse bikafike.

Mateo 5:18 Iomraidhean Croise

Mateo 10:15

Kine nemwambila namba, mu juba ja kije bya malwa bya kyalo kya Sodoma ne Gomola bikakepako kechi bikesakana na bya yewa muzhi ne!”

Mateo 10:23

Kabiji pa kukemupata mu muzhi umo, mukanyemene ku muzhi mukwabo, mambo kine nemwambila namba, kechi mukakumbanye mizhi yonse ya Isalela Mwana Muntu kasa akyangye kwiya ne.

Mateo 10:42

Kabiji awa ukapana nangwa tumematu twa munyango, mu jizhina ja mwana wabwanga, ku kamo ka tuno twana tucheche, amba katome, kine nemwambila namba, kechi akabulwe kutambula mfweto yanji nangwa pachechetu ne.”

Mateo 11:11

Kine nemwambila namba, mu basemwa ku banabakazhi kafwako wakila Yoano Mubatishi ne. Nangwa byonkabyo awa mucheche mu bufumu bwa mwiulu ye wamukila.

Mateo 13:17

Mambo kine nemwambila namba, bangauzhi bavula ne baoloka basakile kwibimona byo mubena kumona anweba, ne kwibimona ne, ne kumvwa byo mubena kumvwa, bino kechi bebyumvwine ne.”

Mateo 16:28

Kine nemubuula namba, po baji bamo baimana pano, bakabula kumona lufu nangwa pacheche ne, poso bakamone Mwana Muntu kasa eya mu bufumu bwanji.”

Mateo 17:20

Ne Yesu wibakumbwile amba, “Mambo a kalwitabilo kenu kacheche, mambo kine nemwambila namba, inge muji na lwitabilo pamo nobe jipeke ja masitate, inge mwa mwambila uno mutumba amba, fumapo ya po pa, ne aye ukafumapo, kabiji kafwako kyo mukakankalwa ne.

Mateo 18:18

“Kine nemwambila namba, byonse byo mukakasa pano pantanda, kabiji ne mwiulu bikakaswa, kabiji byonse byo mukakasulula pano pantanda ne mwiulu bikakasululwa.

Mateo 18:3

amba, “Kine nemwambila namba, kana anweba kwaluluka ne kwikala pamo nobe twana twa tucheche ne, kechi mukatwele nangwa pacheche mu bufumu bwa mwiulu ne.

Mateo 19:23

Ponkapo Yesu wibambijile baana banji babwanga amba, “Kine nemwambila namba, kyakatazha bingi banonshi kutwela mu bufumu bwa mwiulu.

Mateo 19:28

Kumvwa Yesu wibambijile amba, “Kine nemwambila namba, anweba ba kundondela, mu ntanda ipya byo akekala Mwana Muntu pa jitanda janji ja lukumo, ne anweba mukekala pa bipona jikumi na bibiji, na kwiichibila mambo mikoka jikumi na ibiji ya bena Isalela.

Mateo 21:21

Kumvwa Yesu wibambijile amba, “Kine ne mwambila namba, kana muji na lwitabilo ne kuzhinauka ne, kechi mukooba kyonkakye kyaubiwapo ku mukuyu ne, mukambila nangwa uno mutumba amba ushikulwe, utayiwe mu kalunga ka mema, kikobiwa byonkabyo.

Mateo 21:31

Pabano babiji, ng'anyi waubile kyaswa muchima wa shabo?” Kumvwa abo amba, “Mutanshi.” Kumvwa Yesu amba, “Kine nemwambila namba, basonkeshi ne bankende bakemukilaila kukatwela mu bufumu bwa Lesa.

Mateo 23:36

Kine nemwambila namba, bino bintu byonse bikekifikila kino kisemi!

Mateo 24:2

Kumvwa aye wibambijile amba, “Mubena kwibimona bino byonse, kine nemwambila namba, kechi pakashaala nangwa jibwe jikatentakana pa jikwabo jo bakabula kupalang'anya ne.”

Mateo 24:47

Kine, nemwambila namba ukamupa bukulumpe bwa bintu byanji byonsetu.

Mateo 25:12

Kumvwa aye amba, ‘Kine nemwambila namba kechi nemuyuka ne.’

Mateo 25:40

Kabiji Mfumu pa kwibakumbula, ukebambila amba, ‘Kine nemwambila namba, monka mo mwamubijile umo wapelaako wa bano balongo bami, mo mwangubile ne amiwa.’

Mateo 25:45

Ponkapo ukebambila amba ‘Kine, nemwambila namba, monka mo mwabujile kumuubila umo wapelaako wa bano, mo mwabujile kungubila ne amiwa.’

Mateo 5:26

Kine amiwa nemwambila namba, kechi ukafumamo ne, poso wafuta mali onsetu.

Mateo 6:16

“Kabiji pa kuzhikilwa na nzala, kechi mwikale na bilungi bya bulanda byonka byo boba ba kamfutumfutu ne. Mambo abo baalula bilungi byabo ke bingi amba, bantu bebamone amba bazhikilwa na nzala. Kine nemwambila namba, batambwila jimo mfweto yabo.

Mateo 6:2

“Kabiji byonkabyo pa kupana bya bupe, kechi wimbe ntolompita palutwe yobe byo boba ba kamfutumfutu mu mashinagoga ne mu mikwakwa, amba bantu betutote. Kine amiwa nemwambila namba batambwila jimo mfweto yabo.

Mateo 8:10

Yesu pakumvwa wakuminye bingi, ne kwibambila bamulondejilenga amba, “Kine ne mwambila namba, kechi namwenepo lwitabilo lukatampe lwa byonkabye nangwa mubena Isalela ne.

Mako 10:15

Kine nemwambila namba, awa wabula kutambula bufumu bwa Lesa pamo nobe mwana mucheche, kechi akatwelemo nangwa pachechetu ne.”

Mako 10:29

Kumvwa Yesu amba, “Kine ne mwambila namba, kafwako muntu washa nzubo, nangwa balongo, nangwa banyenga yanji, nangwa bainanji, nangwa bashanji, nangwa baana, nangwa majimi, na mambo a amiwa, ne na mambo a Mambo Awama,

Mako 11:23

Kine nemwambila namba, awa ukamwambila uno mutumba amba, ushikulwe ne kutayiwa mu kalunga ka mema, ne kuzhinauka mu muchima wanji ne, kasa aitaba amba, akya kyo naamba kikamweka, kikamubilwa.

Mako 12:43

Ne aye wibechile baana banji babwanga ko aji, ne kwibambila amba, “Kine nemwambila namba, uno mwanamukazhi wafwilwa mulanda wabiikamo byakila bya bonse ba bena kutayamo mu kilambwilo.

Mako 13:30

Kine nemwambila namba, kino kisemi kechi kikapite ne, poso bino byonse bikafike.

Mako 14:18

Kabiji byo baikele na kuja, Yesu wa ambile amba, “Kine, ne mwambila namba umo wa mwi anweba ukansolola, yenka ubena kuja ne amiwa.”

Mako 14:25

Kine amiwa nemwambila namba, kechi nkatomapo jibiji bino bipangwa bya mung'anzang'anza ne, poso mu jonkaja juba jo nkatoma angi apya mu bufumu bwa Lesa.”

Mako 14:30

Kumvwa Yesu wamwambijile amba, “Kine nemwambila namba, buno bufuku bwa leelo, shikombwe kasa akyangye kukookola jibiji, anweba musakunkana jisatu.”

Mako 14:9

Kine, nemwambila namba, konse konse ko bakasapwila Mambo Awama pano pantanda ponse, ne kino kyo auba uno mwanamukazhi nakyo kikambiwanga ke kya kumuvulukilako.”

Mako 3:28

“Kine ne mwambila namba, mambo aabo onse ake balekelwa baana ba bantu ne bya mwenga byonse byo bamba.

Mako 6:11

Kabiji konse konse ko bakabula kwimutambula, nangwa kwimumvwa, mukafumeko kabiji mukakunte lukungu lwa ku maulu enu, kya kwibashiina.”

Mako 8:12

Ne aye waikizhe kyefu mu muchima wanji ne kwamba amba, “Mambo ka kino kisemi kikeba kiyukilo? Kine ne mwambila namba, kafwako kiyukilo kikapanwa ku kyo kino kisemi ne.”

Mako 9:1

Kabiji wibambijile amba, “Kine nemubuula namba, po baji bamo baimana pano bakabula kumona lufu nangwa pacheche poso bakamone bufumu bwa Lesa bwafika na bulume.”

Mako 9:41

Kine, ne mwambila namba, aye ukemupa katomeno ka mema a kutoma mu jizhina jami mambo mwi ba kwa Kilishitu, kine nemwambila namba kechi akabulwe kutambula mfweto yanji nangwa pachechetu ne.

Luka 11:51

kufuma ku mashi akwa Abela kufika ne ku mashi akwa Zakaliya, yenkawa wafwijile pakachi aku kyakusokelapo bitapisho aku nzubo ya Lesa. Kine, nemwambila namba, bakekikebela kino kisemi.”

Luka 12:37

Batokwa aba bakalume, boakatana nkambo yabo pa kwiya kasa balaba. Kine, nemwambila namba, ukapimpa ne kwinyinga aye mwine, ne kwibekazha amba baje, kabiji mwine ukeya ne kwibengijila.

Luka 13:35

Talai nzubo yenu imushajila ke masala. Mambo nemwambila namba, kechi mukammona ne poso mukambe amba, ‘Atotwe awa wiya mu jizhina ja Nkambo.’”

Luka 16:17

Kyapeela jiulu ne ntanda kupita kukila nangwa kakinshabu ka mu buku wa Mizhilo kaapita.”

Luka 18:17

Kine nemwambila namba, awa wabula kutambula bufumu bwa Lesa pamo nobe mwana wa mucheche, kechi akatwelemo nangwa pachechetu ne.”

Luka 18:29

Ne Yesu wibambijile amba, “Kine ne mwambila namba, kafwako muntu washa nzubo, nangwa mukazhi, nangwa balongo, nangwa bansemi, nangwa baana, na mambo a bufumu bwa Lesa,

Luka 23:43

Ne aye wamwambijile amba, “Kine nemwambila namba, jonka jino juba ja leelo musa kwikala ne amiwa mu Paladisa.”

Luka 4:24

Ne aye wa ambile amba, “Kine nemwambila namba, kafwako ngauzhi witabilwa mu muzhi wanji mwine ne.

Yoano 1:51

Kabiji wamwambijile amba, “Kine, kine amiwa nemwambila namba, Musakukamona jiulu jashinkuka, ne bamalaika ba Lesa kasa bakanjila ne kwikijila pa Mwana Muntu.”

Yoano 10:1

“Kine, kine, nemwambila namba, awa ubula kutwelela pa kibelo mu kipaka kya mikooko, pakuba ukanjijila pangi ye ngivi kabiji ye kapondo.

Yoano 10:7

Kepo Yesu ebambijile jibiji amba “Kine, kine nemwambila namba, amiwa yami kibelo kya mikooko.

Yoano 12:24

Kine, kine nemwambila namba, umvwe lukunwa wa wichi ne kuponena mu mushiji ne kufwa ne, wikala bunke bwanji, pakuba inge wafwa, ye upanga byavula.

Yoano 13:16

Kine, kine, nemwambila namba, muzha kechi wakila nkambo yanji ne, nangwa yewa ye batuma kechi wakila wamutuma ne.

Yoano 13:38

Kumvwa Yesu amba, “Kine mukangelela mweo wenu nyi? Kine, kine, nemwambila namba, Shikombwe kasa akyangye kukookola, musakunkana jisatu.”

Yoano 14:12

Kine, kine nemwambila namba, awa wangitabila amiwa, mingilo yo nguba amiwa naye ukeyuba, ne yakila ino ukeyuba, mambo mbena kuya kwi Bataata.

Yoano 16:20

Kine, kine nemwambila namba, anweba mukajila ne kuwowakana mabingo, pakuba ba pano pantanda bakasekela, anweba mukekala na bulanda, pakuba bulanda bwenu bukaaluka ke lusekelo.

Yoano 16:23

“Kabiji mu joja juba kechi mukangipuzha kintu ne. Kine, kine nemwambila namba, umvwe mukalomba kintu kwi Bataata, mu jizhina jami nangwa kya byepi, bakemupakyo.

Yoano 21:18

Kine, kine nemwambila namba, byo mwakijinga nsongwalume, mwivwikilenga, ne kuya ko mwasakilenga anweba bene, pakuba byo mukekala ke mukote, mukatanyika maboko enu, ne mukwabo ukemuvwika, ne kwimutwala ko mwabula kusaka.”

Yoano 3:11

Kine, kine nemwambila namba, byo twayuka byo byonka byotwamba, ne byo twamona byo byonka byo tushimuna, ne anweba bonse ne kwitabila kushimuna kwetu ne.

Yoano 3:3

Kumvwa Yesu amba, “Kine, kine nemwambila namba, inge muntu ne kusemwa jibiji ne, kechi akonshe kumona bufumu bwa Lesa ne.”

Yoano 3:5

Kumvwa Yesu amba, “Kine, kine, nemwambila namba, inge muntu ne kusemwa ku mema ne ku Mupashi ne, kechi akonshe kutwela mu bufumu bwa Lesa ne.

Yoano 5:19

Kepo Yesu ebambijile amba, “Kine, kine, nemwambila namba, aye Mwana kechi wakonsha kwiubila kintu ne, poso byonka byo amona byuba Shanji, ke pakuba byonse byo oba Shanji, byo byubapo ne Mwana pamo.

Yoano 6:26

Yesu wibakumbwile amba, “Kine, kine, nemwambila namba, mubena kunkeba, kechi na mambo a biyukilo byo mwamwene ne, bino na mambo onka a bashinkwa bo mwajiile ne kwikuta.

Yoano 6:32

Kabiji Yesu wibambijile amba, “Kine, kine, nemwambila namba, Mosesa kechi wimupele kajo kafuma mwiulu ne, pakuba bataata bapana kajo ka kine kafuma mwiulu.

Yoano 6:47

Kine, kine nemwambila namba, aye waitabila uji na bumi bwa myaka.

Yoano 6:53

Kumvwa Yesu wibambijile amba, “Kine, kine nemwambila namba, umvwe anweba ne kuja ku mubiji wa Mwana Muntu ne, ne kutoma mashi anji ne, kechi muji na bumi mwi anweba bene ne.

Yoano 8:34

Kumvwa Yesu amba, “Kine, kine nemwambila namba, bonse balenga mambo bo bazha ba bundengamambo.

Yoano 8:51

Kine, kine nemwambila namba, umvwe muntu walama mambo ami, kechi ukamona lufu myaka ne myaka nangwa pacheche ne.”

Yoano 8:58

Kumvwa Yesu wibambijile amba, “Kine, kine nemwambila namba, Abulahama byo ajinga ukyangye, amiwa kasa njipo.”

1 Petelo 1:25

Pakuba byambo bya Nkambo byaikajikwa myaka.” Kabiji bino byambo o Mambo Awama o bemusapwijile anweba.

Lumwekesho 20:11

Kabiji namwene jitanda jikatampe jitoka, ne aye waikajileepo. Jiulu ne ntanda byanyemene kilungi kyanji kabiji kechi byamwene pa kwikala ne.