Mateo 4:3 - KNTP

³ Ne Diabola pa kwiya wamwambijile amba, “Umvwe mwi Mwana Lesa, ambilai ano mabwe aluke ke bashinkwa.”

Mateo 4:3 Iomraidhean Croise

Mateo 14:33

Ne abo bajinga mu bwato bamupopwejile amba, “Kine, anweba mwi Mwana Lesa.”

Mateo 16:16

Kumvwa Shimona Petelo amba, “Anweba mwi Kilishitu, Mwana Lesa mumi.”

Mateo 26:63

Kabiji Yesu wazhindaminepotu. Ne aye ng'anga mukatampe wamwambijile amba, “Nakuchipisha kwi Lesa mumi, tubuule kana yobe Kilishitu Mwana Lesa?”

Mateo 3:17

Kepo jiwi jafumine mwiulu amba, “Uno ye mwanami ye natemwa, mo namwena lusekelo.”

Mako 1:1

Ntendekelo ya Mambo Awama a Yesu Kilishitu, Mwana Lesa.

Mako 3:11

Ne boba bajinga na bapashi babipa byo bamumwenenga, baponenenga panshi mu kyenyi kyanji, kasa babijika amba, “Yenu Mwana Lesa!”

Mako 5:7

ne kubijika na jiwi jikatampe amba, “Lelo nanchi, ikika kyo musaka kwi amiwa, Yesu Mwana Lesa Mwine Wakila? Nemulomba kwi Lesa namba kummanyika amiwa ne.”

Luka 1:35

Ne malaika wamukumbwile amba, “Mupashi Wazhila ukeya pe obewa ne bulume bwa Mwine Wakila bukakunyeng'amina onkao mambo awa mwana ukasemwa wazhila ukatelwa amba, Mwana Lesa.

Luka 22:70

Kumvwa bonse amba, “Anweba nanchi mwi Mwana Lesa nyi?” Kumvwa aye amba, “Monkamo momwa ambila yami iye.”

Luka 4:3

Kepo Diabola wamwambijile amba, “Inge wi Mwana Lesa, ambila aje jibwe jaluke ke shinkwa.”

Luka 4:41

Ne bademona nabo bafumine mu bantu bavula, kasa babijika amba, “Anweba mwi Mwana Lesa!” Bino aye wibakambizhe ne kwibakanya amba kechi bambe ne, mambo bamuyukile amba ye Kilishitu.

Luka 4:9

Kabiji aye wamutwajile Yesu ku Yelusalema. Kabiji wamubiikile peulu ya jikonka ja nzubo ya Lesa ne kumwambila amba, “Umvwe wi Mwana Lesa, witaye obewa mwine panshi kufuma pano,

Yoano 1:34

Ne amiwa namwene, ne kushimuna nashimuna namba uno ye Mwana Lesa.”

Yoano 1:49

Kumvwa Natanela amba, “Laabi, anweba mwi Mwana Lesa; anweba mwi Mfumu wa bena Isalela.”

Yoano 20:31

Pakuba bino byanembwa amba, mwitabile amba, Yesu ye Kilishitu, Mwana Lesa, kabiji amba, pa kwitabila, mwikale na bumi mu jizhina janji.

Yoano 9:35

Yesu wa umvwine amba, bamupangamo, ne kumutaana wamutaine, wamwipwizhe amba, “Anweba mwa mwitabila Mwana Lesa nyi?”

Byubilo 9:20

Kabiji ponkapotu wasapwijilenga mambo a Yesu mu mashinagoga amba “Ye Mwana Lesa.”

2 kolinda 1:19

Mambo Mwana Lesa, Yesu Kilishitu, yenka ye twimusapwijile atweba, amiwa ne Silivanusa, ne Timoti, kechi wajinga wa kuzhinauka amba, “Ee”, kabiji amba, “Ine”, ine, pakuba mwi aye mwajingatu “Ee”.

Ngalatiya 2:20

kabiji amiwa kechi nakiikala na bumi ne, kana Kilishitu ye waikala na bumi mwi amiwa. Kabiji ne abwa bumi bonaikala naabo pano mu mubiji, naikala naabo monka mu lwitabilo lwa mu Mwana Lesa, yenkaye wantemenwe ne kwipana mwine na mambo a amiwa.

Tesalonika 3:5

Onkao mambo ne amiwa byo nabujile kumona mwa kwikizhizha muchima bulongo, natumine muntu namba ngyuke lwitabilo lwenu, kuchiina amba, wa kwimweseka apo kampe wimweseka, ne mwingilo wetu wakaaluka ke watu.

Bahebelu 12:16

Amba kechi kwikale nangwa umo wa bulalelale nangwa wabula kuzhila nobe Isao ne, yenka wapoteshe bubeji bwanji na kijiilo kimo kya kajo.

Bahebelu 4:14

Byo tuji na Ng'anga mwine mukatampe watwelele mwiulu, Yesu Mwana Lesa, tukwachishetu ku kwitabila kwetu.

Bahebelu 7:3

Wabula kuyukanyikwa shanji nangwa inanji nangwa kisemi, wabulwa kuyukanyikwa kimye kya kusemwa kwanji nangwa kimye kya lufu lwanji. Wapashang'ana pamo na Mwana Lesa; ke ng'anga wa myaka ne myaka.

1 Yoano 3:8

Awa utwajijila na kulenga mambo ye wa kwa Diabola, aye Diabola ye ndengamambo kufumatu ne ku ntendekelo. Onkao mambo Mwana Lesa kyokyo amwekejile amba onaune mingilo ya kwa Diabola.

Lumwekesho 2:10

Kechi wakamwe byo waya umaname ne. Umvwai! Aye Diabola waya emutaye anweba bamo mu kaleya amba mwesekwe, kabiji mukamona bya malwa moba jikumi. Wikale wakishinka kufika ne ku lufu, ne amiwa nkakupa munchinya wa bumi.”