Mateo 3:15 - KNTP

¹⁵ Bino Yesu wamukumbwile amba, “Byonkabyo pano swai, pakuba momo kitufwainwa tufikizhe bololoke bonse.” Ponkapo Yoano waswile.

Mateo 3:15 Iomraidhean Croise

Mateo 3:14

Pakuba Yoano wamukainye amba, “Amiwa yami nafwainwa kubatizhiwa kwi anweba, bino kabiji anweba mwaiya byepi kwi amiwa?”

Luka 1:6

Bubiji bwabo bajinga baoloka ku meso a Lesa, ba endelenga kwakubula mambo monka mu mikambizho ne mu mizhilo ya Nkambo.

Yoano 13:15

Mambo amiwa nemushiila mwa kulondela, amba ne anweba mubenga byonka byo nemubila.

Yoano 15:10

Umvwe mwalama mikambizho yami, mukekala mu butemwe bwami, byonka byo nalama mikambizho ya Bataata, ne kwikala mu butemwe bwabo.

Yoano 4:34

Kumvwa Yesu amba, “Kajo kami, ko kuuba kyaswa muchima wa aye wantuma, ne kupwisha mwingilo wanji.

Yoano 8:29

Ne aye wantuma uji ne amiwa, aye kechi wandeka bunke ne, mambo mbena kuuba bya kumutokesha pa muchima moba onse.”

Bahebelu 7:26

Mambo kitufwanyijilwe atweba kwikala na ng'anga mukatampe wa byonkabyo wazhila, wabula mambo, wabula kuzhilululwa, waabana na bandengamambo kabiji wasuntulwa kukila mwiulu.

1 Yoano 2:6

awa wamba amba waikala mwi Kilishitu wafwainwa kwenda byonka byo a endelenga Aye.