Mateo 5:12 - KNTP

¹² Sekelai ne kusangalala, mambo mfweto yenu yo ikatampe mwiulu, mambo byo byo bebapachilenga ne bangauzhi ba batangijilepo kala.”

Mateo 5:12 Iomraidhean Croise

Mateo 16:27

Mambo Mwana Muntu ukeya mu lukumo lwa ba Shanji na bamalaika banji, po po akafweta muntu yense monka mwayila mingilo yanji.

Mateo 6:16

“Kabiji pa kuzhikilwa na nzala, kechi mwikale na bilungi bya bulanda byonka byo boba ba kamfutumfutu ne. Mambo abo baalula bilungi byabo ke bingi amba, bantu bebamone amba bazhikilwa na nzala. Kine nemwambila namba, batambwila jimo mfweto yabo.

Luka 13:34

“Obewa Yelusalema, Yelusalema! Wipaya bangauzhi ne kwibaasa mabwe aba bo bemutumina! Javula bingi jo nasakile kwibakonkenya baana bobe pamo nobe kyaje ukonkenya twana twanji mwine mu byapi byanji, kabiji anweba kechi mwaswile ne!

Luka 6:23

Mukasekele mu joja juba, ne kukilauka na lusekelo, mambo talai mfweto yenu yo ikatampe mwiulu; mambo ne bashakulu babo nabo baubanga byonkabyo ku bangauzhi.

Luka 6:35

Bino temwai balwanyi benu, ne kwibobila byawama, kabiji panai kwakubula kuketekela kutambulako nangwa kimo ne, ne mfweto yenu ikekala ikatampe, kabiji mukekala ke baana ba Mwine Wakila, mambo aye wibobila lusa babula kusanta ne babi.

Byubilo 16:25

Kabiji pakachi ka bufuku ba Paulo ne Silasa balombelenga ne kwimba nyimbo kwi Lesa, ne bakaili bakwabo bebatelekelenga.

Byubilo 5:41

Byonkabyo bafumine mukije kasa basekela na mambo a kutongolwa amba, bo bafwainwa kwijimwena bumvu jizhina ja Yesu.

Loma 5:3

Kukilapotu, twasekela ne mu bya malwa byetu, kasa twayuka namba, malwa aleeta butekanye,

1 Kolinda 3:8

Pakuba awa ubyala ne awa utekezha bajitu pamo, mambo bonse pa muntu pa muntu, bakatambula mfweto, au yanji, au yanji, monka mwayila mingilo yabo.

2 kolinda 4:17

Mambo malwa etu apeela, a kakimye kamotu, abena kwitwingijila lukumo lwakijishatu kunema, lwa myaka.

Filipai 1:29

Mambo kechi kimupewa anweba na mambo a Kilishitu, kumwitabilatu konka ne, poso ne kumumanamina nako pamo.

Filipai 2:17

Nangwa inge nkechilwa nobe mulambo pa kitapisho kya mingilo yenu ya lwitabilo lwa kwi Lesa, nasekela kabiji nkasekela pamo ne anweba.

Kolose 1:24

Pano nasekela mu bya kumanama byami na mambo a anweba, kabiji mbena kuyuzha kwashajile ku bya kumanama bya Kilishitu mu mubiji wami na mambo a mubiji wanji, kyo kipwilo.

Kolose 3:24

Byo mwayuka amba, mukatambula mfweto kwi Nkambo bo buswanyi. Ye Nkambo Kilishitu ye mwingijila.

Tesalonika 2:15

ibo bamwipayile Nkambo Yesu ne bangauzhi, ne kwitumanyika ne atweba. Bobabula kutokesha Lesa pa muchima, kabiji beabanya na bantu bonse.

Bahebelu 10:34

Mambo anweba mwi bobijile lusa bajinga mu mfungwa, kabiji mwasangalele pa kwimupukula bintu byenu, byo mwayukile amba, anweba bene muji na bunonshi bwakila mu kuwama kabiji bwa myaka.

Bahebelu 11:26

Walangulukile amba matuka a kutukilwa pe Kilishitu awama kukila kuwama kwa bunonshi bwa Ijipita, mambo watajile ku mfweto ya kulutwe yo akafwetwa.

Bahebelu 11:33

Mo mu lwitabilo abo mo bashinjile byalo bya mu bufumu bwavula, ne kufikizha bololoke, ne kutambula milaye, ne kushinka tunwa twa mabokwe,

Bahebelu 11:6

Kabiji kwa kubula lwitabilo kechi kyakonsheka kumutokesha Lesa pa muchima ne, mambo awa wiya kwi Lesa kyamufwainwa aye kwitaba amba ko aji, kabiji amba ye ufweta boba bamukeba.

Yakoba 1:2

Balongo bami, byo muponena mu bya lweseko bya misango ne misango, kasa mulanguluka amba, byonse byo bya lusekelo,

Yakoba 5:10

Bakwetu, mwayila kya kumwenako kya lumanamo ne butekanye, mwenai ku bangauzhi ba ambilenga mu jizhina ja Nkambo.

1 Petelo 4:13

Pakuba sekelai byomubena kushilang'ana nanji bya kumanama Kilishitu, namba mukasekele ponka pa lumwekesho lwa lukumo lwanji.